പ്രസവശേഷവും വയറൊതുങ്ങി തടികുറക്കാന്‍

കുഞ്ഞിനെ മുലയൂട്ടുന്നത്

സൗന്ദര്യസംരക്ഷണത്തില്‍ അമിതമായി ശ്രദ്ധിക്കുന്ന ചില അമ്മമാരെങ്കിലും മുലയൂട്ടുന്ന കാര്യത്തില്‍ അല്‍പം പുറകോട്ട് നില്‍ക്കുന്നു. എന്നാല്‍ കുഞ്ഞിനെ മുലയൂട്ടുന്നത് വയര്‍ കുറക്കാനുള്ള ഏറ്റവും നല്ല വഴിയാണ് എന്ന പല അമ്മമാര്‍ക്കും അറിയില്ല. കാരണം ഇത് ശരീരത്തിലുണ്ടാവുന്ന കൊഴുപ്പിനെ ഇല്ലാതാക്കുകയാണ് ചെയ്യുന്നത്. ഇതിലൂടെ നല്ല ഫിറ്റ്‌നസ് നേടിയെടുക്കാം.

പ്രസവശേഷം തടി

ആദ്യത്തെ ആറുമാസത്തിനുള്ളില്‍ തന്നെ തടി കുറക്കാനുള്ള ശ്രമങ്ങള്‍ തുടങ്ങണം. കാരണം പ്രസവശേഷം ആദ്യത്തെ ആറുമാസത്തില്‍ ശരീരത്തിലെ മസിലുകള്‍ വളരെ അയവുള്ളതായിരിക്കും. ഈ സമയത്ത് വേണം ശരീരം പൂര്‍വ്വ സ്ഥിതിയിലെത്താനുള്ള മാര്‍ഗ്ഗങ്ങള്‍ ചെയ്യേണ്ടത്. എന്നാല്‍ പലപ്പോഴും പ്രസവശേഷമുള്ള ആറുമാസം കഴിഞ്ഞ് മസിലുകള്‍ ഉറക്കുന്നു.

തുണി കൊണ്ട് മുറുക്കികെട്ടുന്നത്

പണ്ട് കാലത്ത് പ്രസവശേഷം വയറ്റില്‍ തുണി കൊണ്ട് മുറുക്കിക്കെട്ടുമായിരുന്നു. എന്നാല്‍ ഇന്നത്തെ കാലത്ത് പലപ്പോഴും ഇത് പലരും ചെയ്യാറില്ല. ഇതിന്റെ ഫലമാണ് പ്രസവശേഷമുള്ള വയറു ചാടല്‍. തുണി വയറു കൊണ്ട് മുറുക്കിക്കെട്ടുന്നത് വയറ്റിലെ മസിലുകള്‍ മുറുകാന്‍ സഹായിക്കുന്നു. ഇത് വയറു ചാടുന്നത് കുറക്കാന്‍ സഹായിക്കുന്നു.

യോഗ ചെയ്യാം

വയര്‍ കുറക്കാനും തടി കുറക്കാനും സഹായിക്കുന്ന മാര്‍ഗ്ഗങ്ങളില്‍ പ്രധാനപ്പെട്ട ഒന്നാണ് യോഗ ചെയ്യുന്നത്. എന്നാല്‍ സിസേറിയന്‍ പ്രസവമാണെങ്കില്‍ മുറിവ് ഉണങ്ങിയതിനു ശേഷം മാത്രം യോഗ ചെയ്യാന്‍ ശ്രദ്ധിക്കണം. കെഗല്‍ വ്യായാമങ്ങളും ചെയ്യുന്നത് നല്ലതാണ്. ഇത് മുറിവ് ഉണങ്ങിയ ശേഷം മാത്രം ചെയ്യാന്‍ ശ്രദ്ധിക്കണം.

