Click it and Unblock the Notifications
Just In
-
-
-
-
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
കണ്ണൂരില് ആവേശം അലകടലായി, കൊട്ടിക്കലാശം സമാധാനപരം; കരുത്തുകാട്ടി മുന്നണികള് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
തടി കൂടുന്നതിന് പ്രധാന കാരണം വയറിലെ കൊഴുപ്പ്; ബെല്ലി ഫാറ്റ് കുറയ്ക്കും ഈ ഭക്ഷണങ്ങള്‍
തടി കൂടുന്നതിന് പ്രധാന കാരണമാണ് വയറില്‍ അടിഞ്ഞുകൂടുന്ന കൊഴുപ്പ്. വയറിലെ കൊഴുപ്പ് നിങ്ങളുടെ മൊത്തത്തിലുള്ള വ്യക്തിത്വത്തെ നശിപ്പിക്കുക മാത്രമല്ല, പല ആരോഗ്യപ്രശ്‌നങ്ങളും ഉണ്ടാക്കുകയും ചെയ്യും. ഇന്നത്തെ കാലത്ത്, മോശം ജീവിതശൈലിയും തെറ്റായ ഭക്ഷണക്രമവും കാരണം, ധാരാളം ആളുകള്‍ ബെല്ലി ഫാറ്റിന് ഇരയാകുന്നു. വയറിലെ കൊഴുപ്പും പൊണ്ണത്തടിയും കാരണം രക്തത്തിലെ കൊളസ്‌ട്രോളിന്റെ അളവ് വര്‍ദ്ധിക്കും. ഇത് ഹൃദയാഘാത സാധ്യതയും വര്‍ദ്ധിപ്പിക്കു. ഇതുകൂടാതെ, അമിതവണ്ണം കാരണം ആളുകള്‍ക്ക് പ്രമേഹം, ഉയര്‍ന്ന രക്തസമ്മര്‍ദ്ദം, ദഹനവ്യവസ്ഥയുടെ അപചയം, ഗ്യാസ്, ഉയര്‍ന്ന യൂറിക് ആസിഡ് പ്രശ്‌നങ്ങള്‍ എന്നിവയും ഉണ്ടാകാന്‍ സാധ്യത കൂടുതലാണ്.
വയറ്റിലെ കൊഴുപ്പ് കുറയ്ക്കാന്‍ ആളുകള്‍ പലതരം മരുന്നുകളും സപ്ലിമെന്റുകളും കഴിക്കുന്നു. എന്നിരുന്നാലും, ഇത്തരം മരുന്നുകള്‍ ആരോഗ്യത്തിന് ഹാനികരമാണ്. ബെല്ലി ഫാറ്റ് കുറയ്ക്കാനായി നിങ്ങളെ സഹായിക്കുന്ന ചില ഭക്ഷണങ്ങളുണ്ട്. വര്‍ക്കൗട്ടുകള്‍ക്കൊപ്പം ഈ ഭക്ഷണങ്ങള്‍ കൂടി നിങ്ങള്‍ ശീലമാക്കുന്നതിലൂടെ ബെല്ലി ഫാറ്റ് പ്രശ്‌നം നിങ്ങള്‍ക്ക് പരിഹരിക്കാന്‍ സാധിക്കും. വയറ്റിലെ കൊഴുപ്പ് കുറയ്ക്കാന്‍ സഹായിക്കുന്ന ചില ഭക്ഷണങ്ങള്‍ ഇതാ.
പഴങ്ങള്‍
പഴങ്ങളില്‍ വിറ്റാമിനുകള്‍, ധാതുക്കള്‍, ഡയറ്ററി ഫൈബര്‍, ആന്റിഓക്‌സിഡന്റുകള്‍ എന്നിവ അടങ്ങിയിട്ടുണ്ട്. ഡയറ്ററി ഫൈബര്‍ ദഹനത്തെ മെച്ചപ്പെടുത്തുന്നു, നല്ല കുടല്‍ സൂക്ഷ്മാണുക്കളുടെ എണ്ണവും വര്‍ദ്ധിപ്പിക്കുന്നു. ഉപാപചയ പ്രവര്‍ത്തനങ്ങളെ മെച്ചപ്പെടുത്തുകയും രക്തസമ്മര്‍ദ്ദം കുറയ്ക്കാന്‍ സഹായിക്കുകയും ചെയ്യുന്നു. ശരീരത്തിലെ കൊഴുപ്പ് കത്തിക്കുന്ന പഴങ്ങളില്‍ ആപ്പിള്‍, തണ്ണിമത്തന്‍, മുന്തിരി, സ്‌ട്രോബെറി എന്നിവ ഉള്‍പ്പെടുന്നു. എന്നിരുന്നാലും, പഴങ്ങള്‍ അമിതമായി ഉപയോഗിക്കാതിരിക്കാന്‍ ശ്രദ്ധിക്കുക. ധാരാളം വിറ്റാമിനുകളും ധാതുക്കളും അടങ്ങിയിട്ടുണ്ടെങ്കിലും അവയില്‍ പഞ്ചസാരയും അടങ്ങിയിട്ടുണ്ട്.
