വയറ്റിനുള്ളിൽ കുഞ്ഞാവയുടെ കിടപ്പ് അപകടാവസ്ഥയിലോ?

അബോർഷൻ സംഭവിച്ചതിന് ശേഷം

പലപ്പോഴും രണ്ടോ മൂന്നോ അബോർഷൻ സംഭവിച്ചതിന് ശേഷം ഗർഭം ധരിക്കുന്നുണ്ടെങ്കിൽ വളരെയധികം ശ്രദ്ധ അത്യാവശ്യമാണ്. ഈ അവസ്ഥയിൽ പലപ്പോഴും കുഞ്ഞിന്റെ പൊസിഷൻ മാറ്റം വരുന്നതിന് സാധ്യതയുണ്ട്. ഇവരിൽ 20 ആഴ്ച വരെയുള്ള ഗർഭത്തിനാണ് പലപ്പോഴും സാധ്യതയുള്ളത്. എന്നാൽ ഗർഭപാത്രത്തിൽ കുഞ്ഞിന്റെ സ്ഥാനം ശരിയായി ആണ് ഉള്ളതെങ്കിൽ ഇത് കൂടുതൽ പ്രശ്നം ഉണ്ടാക്കുന്നില്ല. അതുകൊണ്ട് തന്നെ ഇത്തരം കാര്യങ്ങൾ മുൻകൂട്ടി അറിഞ്ഞ് ഡോക്ടറെ കാണാൻ ശ്രദ്ധിക്കുകയും കുറച്ചധികം ശ്രദ്ധ നൽകുകയും വേണം.

പ്ലാസന്‍റ പ്രീവിയ

പ്ലാസൻ‌റ പ്രീവിയ എന്നാൽ തന്നെ മറുപിള്ള ഗർഭപാത്രത്തിന്‍റെ താഴ്ഭാഗത്ത് കാണപ്പെടുന്ന അവസ്ഥയാണ് ഉള്ളത്. ഈ അവസ്ഥ കുഞ്ഞിന്റെ കാര്യത്തിൽ അൽപം പ്രതിസന്ധി ഉണ്ടാക്കുന്നതാണ്. ഇവരിൽ രക്തസ്രാവം വർദ്ധിച്ച് സാധാരണ പ്രസവം നടക്കാതെ വരുന്നുണ്ട്. സിസേറിയൻ ആണ് പലപ്പോഴും ഇവരിൽ സംഭവിക്കുന്നത്. ഈ അവസ്ഥയിൽ പ്ലാസന്റ സെർവിക്കൽ ഓപ്പണിംങ് തടസ്സപ്പെടുക്കുന്നുണ്ട്. അതുകൊണ്ട് അത് രക്തസ്രാവം ഉണ്ടാക്കുന്നുണ്ട്. ശ്രദ്ധിച്ചില്ലെങ്കില്‍ അത് കൂടുതല്‍ പ്രശ്നങ്ങൾ ഉണ്ടാക്കുന്നുണ്ട്.

കിഴുക്കാംതൂക്കായ അവസ്ഥ

കുഞ്ഞിന്റെ പൊസിഷൻ കിഴുക്കാംതൂക്കായ അവസ്ഥയാണെങ്കിൽ അത് കൂടുതൽ പ്രശ്നങ്ങൾ ഉണ്ടാക്കുന്നുണ്ട്. ഗർഭകാലത്ത് നടക്കുന്ന സ്കാനിംഗിലൂടെ ഡോക്ടർമാർക്ക് ഈ അവസ്ഥ മനസ്സിലാക്കാൻ സാധിക്കുന്നുണ്ട്. ഈ അവസ്ഥയിൽ കുഞ്ഞിന്‍റെ തലക്ക് പകരം മുഖത്തെ താടിയെല്ലുകളാണ് സെർവിക്സ് കനാലിൽ കാണപ്പെടുന്നത്. ഇത് കൂടുതൽ അപകടം ഉണ്ടാക്കുന്ന ഒരു അവസ്ഥയാണ്. അതുകൊണ്ട് തന്നെ വളരെയധികം ശ്രദ്ധിക്കേണ്ടതാണ്.

കോംപൗണ്ട് പൊസിഷൻ

കോംപൗണ്ട് പൊസിഷനിൽ കുഞ്ഞിന്റെ കൈ തലക്ക് താഴെ വരുന്ന അവസ്ഥയാണ്. ഇത് സെർവിക്സിൽ തടസ്സം സൃഷ്ടിക്കുന്നുണ്ട്. പലപ്പോഴും കുഞ്ഞ് പുറത്തേക്ക് വരുന്ന അവസ്ഥയിൽ ഈ കൈ തടസ്സം സൃഷ്ടിക്കുന്നുണ്ട്. അതുകൊണ്ട് തന്നെ ഇത്തരം കാര്യങ്ങൾ അൽപം ശ്രദ്ധയോടെ കൈകാര്യം ചെയ്യേണ്ടതാണ്. കുറച്ചധികം ശ്രദ്ധ അഥവാ എക്സ്ട്രാ കെയർ കുഞ്ഞിനും അമ്മക്കും നൽകേണ്ടതുണ്ട്.

