ദിവസവും 3ഗ്ലാസ്സ് ബാര്‍ലി വെള്ളം, ഫലം അവിശ്വസനീയം

ടോക്‌സിന്‍ പുറന്തള്ളുന്നു

ശരീരത്തില്‍ അടിഞ്ഞു കൂടിയിട്ടുള്ള ടോക്‌സിനെ പുറന്തള്ളുന്ന കാര്യത്തില്‍ ബാര്‍ലി ഉത്തമമാണ്. ബാര്‍ലി വെള്ളം കുടിയ്ക്കുന്നത് മൂത്രനാളി വഴി ശരീരത്തിലെ വിഷാംശങ്ങളെ പുറന്തള്ളാന്‍ സഹായിക്കുന്നു.

രോഗപ്രതിരോധ ശേഷി വര്‍ദ്ധിപ്പിക്കാന്‍

രോഗപ്രതിരോധ ശേഷി വര്‍ദ്ധിപ്പിക്കുന്ന കാര്യത്തിലും ബാര്‍ലി വെള്ളം മുന്നില്‍ തന്നെയാണ്. ഇരുമ്പ്, കാല്‍സ്യം, കോപ്പര്‍ തുടങ്ങിയവയെല്ലം ഇതില്‍ ധാരാളം അടങ്ങിയിട്ടുണ്ട്. ഇത് രക്തധമനികളെ ശുദ്ധീകരിക്കുന്നു. ഇവയില്‍ അടിഞ്ഞു കൂടിയിട്ടുള്ള കൊഴുപ്പിനെ ഇല്ലാതാക്കാനും രക്തയോട്ടം സുഗമമാക്കാനും ബാര്‍ലിവെള്ളം സഹായിക്കുന്നു.

മൂത്രാശയ അണുബാധ

മൂത്രാശയ അണുബാധയെ നിഷ്പ്രയാസം ഇല്ലാതാക്കാന്‍ ബാര്‍ലി വെള്ളം സഹായിക്കുന്നു. പ്രായഭേദമന്യേ എല്ലാവര്‍ക്കും ബാര്‍ലി വെള്ളം ശീലമാക്കാം. ഇത് കിഡ്‌നി സ്റ്റോണ്‍ പോലുള്ള പ്രശ്‌നങ്ങളെ എന്നന്നേക്കുമായി ഇല്ലാതാക്കുന്നു.

ദഹനസംബന്ധമായ പ്രശ്‌നങ്ങള്‍

ബാര്‍ലി നാരുകളാല്‍ സമ്പുഷ്ടമാണ്. അതുകൊണ്ട് തന്നെ ദഹനസംബന്ധമായ പ്രശ്‌നങ്ങളെ ഇല്ലാതാക്കുന്നതിന് ബാര്‍ലി വെള്ളം ഉപയോഗിക്കാം. ഡയറിയ, മലബന്ധം പോലുള്ള പ്രശ്‌നങ്ങള്‍ക്ക് ഇവയെല്ലാം പരിഹാരം നല്‍കും.

അമിതഭാരം കുറയ്ക്കാന്‍

അമിതഭാരം കൊണ്ട് വീര്‍പ്പുമുട്ടുന്ന വ്യക്തിയാണെങ്കില്‍ അതിനെ ഇല്ലാതാക്കാനും ബാര്‍ലി വെള്ളം കൊണ്ട് സാധിയ്ക്കും. ബീറ്റാഗ്ലൂക്കാന്‍ ഫൈബര്‍ കൊണ്ട് സമ്പുഷ്ടമാണ് ബാര്‍ലി. ഇത് വിശപ്പിനെ കുറയ്ക്കുന്നു. മാത്രമല്ല കലോറി കുറവാണെന്നതും കൊഴുപ്പിനെ ഇല്ലാതാക്കാനുള്ള കഴിവ് ബാര്‍ലിയ്ക്കുണ്ടെന്നതും തടി കുറയ്ക്കാന്‍ സഹായിക്കുന്നു.

