തടി കുറയ്ക്കാന്‍ കഷ്ടപ്പെടുന്നവരാണോ? ഇത് കഴിച്ചുനോക്കൂ, ഫലം പെട്ടെന്ന്‌

ധാരാളം ഫൈബര്‍

അമിതവണ്ണവും പ്രമേഹവും ഉള്ളവര്‍ നാരുകള്‍ കൂടുതലുള്ള ഒരു ഭക്ഷണക്രമം പാലിക്കണം. മുളപ്പിച്ച പയര്‍ വര്‍ഗങ്ങളില്‍ ഏകദേശം 7.6 ഗ്രാം നാരുകള്‍ അടങ്ങിയിട്ടുണ്ട്. നിങ്ങളുടെ ദഹനവ്യവസ്ഥയ്ക്ക് ഫൈബര്‍ വളരെ പ്രധാനപ്പെട്ടൊരു ഘടകമാണ്. മാത്രമല്ല, മലബന്ധം അനുഭവിക്കുന്നവര്‍ക്കും തീര്‍ച്ചയായും ഇത് പ്രധാനമാണ്.

വിശപ്പ് നിയന്ത്രിക്കുന്നു

മുകളില്‍ പറഞ്ഞതുപോലെ മുളപ്പിച്ച ഭക്ഷണത്തില്‍ നല്ല അളവില്‍ നാരുകള്‍ അടങ്ങിയിട്ടുണ്ട്. ഇത് നിങ്ങളെ വിശപ്പുരഹിതമായി ഏറെ നേരം നിലനിര്‍ത്തുന്നു. മുളപ്പിച്ച പയറുകള്‍ കഴിക്കുന്നത് നിങ്ങളുടെ വയറ്റില്‍ എളുപ്പത്തില്‍ നിറയുകയും പൂര്‍ണ്ണത അനുഭവപ്പെടുകയും ചെയ്യുന്നു. ഇത് വിശപ്പ് കുറയ്ക്കുകയും അമിതമായി ഭക്ഷണം കഴിക്കുന്നത് തടയുകയും ചെയ്യുന്നു. അമിതമായി ഭക്ഷണം കഴിക്കുന്നത് ശരീരഭാരം വര്‍ദ്ധിക്കുന്നതിന് ഒരു കാരണമാണെന്ന് പറയേണ്ടതില്ലല്ലോ?

കലോറി കുറവ്

100 ഗ്രാം മുളപ്പിച്ച ഭക്ഷണം 100 കലോറി മാത്രമേ നിങ്ങള്‍ക്ക് നല്‍കുന്നുള്ളൂ. അതിനാല്‍, ഒരു പാത്രം മുളപ്പിച്ച പയര്‍ നിങ്ങള്‍ക്ക് ആവശ്യമായ എല്ലാ പോഷകങ്ങളും ശരീരത്തില്‍ കലോറി അധികമാകാതെ തന്നെ. ശരീരഭാരം കുറയ്ക്കാന്‍ ഒരു ഉറപ്പായ വഴിയാണിത്.

വിറ്റാമിനുകളും ധാതുക്കളും

മുളപ്പിച്ച പയര്‍ ശരീരത്തിന് ആവശ്യമായ വിറ്റാമിനുകളുടെയും ധാതുക്കളുടെയും നല്ല ഉറവിടമാണ്. 100 ഗ്രാം മുളപ്പിച്ച ഭക്ഷണം പ്രതിദിന വിറ്റാമിന്‍ ബി 9 ന്റെ 40% ശരീരത്തിന് നല്‍കുന്നു. വിറ്റാമിന്‍ ബി 5, വിറ്റാമിന്‍ ബി 6, വിറ്റാമിന്‍ ബി 1 എന്നിവയും ഇതില്‍ അടങ്ങിയിട്ടുണ്ട്. ശരീരത്തിലെ അനാവശ്യ കൊഴുപ്പ് ഇല്ലാതാക്കുന്നതിനും ആരോഗ്യകരമായ ശരീരഭാരം വര്‍ദ്ധിപ്പിക്കുന്നതിനും ഇത് വളരെ പ്രധാനമാണ്.

കൊഴുപ്പ് കുറവ്

അമിത കൊഴുപ്പാണ് ബെല്ലി ഫാറ്റായി മാറി നിങ്ങളുടെ തടി വര്‍ദ്ധിപ്പിക്കുന്നത് എന്ന് അറിയാമല്ലോ? എന്നാല്‍ മുളപ്പിച്ച ഭക്ഷണങ്ങളില്‍ കൊഴുപ്പും കുറവാണ്. 100 ഗ്രാം മുളപ്പിച്ച പയറുകളില്‍ 0.38 ഗ്രാം കൊഴുപ്പ് മാത്രമേ അടങ്ങിയിട്ടുള്ളൂ.