പയര്‍വര്‍ഗ്ഗങ്ങള്‍
പ്രോട്ടീന്‍ അടങ്ങിയതും കലോറിയും കൊഴുപ്പും കുറവുള്ളതുമാണ് പയര്‍വര്‍ഗ്ഗങ്ങള്‍. ഇവയില്‍ അടങ്ങിയിരിക്കുന്ന ലീന്‍ പ്രോട്ടീന്‍ പേശി വര്‍ദ്ധിപ്പിക്കാനും ഉപാപചയ പ്രവര്‍ത്തനങ്ങള്‍ വേഗത്തിലാക്കാനും ശരീരത്തിന്റെ മൊത്തത്തിലുള്ള പ്രവര്‍ത്തനം മെച്ചപ്പെടുത്താനും സഹായിക്കുന്നു.
മത്സ്യം
പ്രോട്ടീന്‍, ഒമേഗ 3 ഫാറ്റി ആസിഡുകള്‍ എന്നിവയുടെ മികച്ച ഉറവിടമാണ് മത്സ്യം. പ്രോട്ടീന്‍ പേശികളെ വളര്‍ത്താന്‍ ഇവ സഹായിക്കുന്നു. ഒമേഗ 3 ഫാറ്റി ആസിഡുകള്‍ ശരീരത്തിലെ വീക്കം കുറയ്ക്കുകയും ഉപാപചയ നിരക്ക് വര്‍ദ്ധിപ്പിക്കുകയും ചെയ്യുന്നു. സമ്മര്‍ദ്ദം, വീക്കം എന്നിവയാല്‍ ശരീരഭാരം വര്‍ധിക്കാനുള്ള സാധ്യത കുറയ്ക്കുന്നു.
ബദാം
ആരോഗ്യകരമായ കൊഴുപ്പും പ്രോട്ടീനും അടങ്ങിയ ബദാം നിങ്ങളെ ഏറെ നേരം വിശപ്പില്ലാതെ നിലനിര്‍ത്തുന്നു. സസ്യാഹാരികള്‍ക്ക് കൊഴുപ്പ് കത്തിക്കാനുള്ള പോഷകങ്ങളുടെ നല്ല ഉറവിടമാണ് ബദാം. ഊര്‍ജ്ജവും ഉപാപചയവും വര്‍ദ്ധിപ്പിക്കുന്ന ഒമേഗ 3 ഫാറ്റി ആസിഡുകളും ഇവയില്‍ അടങ്ങിയിട്ടുണ്ട്.
ചീരയും മറ്റ് പച്ച പച്ചക്കറികളും
ചീര, കാലെ, കോളാര്‍ഡ് ഇലകള്‍, റാഡിഷ് ഇലകള്‍, കാരറ്റ്, ബ്രൊക്കോളി തുടങ്ങിയ പച്ചക്കറികളില്‍ വിറ്റാമിനുകള്‍, ധാതുക്കള്‍, ആന്റിഓക്‌സിഡന്റുകള്‍, ഡയറ്ററി ഫൈബര്‍ എന്നിവ അടങ്ങിയിട്ടുണ്ട്. ഈ പച്ചക്കറികള്‍ വയറ്റിലെ കൊഴുപ്പ് കുറയ്ക്കാന്‍ സഹായിക്കും.
പാലുല്‍പ്പന്നങ്ങള്‍
പൂര്‍ണ്ണ കൊഴുപ്പ് ഉള്ള പാലുല്‍പ്പന്നങ്ങളില്‍ പോഷകങ്ങള്‍ അടങ്ങിയതിനാല്‍ ഇവ മികച്ചതാണ്. മാത്രമല്ല നിങ്ങളെ ദീര്‍ഘനേരം വിശപ്പുരഹിതമായി നിലനിര്‍ത്തുകയും ശരീരഭാരം കുറയ്ക്കാന്‍ സഹായിക്കുകയും ചെയ്യുന്നു.