ധാരാളം വെള്ളം കുടിക്കണം

ധാരാളം വെള്ളം കുടിക്കാന്‍ ശ്രദ്ധിക്കുക. ഇത് ശരീരത്തിലെ കൊഴുപ്പും വിഷാംശങ്ങളും നീക്കം ചെയ്യാനും അപചയ പ്രക്രിയകള്‍ ശക്തിപ്പെടുത്തുന്നതിനും സഹായിക്കുന്നു. മാത്രമല്ല ശരീരത്തിലെ ടോക്‌സിന്‍ പുറന്തള്ളുന്നതിനും സഹായിക്കുന്നു. ഇത് ശരീരത്തിനുള്‍വശം ക്ലീന്‍ ആവാന്‍ സഹായിക്കുന്നു.

ആവശ്യത്തിന് ഭക്ഷണം കഴിക്കുക

ആവശ്യത്തിന് ഭക്ഷണം കഴിക്കാന്‍ ശ്രദ്ധിക്കുക. ഒരിക്കലും വിശപ്പില്ലാതെ ഭക്ഷണം കഴിക്കരുത്. ഇത് തടി വര്‍ദ്ധിപ്പിക്കാന്‍ കാരണമാകുന്നു. പ്രത്യേകിച്ച് പ്രസവശേഷം ചിലര്‍ എന്ത് ഭക്ഷണം കഴിച്ചാലും തടിക്കുന്നു. ഇത് ഒഴിവാക്കാന്‍ പലപ്പോഴും ആവശ്യത്തിന് മാത്രം ഭക്ഷണം കഴിക്കുക.

കൊഴുപ്പ് കുറഞ്ഞ ഭക്ഷണം

കൊഴുപ്പ് കുറഞ്ഞ ഭക്ഷണം മാത്രം കഴിക്കാന്‍ ശ്രദ്ധിക്കുക. ഇക്കാര്യത്തില്‍ വളരെയധികം ശ്രദ്ധ നല്‍കണം. അല്ലാത്ത പക്ഷം ഇത് ശരീരത്തില്‍ വീണ്ടും കൊഴുപ്പ് അടിയാനും പല വിധത്തിലുള്ള ആരോഗ്യ പ്രശ്‌നങ്ങളിലേക്കും തടിയും വയറും കൂട്ടുന്നതിനും സഹായിക്കുന്നു.

നടക്കുക

എന്നും രാവിലേയും വൈകിട്ടും അല്‍പസമയം നടക്കാന്‍ ശ്രദ്ധിക്കുക. ഇത് ആരോഗ്യത്തിന് മാത്രമല്ല ശരീരത്തിന്റെ ഫിറ്റ്‌നസ് നിലനിര്‍ത്താനും സഹായിക്കുന്നു. നടക്കുന്നത് വയറ് ചാടുന്നതിനെ ഇല്ലാതാക്കുന്നു. മാത്രമല്ല കൊഴുപ്പ് കുറക്കുന്നതിനും തടി കുറക്കുന്നതിനും വളരെയധികം സഹായിക്കുന്ന ഒന്നാണ്.

മസ്സാജ് ചെയ്യുക

മസ്സാജ് ചെയ്യുന്നതാണ് മറ്റൊന്ന്. ബോഡി മസ്സാജ് വയറിലെ കൊഴുപ്പിനെ ഇല്ലാതാക്കാന്‍ സഹായിക്കുന്ന ഒന്നാണ്. എന്നാല്‍ സിസേറിയന് ശേഷം മസ്സാജ് ചെയ്യുമ്പോള്‍ മുറിവ് ഉണങ്ങിയെന്ന് ഉറപ്പ് വരുത്തണം. അല്ലെങ്കില്‍ അത് അണുബാധ പോലുള്ള പ്രശ്‌നങ്ങള്‍ക്ക് കാരണമാകുന്നു.

വയറു കുറക്കാന്‍

പ്രസവശേഷം വയറു കുറക്കാന്‍ ഒരു വ്യായാമം ഇത്. നിവര്‍ന്ന് കിടക്കുക. കൈയ്യും കാലും നിവര്‍ത്തി വെക്കുക. രണ്ട് കാലം പതിയെ ഉയര്‍ത്തുക. കാല്‍ മുട്ട് മടക്കാതെ തന്നെ സാവധാനം താഴ്ത്തുക. ഇത് സ്ഥിരമായി ചെയ്താല്‍ വയറു കുറയും എന്ന കാര്യത്തില്‍ സംശയം വേണ്ട.