സിസേറിയന് ശേഷം തടി കുറക്കാന്‍ വ്യായാമമല്ല വേണ്ടത്

മുലയൂട്ടുക

സിസേറിയന് ശേഷവും കുട്ടികള്‍ക്ക് നല്ലതു പോലെ മുലപ്പാല്‍ നല്‍കാന്‍ ശ്രദ്ധിക്കുക. ഇത് മെറ്റബോളിസം ഉയര്‍ത്തുകയും കലോറി കത്തിച്ചു കളയുകയും ചെയ്യുന്നു. ഇതിലൂടെ തടി കുറയ്ക്കാന്‍ കഴിയുന്നു. ചുരുങ്ങിയത് ആറ് മാസമെങ്കിലും തുടര്‍ച്ചയായി മുലയൂട്ടാന്‍ ശ്രദ്ധിക്കണം. ഇത് സിസേറിയന് ശേഷമുള്ള തടി കുറക്കാന്‍ സഹായിക്കുന്നു.

ധാരാളം വെള്ളം കുടിക്കുക

ധാരാളം വെള്ളം കുടിക്കേണ്ടത് അത്യാവശ്യമാണ്. സിസേറിയന് ശേഷം വെള്ളം കുടിക്കുന്നത് തടിയുടെ കാര്യത്തില്‍ വളരെ ഫലപ്രദമായ ഒരു കാര്യമാണ്. പ്രത്യേകിച്ച് മുലയൂട്ടുന്ന അമ്മമാര്‍ക്ക് ശരീരത്തില്‍ നിര്‍ജ്ജലീകരണം നടക്കാനുള്ള സാധ്യത വളരെ കൂടുതലാണ്. അതുകൊണ്ട് തന്നെ ധാരാളം വെള്ളം കുടിക്കേണ്ടത് അത്യാവശ്യമാണ്.

ശരിയായ ഭക്ഷണം

ശരിയായ ഭക്ഷണം കഴിക്കേണ്ടതും തടി കുറയാന്‍ തന്നെ സഹായിക്കുന്ന ഒന്നാണ്. കാരണം കൃത്യമായ അളവില്‍ പ്രോട്ടീനും മറ്റും ലഭിച്ചാല്‍ തന്നെ ആരോഗ്യം ശരിയാവും. അതോടൊപ്പം തന്നെ ആരോഗ്യകരമായ പ്രോട്ടീനും ഒമേഗ 3 ഫാറ്റി ആസിഡും എല്ലാം ആവശ്യത്തിന് കഴിക്കണം.

വ്യായാമങ്ങള്‍

സിസേറിയന് ശേഷം വ്യായാമങ്ങള്‍ ചെയ്യുമ്പോള്‍ അത് ഡോക്ടറോട് ചോദിച്ച് മാത്രമേ ചെയ്യാന്‍ പാടുകയുള്ളൂ. ഡോക്ടറുടെ നിര്‍ദ്ദേശ പ്രകാരം ചെയ്യാവുന്ന ചില വ്യായാമങ്ങള്‍ ഉണ്ട്. എന്തൊക്കെയാണവ എന്ന് നോക്കാം.

നടക്കുന്നത്

നടക്കുന്നത് എന്തുകൊണ്ടും നല്ലതാണ്. ഇത് നിങ്ങളുടെ രക്തയോട്ടം വര്‍ദ്ധിപ്പിക്കുന്നു. ഇത് തടി കുറക്കാന്‍ സഹായിക്കുന്നു.

നീന്തുന്നത്

സിസേറിയന് ശേഷം നീന്തുമ്പോള്‍ ഡോക്ടറുടെ നിര്‍ദ്ദേശം സ്വീകരിക്കണം. കാരണം നീന്തുന്നത് തടി കുറക്കുമെങ്കിലും സ്റ്റിച്ച് പൊട്ടാനുള്ള സാധ്യത വളരെ കൂടുതലാണ്. അതുകൊണ്ട് തന്നെ ഡോക്ടറുടെ നിര്‍ദ്ദേശ പ്രകാരം മാത്രമേ ഈ വ്യായാമം ചെയ്യാന്‍ പാടുകയുള്ളൂ.

മാനസിക സമ്മര്‍ദ്ദം കുറക്കുക

ചില സ്ത്രീകള്‍ക്ക് പ്രസവശേഷം മാനസിക സമ്മര്‍ദ്ദം വര്‍ദ്ധിക്കാനുള്ള സാധ്യതയുണ്ട്. സിസേറിയന് ശേഷം ഇത്തരത്തിലുള്ള മാനസിക സമ്മര്‍ദ്ദവും തടി വര്‍ദ്ധിക്കുന്നതിന് കാരണമാകുന്നു.