ചൂടുകാലത്ത് ചര്‍മ്മം സംരക്ഷിക്കാന്‍ മാങ്ങ ഫേസ്പാക്

മുള്‍ട്ടാണി മിട്ടിയും മാങ്ങയും

മുള്‍ട്ടാണി മിട്ടിയും മാങ്ങയുടെ നീരും മിക്‌സ് ചെയ്ത് മുഖത്ത് തേച്ച് പിടിപ്പിക്കാം. ഇത് നല്ലതു പോലെ കട്ടിയുള്ള പേസ്റ്റ് ആക്കി മുഖത്ത് നല്ലതു പോലെ തേച്ച് പിടിപ്പിക്കാം. ഉണങ്ങുന്നതു വരെ മുഖത്ത് തന്നെ വെയ്ക്കാം. ഉണങ്ങിയ ശേഷം കഴുകിക്കളയാവുന്നതാണ്.

ബദാമും മാങ്ങയും ഓട്‌സും

മാങ്ങയും ഓട്‌സും ബദാമും എല്ലാം പൊടിച്ച് മാങ്ങജ്യൂസില്‍ മിക്‌സ് ചെയ്യാം. ഇത് മുഖത്ത് തേച്ച് പിടിപ്പിച്ച് 15 മിനിട്ടിനു ശേഷം കഴുക്കികളയാവുന്നതാണ്. മുഖത്തിന് ഫ്രഷ്‌നസ് ഇത് നല്‍കും.

തേനിനോടൊപ്പം മാങ്ങ

സൗന്ദര്യസംരക്ഷണത്തില്‍ തേനിനുള്ള പങ്ക് വളരെ വലിയതാണ്. തേനും മാങ്ങയുടെ പള്‍പ്പും മിക്‌സ് ചെയ്ത് മുഖത്ത് തേച്ച് പിടിപ്പിക്കുക. അല്‍പം തൈരും കൂടി മിക്‌സ് ചെയ്ത് ഇത് മുഖത്ത തേച്ച് പിടിപ്പിക്കാം. 15 മിനിട്ടിനു ശേഷം കഴുകിക്കളയാവുന്നതാണ്.

റോസ് വാട്ടറും മാങ്ങയും

മാങ്ങയുടെ നീര് റോസ് വാട്ടറില്‍ മിക്‌സ് ചെയ്ത് മുഖത്ത് തേച്ച് പിടിപ്പിക്കാം. വേനല്‍ക്കാലത്ത് റോസ് വാട്ടര്‍ ഉപയോഗിക്കുന്നത് ചര്‍മ്മത്തില്‍ നിര്‍ജ്ജലീകരണം ഇല്ലാതാവാന്‍ സഹായിക്കും. മാത്രമല്ല ചര്‍മ്മത്തില്‍ മോയ്‌സ്ചുറൈസര്‍ ഉപയോഗിക്കുന്നതിന്റെ അതേ ഫലമാണ് ലഭിയ്ക്കുന്നതും.

മാങ്ങയും കടലപ്പൊടിയും

മാങ്ങയുടെ നീരും കടലപ്പൊടിയും മിക്‌സ് ചെയ്ത് മുഖത്ത് തേച്ച് പിടിപ്പിക്കുക. ഇത് സണ്‍ടാന്‍ പോലുള്ള പ്രശ്‌നങ്ങളെ ഇല്ലാതാക്കുന്നു. മാത്രമല്ല മുഖത്തിന് തിളക്കവും നല്‍കുന്നു.

മാങ്ങയും ഓട്‌സ് സ്‌ക്രബ്ബും

മാങ്ങയോടൊപ്പം ഓട്‌സ് കൂടി മിക്‌സ് ചെയ്ത് നല്ലതു പോലെ സ്‌ക്രബ്ബ് ആയി ഉപയോഗിക്കാം. ഇത് മുഖത്തെ ബ്ലാക്ക്‌ഹെഡ്‌സ് എന്നന്നേക്കുമായി ഇല്ലാതാക്കും. ഇത് ചര്‍മ്മത്തിന് തിളക്കം നല്‍കുന്നു.