ഓട്‌സ്
ഫൈബര്‍ ധാരാളമായി അടങ്ങിയവയാണ് ഓട്‌സ്. ഇത് ദഹനത്തെ സഹായിക്കുന്നു. അവയില്‍ ലയിക്കാത്ത ഫൈബറും കാര്‍ബോഹൈഡ്രേറ്റുകളും അടങ്ങിയിരിക്കുന്നു, അത് നിങ്ങളുടെ വിശപ്പ് നിയന്ത്രിക്കുകയും നിങ്ങളുടെ വ്യായാമത്തിന് ഊര്‍ജ്ജം നല്‍കുകയും ചെയ്യുന്നു. രാവിലെ ഓട്‌സ് കഴിക്കുന്നത് വയറിലെ കൊഴുപ്പ് നീക്കാന്‍ സഹായിക്കും.
ധാന്യങ്ങള്‍
പ്രോട്ടീന്‍, വിറ്റാമിനുകള്‍, ധാതുക്കള്‍, ഫൈബര്‍ എന്നിവയുടെ മികച്ച ഉറവിടങ്ങളാണ് ധാന്യങ്ങളായ മില്ലറ്റ്, ക്വിനോവ, ബ്രൗണ്‍ റൈസ് എന്നിവ. അവ കഴിക്കുന്നത് നിങ്ങളുടെ വിശപ്പ് ഒഴിവാക്കുകയും ദഹനത്തെ സഹായിക്കുകയും ചെയ്യുന്നു. മലബന്ധം തടയാനും കഴിവുള്ള ഇവ വയറിലെ കൊഴുപ്പ് എളുപ്പത്തില്‍ കളയാനും സഹായിക്കും.
ചിയ വിത്തുകള്‍
സ്മൂത്തികള്‍, സലാഡുകള്‍, പ്രഭാതഭക്ഷണങ്ങള്‍ എന്നിവയില്‍ ചിയ വിത്തുകള്‍ ഉള്‍പ്പെടുത്തുന്നത് ഇപ്പോള്‍ സാധാരണമായിരിക്കുന്നു. പ്രോട്ടീന്റെയും ആരോഗ്യകരമായ കൊഴുപ്പിന്റെയും മികച്ച ഉറവിടമാണ് ഇവ. രണ്ട് ടേബിള്‍സ്പൂണ്‍ ചിയ വിത്തുകളില്‍ 10 ഗ്രാം ഡയറ്ററി ഫൈബര്‍ അടങ്ങിയിരിക്കുന്നു. ചിയ വിത്തുകള്‍ ഗ്ലൂറ്റന്‍ രഹിതമാണ്, കൂടാതെ ആന്റിഇന്‍ഫ്‌ളമേറ്ററി, ആന്റി ഡയബറ്റിക്, ആന്റി ഓക്‌സിഡന്റ്, പോഷകഗുണമുണ്ട്.
സൂപ്പ്
ഭക്ഷണത്തിന് മുമ്പ് സൂപ്പ് കഴിക്കുന്നത് നിങ്ങള്‍ കഴിക്കുന്ന കലോറിയുടെ എണ്ണം കുറയ്ക്കാന്‍ സഹായിക്കുന്നു. ഇത് വയറിലെ കൊഴുപ്പ് അടിഞ്ഞുകൂടുന്നത് തടയാന്‍ സഹായിക്കും. ഇതിനായി നിങ്ങള്‍ പച്ചക്കറികള്‍, ചിക്കന്‍ അല്ലെങ്കില്‍ മഷ്‌റൂം സൂപ്പ് കഴിക്കേണ്ടതുണ്ട്.