കൊളസ്‌ട്രോള്‍ കുറയ്ക്കാന്‍

കൊളസ്‌ട്രോള്‍ കുറയ്ക്കാനും ഏറ്റവും നല്ലതാണ് ബാര്‍ലി വെള്ളം. ഇതിലുള്ള ബീറ്റാഗ്ലൂക്കാന്‍സ് ആണ് കൊളസ്‌ട്രോള്‍ കുറയ്ക്കുന്നത്. മാത്രമല്ല ഇത് ആഹാരത്തില്‍ നിന്നും ചീത്ത കൊളസ്‌ട്രോള്‍ വലിച്ചെടുക്കുന്ന പ്രക്രിയയെ നിഷ്പ്രയാസം ഇല്ലാതാക്കുന്നു.

പ്രമേഹം കുറയ്ക്കുന്നു

പ്രമേഹം കൊണ്ട് ബുദ്ധിമുട്ടുന്നവര്‍ക്ക് ഇനി അതിനെ ഇല്ലാതാക്കാന്‍ സഹായിക്കുന്നതാണ് ബാര്‍ലി വെള്ളം. ആഹാരത്തില്‍ നിന്നും ഗ്ലൂക്കോസ് വലിച്ചെടുക്കുന്ന പ്രക്രിയ സാവധാനമാക്കാനും ഗ്ലൂക്കോസ്, ഇന്‍സുലിന്‍ എന്നിവയുടെ അളവ് കുറയാനും ബാര്‍ലി വെള്ളം സ്ഥിരമായി കുടിയ്ക്കുന്നത് നല്ലതാണ്.

ബാര്‍ലി വെള്ളം ഉണ്ടാക്കുന്ന വിധം

കാല്‍ക്കപ്പ് ബാര്‍ലി, നാല് കപ്പ് വെള്ളം, അല്‍പം ഉപ്പ്, അല്‍പം തേന്‍,അല്‍പം നാരങ്ങ നീര് എന്നിവയാണ് ആവശ്യമുള്ള സാധനങ്ങള്‍.

തയ്യാറാക്കുന്ന വിധം

ബാര്‍ലി നന്നായി കഴുകിയ ശേഷം നാല് മണിക്കൂറെങ്കിലും വെള്ളത്തില്‍ കുതിര്‍ക്കണം. വെള്ളം കളഞ്ഞതിനു ശേഷം നാല് ഗ്ലാസ്സ് വെള്ളം ബാര്‍ലിയില്‍ ഒഴിച്ച് അല്‍പം ഉപ്പും ഇട്ട് അരമണിക്കൂര്‍ തിളപ്പിക്കാം. ശേഷം വാങ്ങി വെച്ച് ആവശ്യമെങ്കില്‍ നാരങ്ങ നീരും തേനും ഒഴിച്ച് ഉപയോഗിക്കാം. ആവശ്യമുള്ളവര്‍ക്ക് ബാക്കി ഫ്രിഡ്ജില്‍ വച്ച് ഉപയോഗിക്കാവുന്നതാണ്.

ശ്രദ്ധിക്കേണ്ട കാര്യം

ബാര്‍ലി മൂത്രശങ്ക വര്‍ദ്ധിപ്പിക്കും. അതുകൊണ്ട് തന്നെ ദിവസവും ആറ് ഗ്ലാസ്സില്‍ കൂടുതല്‍ കഴിയ്ക്കാന്‍ പാടില്ല. മാത്രമല്ല നിങ്ങല്‍ക്ക് താല്‍പ്പര്യമെങ്കില്‍ ബാര്‍ലിയില്‍ കറുവപ്പട്ട, ഇഞ്ചി, ജീരകം എന്നിവയെല്ലാം ഉപയോഗിക്കാവുന്നതാണ്. ഇത് ആരോഗ്യത്തിന് വലരെ നല്ലതാണ്.