Click it and Unblock the Notifications
Just In
-
-
-
-
Don't Miss
-
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
വളരെ പക്വതയുള്ളവളാണ്; ഞങ്ങൾ തമ്മിൽ വഴക്കുണ്ടാകുമ്പോൾ; ശാലിനിയെക്കുറിച്ച് അജിത്ത് പറഞ്ഞ വാക്കുകൾ -
IPL 2024: പന്ത് നിലത്ത് തട്ടി? എന്നിട്ടും ഔട്ട് വിളിച്ചു! പൃഥ്വിയുടെ പുറത്താകല് വിവാദത്തില് -
നിമിഷപ്രിയയെ യെമനിലെ ജയിലിലെത്തി കണ്ട് അമ്മ; കൂടിക്കാഴ്ച്ച 12 വര്ഷങ്ങള്ക്ക് ശേഷം -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
കൊഴുപ്പ് കത്തിച്ച് തടി കുറയ്ക്കാന്‍ ഇഞ്ചിയിലുണ്ട് സൂത്രം; ഉപയോഗം ഇങ്ങനെ
ഇക്കാലത്ത് വീട്ടിലിരുന്ന് മണിക്കൂറുകളോളം ജോലി ചെയ്യുന്ന പലരുമുണ്ട്. അതിനാല്‍ത്തന്നെ പലരും പൊണ്ണത്തടിയുള്ളവരായി മാറിയിട്ടുമുണ്ട്. ശാരീരികമായി അധ്വാനമില്ലെങ്കില്‍ വേഗത്തില്‍ തന്നെ പൊണ്ണത്തടി വരുന്നു. അത് കുറയ്ക്കാന്‍ അല്‍പം ബുദ്ധിമുട്ടുമാണ്. തടി കുറയ്ക്കുക എന്നത് മിക്കപ്പോഴും ആളുകള്‍ക്ക് വലിയ വെല്ലുവിളിയായി മാറുന്നു. ശരീരഭാരം കൂടുന്നത് ആരോഗ്യത്തെ മാത്രമല്ല, ചിലപ്പോള്‍ നിങ്ങള്‍ക്ക് നാണക്കേടും നല്‍കുന്നു. അത്തരമൊരു സാഹചര്യത്തില്‍, ശരീരഭാരം സന്തുലിതമാക്കി നിര്‍ത്തേണ്ടത് ഏവരുടെയും ആവശ്യമാണ്.
നിങ്ങളുടെ ശരീരഭാരം വര്‍ദ്ധിക്കുകയാണെങ്കില്‍ ശരിയായ ഭക്ഷണക്രമം പിന്തുടരുക, വ്യായാമം ചെയ്യുക. ഇതോടൊപ്പം, ചില വീട്ടുവഴികള്‍ ഉപയോഗിച്ചും ശരീരഭാരം കുറയ്ക്കാന്‍ ശ്രമിക്കാവുന്നതാണ്. ഇതിനായി നിങ്ങളെ ഇഞ്ചി സഹായിക്കും. അതെ, ശരീരഭാരം കുറയ്ക്കാനുള്ള മികച്ച വഴിയായി ഇഞ്ചി നിങ്ങള്‍ക്ക് ഉപയോഗിക്കാം. ഇഞ്ചിയുടെ സ്ഥിരമായ ഉപയോഗം വേഗത്തില്‍ ശരീരഭാരം കുറയ്ക്കും. കൂടാതെ ശരീരത്തിലെ പല പ്രശ്നങ്ങളും ഇല്ലാതാക്കാനും സാധിക്കും. തടി കുറയ്ക്കാന്‍ ഇഞ്ചി എങ്ങനെ ഉപകരിക്കുമെന്നും ഇഞ്ചി എങ്ങനെ ഉപയോഗിക്കാമെന്നും അറിയാന്‍ ലേഖനം വായിക്കൂ.