പിടലി കുടുങ്ങിയ അവസ്ഥ

പിടലി കുടുങ്ങിയ അവസ്ഥ പലപ്പോഴും ഗർഭപാത്രത്തിൽ നടക്കുന്നുണ്ട്. ഇതിൽ കുഞ്ഞ് കിടക്കുന്ന പൊസിഷൻ പലപ്പോഴും അമ്മയുടെ വയറിന്റെ മുൻവശത്തേക്കായിരിക്കും. മുഖാമുഖം കിടക്കുന്ന അവസ്ഥയായിരിക്കും കുഞ്ഞിന് ഉണ്ടാവുക.10-34 ശതമാനം സ്ത്രീകളിലും ഇതേ അവസ്ഥ ഉണ്ടാവുന്നുണ്ട്. അതുകൊണ്ട് ഇത്തരം കാര്യങ്ങൾ അൽപം ശ്രദ്ധിക്കേണ്ടതാണ്. ഇത് പ്രസവ സമയത്ത് വളരെയധികം കോംപ്ലിക്കേഷൻസ് ഉണ്ടാക്കുന്നുണ്ട്. അതുകൊണ്ട് ഗർഭത്തിന്റെ ആദ്യ മാസം മുതൽ തന്നെ വളരെയധികം ശ്രദ്ധിക്കേണ്ടതാണ്.

തിരശ്ചീന്നമായ അവസ്ഥ

ഈ അവസ്ഥയിൽ കുഞ്ഞ് തിരശ്ചീന്നമായാണ് കിടക്കുന്നത്. ഈ അവസ്ഥയിൽ സിസേറിയന്‍ വളരെ അത്യാവശ്യമായിട്ടുള്ള ഒന്നാണ്. അകം പരിശോധനയുടെ സമയത്ത് തന്നെ ഇത്തരം പൊസിഷനിലാണ് കുഞ്ഞ് കിടക്കുന്നത് എന്ന് ഡോക്ടർക്ക് മ നസ്സിലാവുന്നു. ഈ അവസ്ഥയിൽ പൊക്കിൾക്കൊടിക്ക് സ്ഥാനചലനം സംഭവിക്കുന്നുണ്ട്. കുഞ്ഞ് പുറത്തേക്ക് വരുന്നതിന് മുൻപ് തന്നെ പൊക്കിൾക്കൊടിയിൽ പ്രശ്നങ്ങൾ സംഭവിക്കുന്നുണ്ട്. ഇവരിൽ എപ്പോഴും മെഡിക്കൽ എമർജന്‍സിക്ക് സാധ്യത കാണുന്നുണ്ട്.

ബ്രീച്ച് പൊസിഷന്‍

പ്രസവ സമയത്ത് ഭൂരിഭാഗം കുഞ്ഞുങ്ങളിലും തലയാണ് പുറത്തേക്ക് വരുന്നത്. എന്നാൽ ബ്രീച്ച് പൊസിഷനില്‍ ആണെങ്കിൽ പലപ്പോഴും കാലോ പിൻഭാഗമോ ആയിരിക്കും പുറത്തേക്ക് വരുന്നത്. എന്നാൽ ഈ അവസ്ഥയിൽ സിസേറിയന്‍ പലപ്പോഴും ഡോക്ടർ നിർദ്ദേശിക്കുന്നു. അതുകൊണ്ട് തന്നെ ഇത്തരം കാര്യങ്ങൾ അൽപം ശ്രദ്ധ ഗർഭത്തിന്റെ ആദ്യ സമയത്ത് തന്നെ നൽകേണ്ടതാണ്. ബ്രീച്ച് പൊസിഷനിൽ രക്തസ്രാവത്തിനുള്ള സാധ്യത വളരെ കൂടുതലാണ്. എന്നാൽ ഗർഭം അവസാന ഘട്ടത്തിൽ എത്തുമ്പോഴേക്ക് ചിലരിൽ കുഞ്ഞ് നോർമൽ അവസ്ഥയിലേക്ക് എത്തുന്നുണ്ട്.

പൊക്കിൾക്കൊടി പുറത്തേക്ക് വരുന്നത്

പ്രസവത്തിന് ശേഷമാണ് കുഞ്ഞിൻറെ പൊക്കിൾക്കൊടി പുറത്തേക്ക് വരുന്നത്. എന്നാൽ ചില അവസരങ്ങളിൽ പൊക്കിൾക്കൊടി ആദ്യം പുറത്തേക്ക് വരുന്നുണ്ട്. അംമ്നിയോട്ടിക് ദ്രവം കൂടുതൽ ഉള്ള അവസ്ഥയിലും കുഞ്ഞ് താഴേക്ക് തിരിഞ്ഞ് വന്നാലും ആണ് പൊക്കിൾക്കൊടി പുറത്തേക്ക് ആദ്യം വരുന്നത്. അംമ്നിയോട്ടിക് ദ്രവം പൊട്ടിപ്പൊയാലും തീയ്യതിക്ക് മുൻപ് പ്രസവ വേദന വന്നാലും അൽപം ശ്രദ്ധിക്കണം. ഇതെല്ലാം കൂടുതൽ ഗുരുതരമായ അവസ്ഥയിലേക്ക് എത്തുന്നതിന് മുൻപ് ശ്രദ്ധ അത്യാവശ്യമാണ്.