ഇന്ത്യയിലെ മാത്രം പ്രത്യേക ബന്ധങ്ങള്‍

1. പണമാണ് രാജാവ്

പണം സ്നേഹത്തെ വാങ്ങുന്നിടത്ത് ബന്ധം വളരെ ഭൗതികമായിരിക്കും. ഈ തരത്തിലുള്ള ബന്ധത്തില്‍, ബന്ധം മുന്നോട്ട് കൊണ്ടുപോകുന്നതിന് ഏറെ പണം ചെലവഴിക്കേണ്ടത് അത്യാവശ്യമാണ്. ഇടക്കിടെ പുറത്തു നിന്നുള്ള ഭക്ഷണം കഴിക്കല്‍, ഐഫോണ്‍, ഡിസൈനര്‍ വസ്ത്രങ്ങള്‍, ഫാന്‍സി ഷൂസ്, ധാരാളം ഷോപ്പിങ്ങ് എന്നിവയെല്ലാം ഇതില്‍ ഉള്‍പ്പെടുന്നു. ക്രെഡിറ്റ് കാര്‍ഡുകളുടെ വമ്പിച്ച ഉപയോഗവും, ഉയര്‍ന്ന ഇഎംഐയും ഈ തരത്തിലുള്ള ബന്ധങ്ങളുടെ സവിശേഷതകളാണ്.

2. മാതാപിതാക്കളുടെ മേധാവിത്വവും കൂട്ടുകുടുംബങ്ങളും

ഇത്തരം സാഹചര്യത്തില്‍ ധരിക്കേണ്ട വസ്ത്രങ്ങളും, ഉപയോഗിക്കുന്ന ബെഡ്ഷീറ്റിന്‍റെ നിറവും വരെ തീരുമാനിക്കുന്നത് മാതാപിതാക്കളായിരിക്കും. മാതാപിതാക്കള്‍ കുട്ടികളുടെ വളര്‍ച്ചയുടെ ഒരു ഘട്ടം വരെ കൂടെയുണ്ടാകണം. എന്നാല്‍ പിന്നീട് അവരുടെ ബന്ധങ്ങളില്‍ അമിതമായി ഇടപെടുന്നത് നെഗറ്റീവായ സാഹചര്യങ്ങളാണ് സൃഷ്ടിക്കുക. വലിയ കൂട്ടുകുടുംബങ്ങളില്‍ കാര്യം ഏറെ വിഷമം പിടിച്ചതാകും.

3. സ്വന്തം താല്പര്യം അടിച്ചേല്‍പ്പിക്കല്‍

ചില സ്ത്രീകള്‍(പുരുഷന്മാരും) അമിതമായ മേധാവിത്വ സ്വഭാവം പുലര്‍ത്തുന്നവരാണ്. ബന്ധങ്ങളിലെ നിസാര കാര്യങ്ങളില്‍ പോലും അവരാണ് തീരുമാനമെടുക്കുക. നിങ്ങളുടെ അടുത്ത സുഹൃത്തുക്കള്‍ക്കൊപ്പം ക്രിക്കറ്റ് കളിക്കാന്‍ പുറത്ത് പോകണോ? അവര്‍ സമ്മതിക്കില്ല. നിങ്ങളുടെ ഇഷ്ടപ്പെട്ട വസ്ത്രമോ ഷൂവോ വാങ്ങണോ? അതിനും അനുമതി ലഭിക്കില്ല. ആദ്യം സമ്മതം ചോദിക്കുകയേ വഴിയുള്ളൂ. അഥവാ അത് അനുസരിക്കാതിരുന്നാല്‍ വലിയ വാഗ്വാദവും വഴക്കുകളുമായിരിക്കും ഉണ്ടാവുക. പരാജയപ്പെട്ടാല്‍ തങ്ങളുടെ ഏറ്റവും പ്രധാന ആയുധമായ കണ്ണുനീര്‍ അവര്‍ പുറത്തെടുക്കും. അതോടെ കുറ്റവാളി നിങ്ങളായിത്തീരും.

4. ഒരുമിച്ച് ചെലവഴിക്കാന്‍ സമയമില്ല

വെള്ളമില്ലാതെ വൃക്ഷങ്ങള്‍ വളരുകയോ നിലനില്‍ക്കുകയോ ഇല്ല. പങ്കാളികളിലൊരാള്‍ക്ക് വളരെ തിരക്കാണെങ്കില്‍ ബന്ധം നേരായി മുന്നോട്ട് പോകില്ല. ജോലിയെയും, സ്വപ്നങ്ങളെയും പിന്തുടരുമ്പോള്‍ പലരും തങ്ങള്‍ മനുഷ്യരാണ്, റോബോട്ടുകളല്ല എന്ന കാര്യം മറന്നുപോകും. ആളുകള്‍ സ്നേഹിക്കപ്പെടാനും, സംരക്ഷിക്കപ്പെടാനും ആഹ്ലാദകരമായ ഓര്‍മ്മകള്‍ സൃഷ്ടിക്കാനും ആഗ്രഹിക്കുന്നവരാണ്. അമിതമായ ജോലി സമ്മര്‍ദ്ദം ബന്ധങ്ങളെ മാത്രമല്ല ജോലിയെയും ദോഷകരമായി ബാധിക്കും.

5. ബന്ധങ്ങളിലെ പൊരുത്തമില്ലായ്മ

ഇന്ത്യയിലായാലും വിദേശത്തായാലും ചില ബന്ധങ്ങളില്‍(വിവാഹമോ ഡേറ്റിങ്ങോ) സ്നേഹമോ പൊരുത്തമോ ഉണ്ടാവില്ല. പക്ഷേ എന്തൊക്കെയോ കാരണങ്ങള്‍ കൊണ്ട് അവര്‍ ഒരുമിച്ച് ജീവിക്കും. തികച്ചും വ്യത്യസ്ഥമായ ജീവിത പശ്ചാത്തലവും, ജീവിതത്തോടുള്ള സമീപനവുമുള്ള രണ്ടാളുകള്‍ക്ക് ഒരു ബന്ധം വിജയകരമായി മുന്നോട്ട് കൊണ്ടുപോകുക സാധ്യമാകില്ല.

6. ആഹ്ലാദം കണ്ടെത്തുന്നവര്‍

'ആഹ്ലാദവാന്മാരായ ആളുകള്‍ക്ക് എല്ലാക്കാര്യങ്ങളിലും മികച്ചവ ലഭിക്കണമെന്നില്ല, പക്ഷേ അവര്‍ എല്ലാ കാര്യങ്ങളിലും മികച്ചവ കണ്ടെത്തും' എന്നൊരു ചൊല്ലുണ്ട്. ഇത് സന്തുഷ്ടമായ ഒരു ബന്ധത്തെ വ്യക്തമായി നിര്‍വ്വചിക്കുന്നതാണ്. ആഹ്ലാദം, പ്രസരിപ്പ്, സന്തോഷം തുടങ്ങിയവ വാക്കുകള്‍ ഒരു ബന്ധത്തെക്കുറിച്ച് ചിന്തിക്കുമ്പോള്‍ നിങ്ങളുടെ മനസിലേക്ക് വരുന്നവയാണ്. നിങ്ങള്‍ക്ക് മറ്റുള്ളവരുടെ സൗഹൃദം ആശങ്കകളില്ലാതെ ആസ്വദിക്കാനാവും. കാലം മുന്നോട്ട് പോകുമ്പോള്‍ വീഞ്ഞു പോലെ അത് വീര്യവും മികവും ഉള്ളതായി മാറും.