തടി കുറയ്ക്കുന്നതിന് ഇഞ്ചിയുടെ നേട്ടങ്ങള്‍
ഇഞ്ചി കഴിക്കുന്നത് നിങ്ങളുടെ വിശപ്പ് അടിച്ചമര്‍ത്തുകയും കലോറി കുറയ്ക്കാനും സഹായിക്കുന്നു. ഇഞ്ചി അവയുടെ ഔഷധ ഗുണങ്ങളാല്‍ കൊളസ്‌ട്രോള്‍, രക്തത്തിലെ പഞ്ചസാര എന്നിവയുടെ അളവ് കുറയ്ക്കുകയും ഫാറ്റി ലിവര്‍ രോഗത്തിന്റെ ദോഷകരമായ ഫലങ്ങളില്‍ നിന്ന് നിങ്ങളെ സംരക്ഷിക്കുകയും ചെയ്യുന്നു. നിങ്ങളുടെ ധമനികളിലെ കൊഴുപ്പ് വര്‍ദ്ധിക്കുന്ന സ്വഭാവ സവിശേഷതയായ രക്തപ്രവാഹത്തിന് ഗുണകരമായ രീതിയിലും ഇഞ്ചി പ്രവര്‍ത്തിക്കുന്നു.
മെറ്റബോളിസം വര്‍ധിപ്പിക്കുന്നു
ജിഞ്ചറോള്‍സ്, ഷോഗോള്‍സ് എന്നറിയപ്പെടുന്ന സംയുക്തങ്ങള്‍ ഇഞ്ചിയില്‍ അടങ്ങിയിട്ടുണ്ട്. നിങ്ങളുടെ ശരീരത്തില്‍ അമിതവണ്ണത്തെ തടയുന്ന ചില ജൈവ പ്രവര്‍ത്തനങ്ങളെ അവ ഉത്തേജിപ്പിക്കുന്നുവെന്ന് ഗവേഷണങ്ങള്‍ സൂചിപ്പിക്കുന്നു. അവ നിങ്ങളുടെ മെറ്റബോളിസത്തെ വേഗത്തിലാക്കുകയും ശരീരഭാരം കുറയ്ക്കാന്‍ കാരണമാവുകയും ചെയ്യുന്നു. നിങ്ങളുടെ ഭക്ഷണത്തില്‍ ഇഞ്ചി എങ്ങനെ ചേര്‍ക്കാമെന്ന് നോക്കാം.
നാരങ്ങ ഉപയോഗിച്ച് ഇഞ്ചി കഴിക്കുക
ശരീരഭാരം കുറയ്ക്കാന്‍ നിങ്ങള്‍ക്ക് നാരങ്ങാ നീരില്‍ ഇഞ്ചി ചേര്‍ത്ത് കഴിക്കാം. നാരങ്ങ നീര് വിശപ്പ് ഒഴിവാക്കാന്‍ സഹായിക്കും. കൂടാതെ, നിങ്ങളുടെ പ്രതിരോധശേഷി വര്‍ദ്ധിപ്പിക്കുന്ന അവശ്യ പോഷകമായ വിറ്റാമിന്‍ സിയും ഇതില്‍ അടങ്ങിയിരിക്കുന്നു. ഇഞ്ചി ചായയിലേക്കോ പാനീയത്തിലേക്കോ കുറച്ച് തുള്ളി നാരങ്ങ ഒഴിക്കുന്നത് നിങ്ങളെ ജലാംശം കുറഞ്ഞ കലോറിയില്‍ കൂടുതല്‍ നേരം നിലനിര്‍ത്തും. ശരീരഭാരം കുറയ്ക്കാന്‍ ആഗ്രഹിക്കുന്നവര്‍ ദിവസവും രണ്ടോ മൂന്നോ ഇഞ്ചി, നാരങ്ങ പാനീയങ്ങള്‍ കഴിക്കുക.