ഉയര്‍ന്ന പ്രോട്ടീന്‍

പ്രോട്ടീന്‍ കൂടുതലായി കഴിക്കുന്നത് കൊഴുപ്പ് വേഗത്തില്‍ നഷ്ടപ്പെടുത്തുമെന്ന് പല ഗവേഷകരും അഭിപ്രായപ്പെടുന്നു. കോശങ്ങള്‍ നന്നാക്കുന്നതിലും മുടിയുടെ വളര്‍ച്ചയെ ഉത്തേജിപ്പിക്കുന്നതിലും മറ്റ് പല ഗുണങ്ങള്‍ക്കും പ്രോട്ടീനുകള്‍ പങ്കുവഹിക്കുന്നു. മുളപ്പിച്ച ഭക്ഷണങ്ങളില്‍ വലിയ അളവില്‍ പ്രോട്ടീനുകളും അടങ്ങിയിട്ടുണ്ട്. ഒരു കപ്പ് മുളപ്പിച്ച ഭക്ഷണത്തില്‍ 14 ഗ്രാം പ്രോട്ടീന്‍ അടങ്ങിയിട്ടുണ്ട്.

കൊളസ്‌ട്രോള്‍ കുറയ്ക്കുന്നു

രക്തത്തിലെ കൊളസ്‌ട്രോള്‍ നില ഗണ്യമായി കുറയ്ക്കാന്‍ മുളപ്പിച്ച ഭക്ഷണം സഹായിക്കുന്നു. കൊളസ്‌ട്രോള്‍ കുറയ്ക്കുന്നതിലൂടെ ഇത് ഹൃദയസംബന്ധമായ പ്രശ്‌നങ്ങള്‍ കുറയ്ക്കുകയും ചെയ്യുന്നു. ശരീരഭാരം നിയന്ത്രിക്കാനും ഇത് പങ്കുവഹിക്കുന്നു.

ശരീരത്തെ ശുദ്ധീകരിക്കുന്നു

മുളപ്പിച്ച ഭക്ഷണങ്ങളില്‍ നിങ്ങളുടെ ശരീരത്തെ ശുദ്ധീകരിക്കുകയും ഓക്‌സിജന്‍ നല്‍കുകയും ചെയ്യുന്ന ക്ലോറോഫില്‍ അടങ്ങിയിരിക്കുന്നു. ഇവയിലെ എന്‍സൈമുകള്‍ പോഷകങ്ങള്‍ ആഗിരണം ചെയ്യാന്‍ സഹായിക്കുന്നു, അതേസമയം ഫൈബര്‍ ഉള്ളടക്കം രക്തത്തിലെ കൊളസ്‌ട്രോള്‍ കുറയ്ക്കുന്നു. ഈ ഗുണങ്ങളെല്ലാം ശരീരത്തെ നല്ല അളവില്‍ വിഷാംശം നീക്കാനും ശരീരഭാരം കുറയ്ക്കാനും സഹായിക്കുന്നു.

എങ്ങനെ നിങ്ങള്‍ക്ക് പയറുകള്‍ മുളപ്പിക്കാം

വിത്തുകള്‍, ധാന്യങ്ങള്‍, നട്‌സ്, പയര്‍ തുടങ്ങിയവ നിങ്ങള്‍ക്ക് വീട്ടില്‍ തന്നെ എളുപ്പത്തില്‍ മുളപ്പിച്ച് കഴിക്കാവുന്നതാണ്. ചെറുപയര്‍, കടല, ബാര്‍ലി തുടങ്ങിയ മിക്ക പയര്‍ വര്‍ഗങ്ങളും ധാന്യങ്ങളും മുളപ്പിച്ച് കഴിക്കാം. മുളപ്പിക്കാനായി നിങ്ങള്‍ തിരഞ്ഞെടുക്കുന്ന പയര്‍വര്‍ഗങ്ങള്‍ യാതൊരു കേടും കൂടാത്തതായിരിക്കണം. ഇവ നന്നായി കഴുകിയ ശേഷം പയറിന്റെ ഇരട്ടി അളവില്‍ വെള്ളത്തിലിടുക. നന്നായി അടച്ചുവച്ച ശേഷം 12 മണിക്കൂര്‍ കഴിഞ്ഞ് ഇവയിലെ വെള്ളം ഊറ്റിക്കളയുക. വീണ്ടും നല്ല വെള്ളത്തില്‍ കഴുകി ഇതേ പ്രക്രിയ തുടരുക. ദിവസം രണ്ടു നേരം ഈ പ്രക്രിയ ആവര്‍ത്തിക്കുക. രണ്ടാം ദിവസം ഇവയില്‍ നിങ്ങള്‍ക്ക് ചെറിയ മുളകള്‍ കാണാവുന്നതാണ്. മിക്ക ധാന്യ പയര്‍വര്‍ഗങ്ങളും ഈ രീതിയില്‍ ചെയ്താല്‍ നാലഞ്ചു ദിവസം കൊണ്ട് മുളയ്ക്കും.