ഗര്‍ഭകാലത്ത് വിമാനത്തില്‍ യാത്ര ചെയ്യുന്നത് ശ്രദ്ധിക്കണം

ഗര്‍ഭകാലത്ത് യാത്രാ മുന്‍കരുതലുകള്‍

വിമാന യാത്ര, റോഡ് യാത്ര അല്ലെങ്കില്‍ ബോട്ടില്‍ യാത്ര ചെയ്യുക, നിങ്ങളുടെ ഗര്‍ഭകാലത്ത് യാത്ര ചെയ്യുന്നത് അതിന്റേതായ വെല്ലുവിളികള്‍ സൃഷ്ടിക്കും. പക്ഷേ, വിഷമിക്കേണ്ട, ഇതിലൂടെ കടന്നുപോകാന്‍ നിങ്ങളെ സഹായിക്കാന്‍ ചില കാര്യങ്ങള്‍ ശ്രദ്ധിക്കേണ്ടതുണ്ട്. ആവശ്യമായ ചില അടിസ്ഥാന അഡ്വാന്‍സ് പ്ലാനിംഗുകള്‍ ഇതാ. ഗര്‍ഭകാല യാത്രകളെക്കുറിച്ച് നിങ്ങള്‍ അറിഞ്ഞിരിക്കേണ്ട ചില കാര്യങ്ങള്‍ ഉണ്ട്. അവ എന്തൊക്കെയെന്ന് നമുക്ക് നോക്കാം.

നിങ്ങളുടെ ഡോക്ടറെ സന്ദര്‍ശിക്കുക

ഗര്‍ഭകാലത്ത് നിങ്ങള്‍ ഒരു യാത്ര പ്ലാന്‍ ചെയ്യുന്നതിനുമുമ്പ്, ഡോക്ടറുമായി ആലോചിച്ച് ശരിയായ മുന്‍കരുതലുകള്‍ എടുക്കുക. പാലിക്കേണ്ട സുരക്ഷാ മാര്‍ഗ്ഗനിര്‍ദ്ദേശങ്ങള്‍ ഉപയോഗിച്ച് നിങ്ങളുടെ യാത്ര മികച്ച രീതിയില്‍ ആസൂത്രണം ചെയ്യാന്‍ ഡോക്ടര്‍ക്ക് നിങ്ങളെ സഹായിക്കാനാകും. ഡോക്ടറുടെ പിന്തുണയില്ലാതെ ഒരു കാരണവശാലും ഇത്തരം യാത്രക്ക് മുന്നിട്ടിറങ്ങരുത്. ഇത് കൂടുതല്‍ അപകടസാധ്യതകള്‍ വര്‍ദ്ധിപ്പിക്കുന്നു. അതുകൊണ്ട് തന്നെ വളരെയധികം ശ്രദ്ധിക്കേണ്ടതാണ്.

ജലാംശം നിലനിര്‍ത്തുക

നിങ്ങള്‍ യാത്ര ചെയ്യുമ്പോള്‍ ദ്രാവകങ്ങള്‍ നിങ്ങളോടൊപ്പം കൊണ്ടുപോകാന്‍ ഒരിക്കലും മറക്കരുത്. നിങ്ങളുടെ ഗര്‍ഭകാലത്ത് നിങ്ങള്‍ യാത്ര ചെയ്യുമ്പോള്‍ ജലാംശം നിലനിര്‍ത്തുന്നത് വളരെ പ്രധാനമാണ്. അല്ലാത്ത പക്ഷം ശരീരത്തില്‍ നിര്‍ജ്ജലീകരണം സംഭവിക്കുകയും അത് കുഞ്ഞിനേയും അമ്മയേയും ബാധിക്കുകയും ചെയ്യും. അതുകൊണ്ട് വെള്ളം കൈയ്യില്‍ കരുതാന്‍ ഒരു കാരണവശാലും മറക്കരുത്. അത് കൂടുതല്‍ അപകടം വരുത്തി വെക്കും എന്നുള്ളതാണ് സത്യം.