ബ്രൊക്കോളി
അമിതവണ്ണം കുറയ്ക്കുന്നതു മുതല്‍ സ്തനാര്‍ബുദ സാധ്യത കുറയ്ക്കുന്നതുവരെ ബ്രൊക്കോളി ധാരാളം ആനുകൂല്യങ്ങള്‍ നല്‍കുന്നു. വാസ്തവത്തില്‍, ബ്രോക്കോളി കഴിക്കുന്നത് ടൈപ്പ് 2 പ്രമേഹമുള്ളവരില്‍ ഇന്‍സുലിന്‍ പ്രതിരോധം മെച്ചപ്പെടുത്തുമെന്ന് പറയുന്നു. ബ്രൊക്കോളിയില്‍ അടങ്ങിയിരിക്കുന്ന ഫൈറ്റോ ന്യൂട്രിയന്റുകള്‍ക്ക് വിഷവസ്തുക്കള്‍ പുറന്തള്ളാനും വീക്കം കുറയ്ക്കാനും കാന്‍സര്‍ സാധ്യത കുറയ്ക്കാനും മൊത്തത്തിലുള്ള ആരോഗ്യം വര്‍ദ്ധിപ്പിക്കാനും സഹായിക്കുന്നു. ശരീരഭാരം കുറയ്ക്കാന്‍ നിങ്ങള്‍ക്ക് ഇത് സലാഡുകളിലും സൂപ്പുകളിലും ഉപയോഗിക്കാം.
നട്‌സ്
വാല്‍നട്ട്, അണ്ടിപ്പരിപ്പ്, പൈന്‍ പരിപ്പ്, പിസ്ത തുടങ്ങിയവ ശരീരഭാരം കുറയ്ക്കാന്‍ ഉത്തമമാണ്. ആരോഗ്യകരമായ കൊഴുപ്പുകളും പ്രോട്ടീനും അവയില്‍ അടങ്ങിയിട്ടുണ്ട്. അത് നിങ്ങളുടെ വയറ് നിറയ്ക്കുകയും ഭക്ഷണത്തിന്റെ രുചി മെച്ചപ്പെടുത്തുകയും ട്രാന്‍സ് ഫാറ്റ് ലോഡ് ചെയ്ത ജങ്ക് ഫുഡ് ലഘുഭക്ഷണത്തില്‍ നിന്ന് നിങ്ങളെ തടയുകയും ചെയ്യുന്നു. നട്‌സ് പതിവായി കഴിക്കുന്നത് അമിതവണ്ണത്തെയും ടൈപ്പ് 2 പ്രമേഹത്തെയും തടയാന്‍ സഹായിക്കുന്നു.
തൈര്
ദഹനത്തെ സഹായിക്കുന്നതിനും നിങ്ങളുടെ കുടലിന്റെ ആരോഗ്യത്തെ പരിപാലിക്കുന്നതിനും ഉത്തമമാണ് തൈര്. ബ്രിട്ടീഷ് ജേണല്‍ ഓഫ് ന്യൂട്രീഷ്യനില്‍ പ്രസിദ്ധീകരിച്ച ഒരു പഠനത്തില്‍, പ്രോബയോട്ടിക്‌സ് കഴിക്കുന്ന സ്ത്രീകള്‍ക്ക് ഭാരം കുറയുന്നുവെന്ന് കണ്ടെത്തിയിട്ടുണ്ട്. സ്മൂത്തികളും സാലഡുകളും ഉണ്ടാക്കി തൈര് നിങ്ങളുടെ ഭക്ഷണത്തില്‍ ഉള്‍പ്പെടുത്തുക.
കടല്‍പായല്‍
കുറഞ്ഞ കലോറി, പ്രോട്ടീന്‍ സമ്പുഷ്ടം, ആന്റി ഇന്‍ഫഌമേറ്ററി, രോഗപ്രതിരോധ ഉത്തേജനം, രക്തത്തിലെ ലിപിഡ് കുറയ്ക്കല്‍, രക്തസമ്മര്‍ദ്ദം കുറയ്ക്കുന്ന സിംഗിള്‍ സെല്‍ പ്രോട്ടീന്‍ എന്നിവയാണ് കടല്‍പായല്‍ അല്ലെങ്കില്‍ സ്പിരുലിനയിലൂടെ നിങ്ങള്‍ക്ക് ലഭിക്കുന്ന ഗുണങ്ങള്‍. തടി കുറക്കാനായി ഒരു ഡോക്ടറുമായി ആലോചിച്ച ശേഷം ഇത് ഭക്ഷണത്തില്‍ ഉള്‍പ്പെടുത്തുക. നിങ്ങള്‍ക്ക് ഇത് സലാഡുകള്‍, സ്മൂത്തികള്‍, ജ്യൂസുകള്‍ എന്നിവയില്‍ ചേര്‍ക്കാന്‍ കഴിയും.
