1 ഗ്ലാസ് വെള്ളം നല്‍കും ഗുണങ്ങളിതാണ്....

ശാരീരിക പ്രവർത്തനങ്ങൾക്ക് സഹായിക്കുന്നു

അമിതമായി വ്യായാമം ചെയ്യുമ്പോഴും ചൂടിലും ശരീരത്തിന് നിർജ്ജലിനീകരണം സംഭവിക്കുന്നു. ഇത് ശരീരത്തിലെ പകുതിയോളം വെള്ളം നഷ്ടപ്പെടുത്തുകയും ക്ഷീണം ഉണ്ടാകുകയും ചെയ്യും. ഒപ്പം ശരീരത്തിലെ താപനിലയിലും വ്യത്യാസം വരും. വെള്ളം വ്യായാമം ചെയ്തപ്പോൾ ഉണ്ടായ ഓക്സിഡേറ്റീവ് സമ്മർദ്ദം കുറച്ചു ശരീരത്തെ സംരക്ഷിക്കുന്നു.

തലച്ചോറിന്റെ പ്രവർത്തനത്തിന് വെള്ളം വേണം

ചെറിയ നിർജ്ജലിനീകരണം തന്നെ തലച്ചോറിന്റെ പ്രവർത്തനത്തെ ബാധിക്കുമെന്ന് പല പഠനങ്ങളും തെളിയിച്ചിട്ടുണ്ട്. ഏകാഗ്രത, മൂഡ് വ്യത്യാസം, തലവേദന, ഓർമ്മക്കുറവ് എന്നിവയ്ക്ക് വെള്ളത്തിന്റെ അഭാവം കാരണമാകും.

മൈഗ്രേയിൻ /ചെന്നിക്കുത്തു മാറ്റാൻ വെള്ളത്തിനാകും

നിർജ്ജലിനീകരണം അമിത തലവേദന ഉണ്ടാക്കും. അതിനാൽ ചെന്നികുത്തിനുള്ള മരുന്നിലേക്ക് എത്തുന്നതിനു മുൻപ് ധാരാളം വെള്ളം ഇടവിട്ട് കുടിക്കുക. വെള്ളം തലവേദനയും മന്ദതയും അകറ്റും.

വെള്ളം മന്ദത അകറ്റും

അമിത മദ്യപാനം ശരീരത്തിന് അസ്വസ്ഥതയും മന്ദതയും ഉണ്ടാക്കും. മദ്യം ശരീരത്തെ നിര്ജ്ജലീകരിക്കുന്നതാണ് ഇതിനു കാരണം. മദ്യത്തിന് ഇടയ്‌ക്കോ അതിനു ശേഷമോ ധാരാളം വെള്ളം കുടിക്കുന്നത് മന്ദത അകറ്റും.

ഭാരം കുറയ്ക്കും

ധാരാളം വെള്ളം കുടിച്ചാൽ ഭാരം കുറയുമെന്ന് നിങ്ങൾക്ക് അറിയാമോ ?ഇത് ഉപാപചയത്തെ ത്വരിതപ്പെടുത്തുന്നു. ഭക്ഷണം കഴിക്കുന്നതിനു അര മണിക്കൂർ മുൻപ് വെള്ളം കുടിക്കുന്നത് കൂടുതൽ കലോറി എടുക്കുന്നത് കുറയ്ക്കുകയും അങ്ങനെ ഭാരം കുറയ്ക്കാൻ സഹായിക്കുകയും ചെയ്യും.

ഗർഭിണികളായ അമ്മമാർക്ക് നല്ലതാണ്

ഗർഭസ്ഥ ശിശുവിന് ധാരാളം പോഷകങ്ങളും വെള്ളവും ആവശ്യമാണ്. ഗർഭിണികളുടെ സാധാരണ പ്രശ്നങ്ങളായ അണുബാധ, മലബന്ധം, ആരോഗ്യപ്രശ്നങ്ങൾ എന്നിവ അകറ്റാൻ വെള്ളം അത്യാവശ്യമാണ്.

വൃക്കയിലെ കല്ല് മാറ്റുന്നു

മൂത്രത്തിൽ ക്രിസ്റ്റൽ ഉണ്ടാകുന്ന വസ്തുക്കൾ ഉണ്ടാകുന്നതാണ് വൃക്കയിൽ കല്ലിനു കാരണമാകുന്നത്. ദിവസവും 10 ഗ്ലാസ്‌ വെള്ളം കുടിച്ചാൽ വൃക്കയിലെ കല്ല് മാറ്റാനാകും. വെള്ളത്തിന് വൃക്കയിൽ കല്ലുണ്ടാക്കുന്ന ഉപ്പ്, മറ്റു ലവണങ്ങൾ, വിഷാംശം എന്നിവയെ അലിയിച്ചു കളയാൻ സാധിക്കും.