18 മാസം 108 കിലോ അവിശ്വസനീയ കഥയുമായി ആനന്ദ് അംബാനി

എത്ര കിലോ ഭാരം കുറച്ചു?

18 മാസങ്ങള്‍ക്കുള്ളില്‍ 108 കിലോ ഭാരമാണ് ആനന്ദ് അംബാനി കുറച്ചത്. പെട്ടെന്നുള്ള തടി കുറയ്ക്കല്‍ രോഗപ്രതിരോധ ശേഷിയേയും കാര്യമായി ബാധിയ്ക്കും എന്നുള്ളതിനാലാണ് ഇത്രയും സമയം എടുത്ത് തടി കുറച്ചത്.

ഗോസ്സിപ്പ് ധാരാളം

സര്‍ജറി ചെയ്താണ് ആനന്ദ് തടി കുറച്ചതെന്ന ഗോസ്സിപ്പ് ഇതിനിടെ പരന്നിരുന്നു. എന്നാല്‍ യാതൊരു വിധത്തിലുള്ള പാര്‍ശ്വഫലങ്ങളുമില്ലാതെ തന്നെ പ്രകൃതി ദത്തമായ രീതിയിലാണ് ആനന്ദ് തന്റെ അമിതഭാരം കുറച്ചത്.

വ്യായാമം കൃത്യസമയങ്ങളില്‍

എല്ലാ ദിവസവും ആറ് മണിക്കൂറെങ്കിലും ആനന്ദ് വ്യായാമത്തിനായി നീക്കിവെച്ചിരുന്നു. ദിവസവും 21 കിലോമീറ്ററിലധികം നടക്കും. യോഗയും കാര്‍ഡിയോ വ്യായാമങ്ങളും ആനന്ദിന്റെ ദിനചര്യകളായിരുന്നു.

വെയ്റ്റ് ട്രെയിനിംഗ്

ബോളിവുഡ് താരം ഹൃത്വിക് റോഷന്റെ ട്രെയിനറാണ് ആനന്ദിന്റേയും തടി കുറച്ചതിനു പിന്നില്‍. വെയ്റ്റ് ട്രെയിനിംഗ് ആണ് ആനന്ദിന്റെ ഈ മാറ്റത്തിനു പിന്നിലെന്ന് നിസ്സംശയം പറയാം. ഭാരം ഉയര്‍ത്തുന്നത് മസിലിനെ ഉറപ്പുള്ളതാക്കി മാറ്റാനും ശരീരത്തിലെ അമിത കലോറിയെ ഇല്ലാതാക്കാനും സഹായിച്ചു.

യോഗ പ്രധാനം

യോഗ തടി കുറയ്ക്കാന്‍ മാത്രമല്ല ശരീരത്തിന്റെ മൊത്തത്തിലുള്ള ആരോഗ്യത്തെ മെച്ചപ്പെടുത്താനും സഹായിച്ചു. മാത്രമല്ല മനസ്സും ശരീരവും ഒരു പോലെ ആരോഗ്യമുള്ളതാക്കി മാറ്റാന്‍ യോഗയ്ക്കു കഴിയും.

സ്ഥിര വ്യായാമങ്ങള്‍ പലതും

സ്ഥിരമായി നമ്മള്‍ ചെയ്യുന്ന വ്യായാമങ്ങള്‍ മുടക്കമില്ലാതെ ചെയ്യുന്നതും ആനന്ദിനെ രുപാട് സഹായിച്ചിട്ടുണ്ട്. കാലിന്റെ മസിലിന് ബലം നല്‍കാനും അമിത കലോറിയും കൊഴുപ്പും ഇല്ലാതാക്കാനും ഈ വ്യായാമം സഹായകമാണ്.

അമിതഭാരത്തിന്റെ കാരണം

കുട്ടിക്കാലത്ത് തന്നെ ആസ്ത്മ അലട്ടിയിരുന്ന ആനന്ദ് മരുന്നുകള്‍ സ്ഥിരമായി കഴിച്ചിരുന്നു. അത് തന്നെയാണ് ആനന്ദിന്റെ അമിതവണ്ണത്തിന് കാരണമായത്.

ഭക്ഷണശീലം

കാര്‍ബോഹൈഡ്രേറ്റ് കുറഞ്ഞ ഭക്ഷണമായിരുന്നു ആനന്ദിന്റെ ഭക്ഷണശീലത്തിലുണ്ടായിരുന്നത്. മാത്രമല്ല പ്രോട്ടീന്‍ കൂടുതല്‍ അടങ്ങിയ ഭക്ഷണമായിരുന്നു പിന്നീട് തുടര്‍ന്നു പോന്നതും. മാത്രമല്ല മധുരം, ബ്രെഡ്, കൂള്‍ഡ്രിങ്ക്‌സ് തുടങ്ങിയവയ്‌ക്കെല്ലാം ആനന്ദിന്റെ ഭക്ഷണശീലത്തില്‍ നിരോധനം ഏര്‍പ്പെടുത്തിയിരുന്നു.