ആപ്പിള്‍ സിഡെര്‍ വിനെഗറുമായി ചേര്‍ക്കുക
ഏറ്റവും ലളിതമായ മാര്‍ഗം ഇഞ്ചി, ആപ്പിള്‍ സിഡെര്‍ വിനെഗര്‍ എന്നിവ ചേര്‍ത്ത് കുടിക്കുക എന്നതാണ്. തടി കുറയ്ക്കാനുള്ള ആപ്പിള്‍ സിഡാര്‍ വിനഗറിന്റെ പ്രോബയോട്ടിക് മൂലകങ്ങളും ആന്റിഓക്‌സിഡന്റ് ഗുണങ്ങളും അധിക ആരോഗ്യ ആനുകൂല്യങ്ങളും നല്‍കുന്നു. നിങ്ങളുടെ ഇഞ്ചി ചായയില്‍ രണ്ട് ടേബിള്‍സ്പൂണ്‍ ആപ്പിള്‍ സിഡാര്‍ വിനഗര്‍ ചേര്‍ക്കുന്നതാണ് ഏറ്റവും മികച്ച വഴി. എന്നിരുന്നാലും, ചായ തണുത്തതിനുശേഷം മാത്രമേ നിങ്ങള്‍ ആപ്പിള്‍ സിഡാര്‍ വിനഗര്‍ കലര്‍ത്തുന്നുള്ളൂവെന്ന് ഉറപ്പാക്കുക. കാരണം, ആപ്പിള്‍ സിഡെര്‍ വിനെഗറിന്റെ ആരോഗ്യകരമായ ബാക്ടീരിയകളെ ചൂടുവെള്ളം നശിപ്പിക്കും. ശരീരഭാരം കുറയ്ക്കാന്‍ നിങ്ങള്‍ ഈ ചായ രാവിലെ ഒഴിഞ്ഞ വയറ്റില്‍ കഴിക്കണം.
ഗ്രീന്‍ ടീയിലേക്ക് ചേര്‍ക്കാം
ശരീരഭാരം കുറയ്ക്കാന്‍ ആഗ്രഹിക്കുന്നവര്‍ ഇഞ്ചി ഉപയോഗിച്ച് ഗ്രീന്‍ ടീ കഴിക്കുന്നത് ഏറ്റവും മികച്ച ഔഷധമാണ്. ഇവ രണ്ടിനും ശരീരഭാരം കുറയ്ക്കാനുള്ള ഔഷധ ഗുണങ്ങളുണ്ട്. ഇവയിലെ ഒരു പൊതു ഘടകം മെറ്റബോളിസം വര്‍ദ്ധിപ്പിക്കാനുള്ള ശേഷിയാണ്, അമിതവണ്ണത്തിനെതിരായ നിങ്ങളുടെ പോരാട്ടത്തിന് അത്യാവശ്യമായതും അതുതന്നെ. ചെറുതും നേര്‍ത്തതുമായ കഷണങ്ങളായി ഇഞ്ചി അരിഞ്ഞ് തിളപ്പിക്കുന്ന ഗ്രീന്‍ ടീയില്‍ ഇടുക. നിങ്ങള്‍ക്ക് ഈ പാനീയം ദിവസത്തില്‍ രണ്ടുതവണ കഴിക്കാം.
ഇഞ്ചി ജ്യൂസ്
നിങ്ങളുടെ ഇഞ്ചി വെള്ളത്തില്‍ അല്‍പം തേനും നാരങ്ങാനീരും ചേര്‍ത്ത് കഴിക്കുന്നത് തടി കുറയ്ക്കാന്‍ സഹായിക്കുന്നതാണ്. ഈ ഇഞ്ചി പാനീയം നിങ്ങളെ ജലാംശത്തോടെ നിലനിര്‍ത്തുന്നതോടൊപ്പം രോഗപ്രതിരോധ ശേഷി വര്‍ദ്ധിപ്പിക്കുകയും ചെയ്യുന്നു. പാനീയയത്തിന് രുചി വര്‍ദ്ധിപ്പിക്കാനായി നിങ്ങള്‍ക്ക് ഇതില്‍ പുതിനയും ചേര്‍ക്കാം. ഒന്നോ രണ്ടോ ഐസ് ക്യൂബുകള്‍ കൂടി ഇടുന്നത് പാനീയത്തെ കുറച്ചുകൂടി രസകരമാക്കും. തടി കുറയ്ക്കാന്‍ ആഗ്രഹിക്കുന്നവര്‍ ദിവസവും രാവിലം ഈ ഇഞ്ചി ജ്യൂസ് കഴിക്കുക.
