കുട്ടിയെ സൂപ്പര്‍സ്മാര്‍ട്ടാക്കും സപ്പോട്ട(ചിക്കു)

ദഹനത്തിന്

ദഹനത്തിന് ഏറെ നല്ലതാണിത്. കുട്ടികളുടെ ദഹനേന്ദ്രിയം ശക്തി കുറഞ്ഞതാണ്. ഇത്തരം ദഹനേന്ദ്രിയത്തിന് ചേര്‍ന്ന ഒരു ഭക്ഷണമാണിത്. ഇതു ഭക്ഷണ അലര്‍ജികളൊന്നും തന്നെയുണ്ടാക്കുന്നുമില്ല. ഇതിലെ കൂടിയ അളവിലുളള ഫ്രക്ടോസ് കുട്ടികള്‍ക്ക് ഊര്‍ജം നല്‍കാനും നല്ലതാണ്.

ഇതിലെ വൈറ്റമിനുകള്‍

ഇതിലെ വൈറ്റമിനുകള്‍ കുട്ടികളുടെ പ്രതിരോധശേഷി വര്‍ദ്ധിപ്പിയ്ക്കാന്‍ ഏറെ നല്ലതാണ്. ഇത് കുട്ടികളെ ഇന്‍ഫെക്ഷനുകളില്‍ നിന്നും സംരക്ഷിയ്ക്കും. ക്യാന്‍സര്‍ കോശങ്ങളുടെ വളര്‍ച്ച തടയാനും ഇത് ഏറെ നല്ലതാണ്. കുട്ടികളിലെ ചുമയും കോള്‍ഡുമെല്ലാം അകറ്റാന്‍ ഇത് ഏറെ ഉത്തമമാണ്. ഇതിലെ വൈറ്റമിന്‍ സി കുട്ടികള്‍ക്ക് പ്രതിരോധ ശേഷി നല്‍കുന്നു. കുട്ടികളെ രോഗങ്ങളില്‍ നിന്നും സംരക്ഷിയ്ക്കുന്ന, ആന്റിബയോട്ടിക് ഗുണം ചെയ്യുന്ന ഒന്നാണ് സപ്പോട്ടയെന്നു പറയാം.

ഇതില്‍ ധാരാളം വൈറ്റമിന്‍ എ

ഇതില്‍ ധാരാളം വൈറ്റമിന്‍ എ അടങ്ങിയിട്ടുണ്ട്. ഇതു കുട്ടിയുടെ കാഴ്ച ശക്തിയ്ക്ക് ഏറെ ഗുണം ചെയ്യുന്ന ഒന്നാണ്. കണ്ണിന്റെ ആരോഗ്യത്തിനു മാത്രമല്ല, കുട്ടിയുടെ ചര്‍മത്തിനും ഇത് ഏറെ നല്ലതു തന്നെയാണ്. ചര്‍മത്തിന് തുടിപ്പും മിനുപ്പും നല്‍കുന്നു.

മലബന്ധം

പല കുട്ടികളേയും അലട്ടുന്ന ഒന്നാണ് മലബന്ധം. ഇതിനുള്ള നല്ലൊരു പരിഹാരമാണ് സപ്പോട്ട അഥവാ ചിക്കു. ഇതു നാരുകളാല്‍ സമ്പുഷ്ടമാണ്. കുടലിലൂടെയുള്ള ഭക്ഷണത്തിന്റെ നീക്കത്തെ ഇതു സഹായിക്കും. നാരുകള്‍ അടങ്ങിയതു കൊണ്ടു തന്നെ ദഹനം എളുപ്പമാക്കാനും മലബന്ധം നീക്കാനും ഇത് ഏറെ നല്ലതാണ്. നാച്വറല്‍ ലാക്‌സേറ്റീവ് എന്നു പറയാം.

കുട്ടികളുടെ പല്ലിന്റെ ആരോഗ്യത്തിനും

കുട്ടികളുടെ പല്ലിന്റെ ആരോഗ്യത്തിനും ഇത് ഏറെ നല്ലതാണ്. ഇതിലെ ലാറ്റെക്‌സ് ആണ് ഇതിനായി സഹായിക്കുന്നത്. കുട്ടികള്‍ക്കുണ്ടാകാന്‍ ഇടയുള്ള ദന്ത രോഗങ്ങളെ ചെറുക്കുവാനും മോണയുടെ ആരോഗ്യ സംരക്ഷണത്തിനും വായ്‌നാറ്റത്തിനുമെല്ലാം ചിക്കു കഴിയ്ക്കുന്നത് ഏറെ നല്ലതാണ്. ഇത് കുട്ടികള്‍ക്കു സ്ഥിരം നല്‍കിയാന്‍ ഇത്തരം പ്രശ്‌നങ്ങള്‍ ഒഴിവാക്കാം. മുറിവുകള്‍ പറ്റുമ്പോളുണ്ടാകുന്ന രക്തനഷ്ടം തടയുവാന്‍ ഇതിലെ ഹീമോസ്റ്റാറ്റിക് ഗുണങ്ങള്‍ സഹായിക്കും.

ഇതില്‍

ഇതില്‍ കാല്‍സ്യം, അയേണ്‍, കോപ്പര്‍, മഗ്നീഷ്യം, സിങ്ക് എന്നിവയെല്ലാം അടങ്ങിയിട്ടുണ്ട്. അയേണ്‍ ഹീമോഗ്ലോബിന്‍ ഉല്‍പാദനത്തിനു സഹായിക്കുന്ന ഒന്നാണ്. ഇവയെല്ലാം തന്നെ കുട്ടിയ്ക്ക് നല്ല ഊര്‍ജം നല്‍കാന്‍ സഹായിക്കുന്ന ഘടകങ്ങളുമാണ്. കുട്ടികളുടെ ക്ഷീണമകറ്റി ഉന്മേഷവും ഊര്‍ജവും കുട്ടികള്‍ക്കു നല്‍കുന്ന ഒന്നാണ് ചിക്കു.