നാരങ്ങ ഇഞ്ചി ഒറ്റമൂലി; ഏത് വയറും കുറക്കും

നാരങ്ങ ഇഞ്ചി ജ്യൂസ്

നാരങ്ങാ ഇഞ്ചി സ്‌പെഷ്യല്‍ ജ്യൂസ് ഉണ്ട് തടി കുറയ്ക്കാന്‍ അതെങ്ങനെ തയ്യാറാക്കാമെന്നു നോക്കാം. ഒരു നാരങ്ങ ചെറുതായി മുറിച്ചത്, കുക്കുമ്പര്‍ തൊലി കളഞ്ഞ് ചെറുതായി മുറിച്ചത്, ഒന്നര ലിറ്റര്‍ വെള്ളം, ഒരു ടീസ്പൂണ്‍ ഇഞ്ചി എന്നിവയാണ് അത്യാവശ്യമായി വേണ്ടത്.

തയ്യാറാക്കുന്ന വിധം

എല്ലാ ചേരുവകളും കൂടി ഒരു പാത്രത്തില്‍ ഏടുത്ത് നന്നായി കുലുക്കി യോജിപ്പിക്കുക. ഒരു ദിവസം മുഴുവന്‍ വെച്ചതിനു ശേഷം അടുത്ത ദിവസം രാവിലെ മുതല്‍ ഉപയോഗിച്ചു തുടങ്ങാം. ഇത് രോഗപ്രതിരോധ ശേഷി വര്‍ദ്ധിപ്പിക്കുന്നു. മാത്രമല്ല ശരീരത്തിലെ അനാവശ്യ കൊഴുപ്പിനേയും ഇല്ലാതാക്കുന്നു. ഇതിലൂടെ ഏത് കുറയാത്ത കൊഴുപ്പും കുറയുന്നു.

മറ്റൊരു മാര്‍ഗ്ഗം

മധുരവും പുളിയും ഒരു പോലെ ചേര്‍ത്ത് തയ്യാറാക്കുന്ന ഒരു സ്‌പെഷ്യല്‍ ജ്യൂസുണ്ട്. തടിയും വയറുംകുറയുകയും ആരോഗ്യത്തിന് പല വിധത്തിലുള്ള ഗുണങ്ങള്‍ നല്‍കുകയും ചെയ്യുന്നു.

തയ്യാറാക്കുന്ന വിധം

ഒരു നാരങ്ങയുടെ നീര്, ഒരു കഷ്ണം ഇഞ്ചി അരിഞ്ഞത്, രണ്ട് കപ്പ് ഓറഞ്ച് ജ്യൂസ്, ഉപ്പ് പാകത്തിന്, ഒരു ടീസ്പൂണ്‍ തേന്‍, അല്‍പം ഐസ്‌ക്യൂബ്‌സ് എന്നിവയാണ് ആവശ്യമുള്ള സാധനങ്ങള്‍.

തയ്യാറാക്കുന്നതിങ്ങനെ

മുകളില്‍ പറഞ്ഞ എല്ലാ ചേരുവകളും നല്ലതു പോലെ മിക്‌സ് ചെയ്ത് അതില്‍ ഐസ്‌ക്യൂബ് ഇട്ട് കുടിക്കാം. ഇത് രാവിലേയും വൈകിട്ടും കുടിച്ചാല്‍ ഏത് കുറയാത്ത തടിയും കുറയുന്നു.

ടോക്‌സിനെ പുറന്തള്ളുന്നു

ശരീരത്തിലെ വിഷാംശം കളയാന്‍ നാരങ്ങ തന്നെയാണ് ഏറ്റവും ബെസ്റ്റ് മാര്‍ഗ്ഗം. വിറ്റാമിന്‍ സി ധാരാളം അടങ്ങിയിട്ടുള്ളതാണ് എന്നത് തന്നെയാണ് ശരീരത്തിലെ വിഷം കളയാന്‍ സഹായിക്കുന്നതും. ഇതില്‍ ഇഞ്ചി ചേരുമ്പോള്‍ ഗുണം ഇരട്ടിയാവുന്നു.

കുരുമുളകും ഇഞ്ചിയും

കാല്‍ ടീസ്പൂണ്‍ കുരുമുളക് പൊടി അല്‍പം ഇഞ്ചി വെള്ളത്തില്‍ കലക്കി എന്നും രാവിലെ വെറും വയറ്റില്‍ കുടിയ്ക്കുന്നത് എന്തുകൊണ്ടും നല്ലതാണ്. ശോധന കൃത്യമാക്കുകയും ചെയ്യുന്നു.

ദഹനത്തിന്

ഭക്ഷണത്തോടൊപ്പം അല്‍പം നാരങ്ങാ നീര് ചേര്‍ത്ത് കഴിയ്ക്കുന്നത് നല്ലതാണ്. ഇത് തടി കുറയുന്നതിന് ഏറ്റവും നല്ലതുമാണ്. പ്രത്യേകിച്ച് സാലഡുകള്‍ ആണെങ്കില്‍ അതില്‍ നാരങ്ങാ നീര് ചേര്‍ക്കുന്നത് ആരോഗ്യത്തിന് വളരെയധികം നല്ലതാണ്.

കരളിന്റെ ആരോഗ്യം

തടി മാത്രമല്ല കരളിന്റെ സംരക്ഷണത്തിനും നാരങ്ങാ നീരും ഇഞ്ചിയും ചേര്‍ന്ന മിശ്രിതം നല്ലതാണ്. തേനില്‍ ഇഞ്ചി ചതച്ച് നാരങ്ങാ നീര് ചേര്‍ത്ത് കഴിയ്ക്കുന്നത് തടി കുറയ്ക്കുകയും കൊഴുപ്പ് കുറച്ച് കരളിന് സംരക്ഷണം നല്‍കുകയും ചെയ്യുന്നു.

ദഹന പ്രശ്‌നങ്ങള്‍ക്ക്

ദഹനസംബന്ധമായ പ്രശ്‌നങ്ങളോ വയറിന് ഏതെങ്കിലും തരത്തിലുള്ള പ്രതിസന്ധിയോ നേരിട്ടാല്‍ അതിന് പരിഹാരവും നാരങ്ങയിലും ഇഞ്ചിയിലും ഉണ്ട്. ഇഞ്ചി ദഹനസംബന്ധമായ പ്രശ്‌നത്തിന് പരിഹാരം നല്‍കുന്നു.

കട്ടന്‍ചായയും നാരങ്ങയും

കട്ടന്‍ ചായയില്‍ അല്‍പം നാരങ്ങാ നീര് ചേര്‍ത്ത് കഴിയ്ക്കുന്നത് നല്ലതാണ്. എന്നാല്‍ ദിവസവും നാരങ്ങാ നീര് ചായയില്‍ ചേര്‍ത്ത് കഴിച്ചാലുള്ള ഗുണം ഒന്നു വേറെ തന്നെയാണ്. ഇത് ശരീരത്തില്‍ അധികമുള്ള കൊഴുപ്പിനെ ഇല്ലാതാക്കുകയും തടി കുറയ്ക്കാന്‍ സഹായിക്കുകയും ചെയ്യുന്നു.