ഭക്ഷണസാധനങ്ങള്‍

നിങ്ങളുടെ ഭക്ഷണസാധനങ്ങള്‍ നിങ്ങളോടൊപ്പം കൊണ്ടുപോകുന്നതിന് ശ്രദ്ധിക്കുക. പുറത്ത് നിന്ന് കഴിക്കുന്ന ഭക്ഷണം നിങ്ങളില്‍ അസ്വസ്ഥത ഉണ്ടാക്കുന്നത് കൊണ്ടാണ് ഇത് പറയുന്നത്. നിങ്ങള്‍ ഗര്‍ഭകാലത്ത് യാത്ര ചെയ്യുമ്പോള്‍ ഒരിക്കലും പുറത്തു നിന്ന് ഒന്നും കഴിക്കരുത്. പുറത്തുള്ള ഭക്ഷണങ്ങള്‍ നിങ്ങള്‍ക്ക് ഗ്യാസ്‌ട്രൈറ്റിസ് നല്‍കുകയും അസ്വസ്ഥതയുണ്ടാക്കുകയും ചെയ്യും. ഇത്തരം അവസ്ഥകള്‍ ശ്രദ്ധിച്ചില്ലെങ്കില്‍ അത് കൂടുതല്‍ അപകടത്തിലേക്ക് എത്തിക്കുന്നുണ്ട്.

നിങ്ങളുടെ വിറ്റാമിനുകളെ മറക്കരുത്

ഗര്‍ഭിണിയായ സ്ത്രീയുടെ കാര്യത്തില്‍ മരുന്നുകളും പ്രധാനപ്പെട്ട വിറ്റാമിനുകളും പ്രധാനമാണ്. നിങ്ങള്‍ യാത്ര ചെയ്യുന്ന ദിവസങ്ങളിലും ഇത് ബാധകമാണ്. നിങ്ങള്‍ ഒരു യാത്രയിലായിരിക്കുമ്പോള്‍ പോലും മരുന്നുകളും വിറ്റാമിന്‍ ഡോസുകളും ഒഴിവാക്കരുത്. ഇത് കൂടുതല്‍ പ്രതിസന്ധികള്‍ സൃഷ്ടിക്കുന്നുണ്ട്. ആരോഗ്യത്തിന് വെല്ലുവിളി ഉയര്‍ത്തുന്ന ഇത്തരം അസ്വസ്ഥതകളെ ശ്രദ്ധിച്ചാല്‍ ഒരു പരിധി വരെ നമുക്ക് പ്രതിസന്ധികളെ പരിഹരിക്കാവുന്നതാണ്. അല്ലെങ്കില്‍ അത് കൂടുതല്‍ അപകടം വരുത്തി വെക്കുന്നു.

യാത്ര എപ്പോള്‍ വേണം?

നിങ്ങളുടെ ഗര്‍ഭകാലത്ത് യാത്ര നിര്‍ത്താന്‍ ശരിയായ സമയം എപ്പോഴാണ്? ഇതിനെക്കുറിച്ച് പലര്‍ക്കും അറിയില്ല എന്നുള്ളതാണ് സത്യം. ആരോഗ്യ വിദഗ്ധരുടെ അഭിപ്രായത്തില്‍, സങ്കീര്‍ണ്ണമല്ലാത്ത ഗര്‍ഭാവസ്ഥയിലുള്ള ഒരു അമ്മ പ്രതീക്ഷിക്കുന്നത് ഗര്‍ഭത്തിന്റെ 37-ാം ആഴ്ച മുതല്‍ യാത്ര ഒഴിവാക്കണം എന്നുള്ളതാണ്. അല്ലെങ്കില്‍ അത് കൂടുതല്‍ അപകടവും എപ്പോള്‍ വേണമെങ്കിലും പ്രസവം നടക്കാവുന്ന അവസ്ഥയിലേക്ക് എത്തുകയും ചെയ്യുന്നുണ്ട്. അതുകൊണ്ട് തന്നെ യാത്ര നിര്‍ത്തേണ്ട സമയം എന്ന് പറയുന്നത് 37 ആഴ്ചക്ക് ശേഷമാണ് എന്നുള്ളതാണ് സത്യം.