ശരീരഭാരം കുറക്കാന്‍ വര്‍ക്കൗട്ടിന് ശേഷം ഈ സമയം ഭക്ഷണം കഴിക്കണം

വ്യായാമത്തിന് ശേഷം എന്ത് കഴിക്കണം?

എന്ത് തന്നെയായാലും കാര്‍ബോഹൈഡ്രേറ്റ് എന്നത് വ്യായാമത്തിന് ശേഷം നിര്‍ബന്ധമായും കഴിക്കേണ്ടതാണ്. കാരണം വ്യായാമം എപ്പോഴും നമ്മുടെ ശരീരത്തിലെ ഗ്ലൈക്കോജന്റെ അളവ് കുറയ്ക്കുകയാണ് ചെയ്യുന്നത്. ഇത് വര്‍ദ്ധിപ്പിക്കുന്നതിന് പ്രോട്ടീന്‍ മാത്രം കഴിച്ചാല്‍ പോരാ. കാരണം ശരീരത്തിലെ പേശികളുടെ ആരോഗ്യത്തിന് വേണ്ടി നമുക്ക് ഗ്ലൈക്കോജന്‍ പ്രധാനമാണ്. അതുകൊണ്ടാണ് കാര്‍ബോഹൈഡ്രേറ്റ് കഴിക്കണം എന്ന് പറയുന്നത്. ഇത് നിങ്ങളുടെ ആരോഗ്യത്തിന് വളരെയധികം സഹായിക്കുന്നു. എന്നാല്‍ എത്ര മാത്രം കഴിക്കണം എന്നുള്ളതും ശ്രദ്ധേയമാണ്. നിര്‍ദ്ദേശിച്ച അളവില്‍ മാത്രമാണ് കാര്‍ബോഹൈഡ്രേറ്റ് കഴിക്കാന്‍ പാടുകയുള്ളൂ.

ഏത് സമയത്ത് കഴിക്കണം?

വ്യായാമത്തിന് ശേഷം ഏത് സമയത്ത് ഭക്ഷണം കഴിക്കണം എന്നുള്ളതും ശ്രദ്ധിക്കേണ്ട കാര്യമാണ്. വ്യായാമം കഴിഞ്ഞ് അര മണിക്കൂറിനുള്ളില്‍ തന്നെ ഭക്ഷണം കഴിക്കുന്നതിന് ശ്രദ്ധിക്കണം. എന്നാല്‍ നിങ്ങള്‍ ആഗ്രഹിക്കുന്ന ഫലം ലഭിക്കുന്നു. എന്നാല്‍ കഴിക്കുന്ന കലോറി അല്‍പം ശ്രദ്ധിച്ച് വേണം എന്നതാണ് സത്യം. സമയം നോക്കാതെ ഒരാള്‍ കലോറി കൂടുതലുള്ള ഭക്ഷണം കഴിച്ചാല്‍ അത് ശരീരഭാരം വര്‍ദ്ധിപ്പിക്കുകയാണ് ചെയ്യുന്നത്. ഇത്തരം കാര്യങ്ങള്‍ ഒരിക്കലും നിസ്സാരമാക്കി വിടരുത്. കാരണം ശരീരഭാരം കുറക്കാന്‍ ഒരാള്‍ ശ്രമിക്കുമ്പോള്‍ അത് വര്‍ദ്ധിപ്പിക്കുന്ന അവസ്ഥയിലേക്ക് പലപ്പോഴും കാര്യങ്ങള്‍ എത്തിക്കുന്നത് കഴിക്കുന്ന ഭക്ഷണത്തിന്റെ സമയം തന്നെയാണ്.

എത്ര കലോറി ആവശ്യം?

വ്യായാമത്തിന് ശേഷം എത്ര കലോറി ഭക്ഷണം കഴിക്കണം എന്നുള്ളത് ശ്രദ്ധിക്കേണ്ട കാര്യമാണ്. നിങ്ങള്‍ കഠിനമായി വ്യായാമം ചെയ്യുന്ന വ്യക്തിയാണെങ്കില്‍ ഇവര്‍ വ്യായാമം ചെയ്യുന്നതിന് മുന്‍പ് കാര്‍ബോഹൈഡ്രേറ്റ് കഴിച്ചിട്ടുണ്ട് എന്ന് ഉറപ്പ് വരുത്തേണ്ടതാണ്. കാരണം എന്നാല്‍ മാത്രമേ നമുക്ക് ഊര്‍ജ്ജത്തോടെ വ്യായാമം ചെയ്യാന്‍ സാധിക്കുകയുള്ളൂ. എന്നാല്‍ വ്യായാമത്തിന് ശേഷം കാര്‍ബോഹൈഡ്രേറ്റിനോടൊപ്പം തന്നെ പ്രോട്ടീനുകളും ഉള്‍പ്പെടുത്തുന്നതിന് ശ്രദ്ധിക്കണം. കലോറി ഉപഭോഗം കുറക്കുക എന്നതാണ് ശ്രദ്ധിക്കേണ്ട കാര്യം. എന്നാല്‍ ഒരു പരിധി വരെ അമിതവണ്ണത്തെ പ്രതിരോധിക്കുന്നതിന് സാധിക്കുന്നുണ്ട്. ഓരോ വ്യായാമത്തിലും ചുരുങ്ങിയത് 200-300 കലോറി വരെ എരിച്ച് കളയാന്‍ ശ്രദ്ധിക്കുക. ഇത് കുറക്കുന്നതിന് വേണ്ടി കലോറി ഉപഭോഗം പരമാവധി കുറക്കുന്നതിനും ശ്രദ്ധിക്കുക.

ഓരോ വ്യായാമത്തിലും ഭക്ഷണം ശ്രദ്ധിക്കണം

വ്യായാമത്തിന് മുന്‍പ് ഭക്ഷണം തിരഞ്ഞെടുക്കുമ്പോഴും ചിലപ്പോള്‍ വ്യായാമത്തിനന് ശേഷമുള്ള ഭക്ഷണമാണ് ശ്രദ്ധിക്കേണ്ട കാര്യം. പേശികള്‍ക്ക് ആരോഗ്യവും കരുത്തും നല്‍കുന്നതിന് അത്യാവശ്യമാണ് പ്രോട്ടീന്‍. അതുകൊണ്ട് തന്ന പ്രോട്ടീന്‍ അടങ്ങിയ ഭക്ഷണം വ്യായാമത്തിന് ശേഷം ഒരു കാരണവശാലും ഒഴിവാക്കരുത്. മാക്‌സിമം ഒരു മണിക്കൂറിനുള്ളില്‍ വ്യായമത്തിന് ശേഷം ഭക്ഷണം കഴിക്കാന്‍ ശ്രദ്ധിക്കണം. വാഴപ്പഴവും പ്ലെയിന്‍ തൈരും നല്ലതും എളുപ്പമുള്ളതുമായ ഓപ്ഷനുകളായി കണക്കാക്കി നിങ്ങള്‍ക്ക് ശീലമാക്കാം. ഭാരം കുറക്കുക എന്നതാണ് ലക്ഷ്യമെങ്കില്‍ വളരെയധികം മികച്ച ഒരു ഭക്ഷണ തിരഞ്ഞെടുപ്പ് നടത്തേണ്ടതാണ്. എന്നാല്‍ വലിച്ച് വാരി കഴിക്കുന്ന ശീലം ഉപേക്ഷിക്കുക.

വെറും വയറ്റില്‍ വ്യായാമം വേണ്ട

എന്ത് തന്നെയായാലും വെറും വയറ്റില്‍ വ്യായാമം വേണ്ട എന്നതാണ് ശ്രദ്ധിക്കേണ്ട കാര്യം. ഇതില്‍ തന്നെ ഭക്ഷണത്തിന്റെ ഉറവിടം ഊര്‍ജ്ജമായിരിക്കണം എന്നത് ഓര്‍ക്കേണ്ടതാണ്. നമ്മുടെ വയറ് കാലിയാണെങ്കില്‍ വ്യായാമം ചെയ്യുന്നതിനുള്ള ഊര്‍ജ്ജം ഉണ്ടായിരിക്കണം എന്നില്ല. അതുകൊണ്ട് വ്യായാമത്തിന് മുന്‍പ് ഒരു കാപ്പിയോ അല്ലെങ്കില്‍ ഒരു ഏത്തപ്പഴമോ കഴിക്കാവുന്നതാണ്. ഇത് നിങ്ങളുടെ ശരീരത്തിന് ഊര്‍ജ്ജം പ്രദാനം ചെയ്യുന്നു. ആരോഗ്യ സംരക്ഷണത്തിനും അമിതവണ്ണത്തെ ചെറുക്കുന്നതിനും ഇത് നമുക്ക് ശീലമാക്കാവുന്നതാണ്. എല്ലാ ദിവസവും ഈ ഭക്ഷണം ശീലമാക്കുന്നത് മികച്ച ഗുണങ്ങള്‍ നല്‍കുന്നു.