For Quick Alerts
ALLOW NOTIFICATIONS  
For Daily Alerts

കുഞ്ഞു വളരുമ്പോൾ ശ്രദ്ധിക്കാം ഈ കാര്യങ്ങൾ

|

ഒരു കുഞ്ഞിന്റെ വളർച്ചയിൽ പല ഘട്ടങ്ങളുണ്ട്. വളർച്ചയുടെ ഈ നാഴികക്കല്ലുകൾ കുഞ്ഞ് കൃത്യമായി പിന്നിടുന്നുണ്ട് എന്നു ഉറപ്പ് വരുത്തേണ്ടതത്യാവശ്യമാണ്. കാരണം ഇവ കുഞ്ഞിന്റെ സമയബന്ധിതമായ ആരോഗ്യകരമായ വളർച്ചയെ സൂചിപ്പിക്കുന്നു. മാതാപിതാക്കൾ വളർച്ചയുടെ ഈ നാഴികക്കല്ലുകളെപ്പറ്റി മനസ്സിലാക്കിയിരിക്കേണ്ടതത്യാവശ്യമാണ്. കാരണം കുഞ്ഞിന്റെ വളർച്ചയിൽ എന്തെങ്കിലും പാകപ്പിഴകളുണ്ടോ എന്നു അറിയാൻ അവർക്ക് കഴിയും.

wre

കുഞ്ഞിന്റെ വളർച്ചയുടെ ഏറ്റവും പ്രധാനഘട്ടം ആദ്യത്തെ ഒരു വർഷമാണ്. ഈ കാലഘട്ടത്തിൽ കുഞ്ഞിനു ഒരുപാട് മാറ്റങ്ങൾ സംഭവിക്കുന്നു. ഈ വളർച്ചയെ നാലായി തിരിക്കാം. ശാരീരികം, സാമൂഹ്യം, വികാരപരം, ബുദ്ധിപരം എന്നിവയാണവ.


തല താങ്ങുന്നത്

തല താങ്ങുന്നത്

ഒരു മാസം പ്രായമായ കുഞ്ഞ് തല ഉയർത്തിപ്പിടിക്കാൻ ശ്രമിക്കുന്നു. രണ്ടു മാസം പ്രായമാകുമ്പോൾ 45 ഡിഗ്രിയിൽ തല ഉയർത്തും. അതോടൊപ്പം കൈകൾ താഴേക്ക് അമർത്താൻ തുടങ്ങും. അപ്പോൾ കുഞ്ഞിന് കൂടുതൽ നന്നായി കാണാൻ കഴിയും.

നാലാം മാസത്തിൽ കുഞ്ഞിന് തല ആടിപ്പോകാതെ ഉറപ്പിച്ചു പിടിക്കാൻ കഴിയും. കമിഴ്ന്നു കിടന്നു തല തൊണ്ണൂറു ഡിഗ്രിയിൽ ഉയർത്താൻ കഴിയും. കഴുത്തിലെ മാംസപേശികൾ ഈ സമയത്ത് ശക്തിയാർജ്ജിച്ചിരിക്കും.

ആറാം മാസത്തിൽ കുഞ്ഞ് തല രണ്ടു ഭാഗത്തേക്കും തിരിക്കാൻ തുടങ്ങും. ഇരുത്തുമ്പോഴും എടുക്കാൻ തുടങ്ങുമ്പോഴും തല മുന്നോട്ട് നീട്ടി കുതിക്കാൻ ശ്രമിക്കും.

ഏഴാം മാസത്തോടെ തലയുടെയും കഴുത്തിന്റെയും നിയന്ത്രണം പൂർണ്ണമാകും.

ശബ്ദം പുറപ്പെടുവിക്കൽ

ശബ്ദം പുറപ്പെടുവിക്കൽ

രണ്ടാം മാസത്തിൽ അവ്യക്തമായ ശബ്ദങ്ങൾ പുറപ്പെടുവിച്ചു തുടങ്ങും.

മൂന്നാം മാസത്തിൽ ശബ്ദനാളങ്ങൾ ശക്തി പ്രാപിക്കുന്നതോടെ കുഞ്ഞ് നീട്ടി കരയാനും ചിരിക്കാനും തുടങ്ങുന്നു.

നാലാം മാസത്തിൽ കുഞ്ഞ് ഒറ്റ അക്ഷരങ്ങൾ പറഞ്ഞു തുടങ്ങും. ഇത് പതിയെ വർധിച്ചുകൊണ്ടിരിക്കും. എട്ടാം മാസത്തോടെ കുഞ്ഞ് അമ്മ, അച്ഛൻ എന്നു പറഞ്ഞു തുടങ്ങും. പക്ഷെ കുഞ്ഞിന് അതിന്റെ അർത്ഥം അറിഞ്ഞുകൂടാ. അത് എല്ലാവരോടും ഈ വാക്കുകൾ പറയും.

ഒമ്പതാം മാസത്തിന്റെ അവസാനം കുഞ്ഞ് അനുകരിക്കാൻ തുടങ്ങും. സ്വന്തം അച്ഛനെയും അമ്മയെയും അച്ഛാ അമ്മ എന്നു വിളിക്കാൻ ആരംഭിക്കും. ഇല്ല പോവാം എന്നു പറയും. ആശ്ചര്യശബ്ദങ്ങൾ പുറപ്പെടുവിക്കാൻ തുടങ്ങും.

തിരിഞ്ഞു മറിഞ്ഞു കിടക്കും.

തിരിഞ്ഞു മറിഞ്ഞു കിടക്കും.

നാലു മാസമുള്ള കുഞ്ഞ് കമിഴ്ന്നും മലർന്നും കിടക്കും. ഏതെങ്കിലും ഒരു ഭാഗത്തേക്കെ കുഞ്ഞ് ചരിയുള്ളൂ. ആറാം മാസത്തോടെ കുഞ്ഞ് രണ്ടു ഭാഗത്തേക്കും ചരിഞ്ഞു തുടങ്ങും. കമിഴ്ന്നു കിടക്കുന്നിടത്ത് നിന്നും മലർന്നു കിടക്കാനും മലർന്നു കിടക്കുന്നിടത്ത് നിന്നു കമിഴ്ന്നു കിടക്കാനും കുഞ്ഞിനു കഴിയും.

ഇരിക്കാൻ തുടങ്ങുന്നത്.

ഇരിക്കാൻ തുടങ്ങുന്നത്.

രണ്ടാം മാസത്തിൽ തന്നെ കുഞ്ഞിന് ഇരിക്കാൻ കഴിയും. പക്ഷെ ഈയവസരത്തിൽ തല വീണു പോകാതെ താങ്ങിപ്പിടിക്കണം. നാലുമാസം ആകുമ്പോൾ കുഞ്ഞിന് അല്പം കൂടി മെച്ചമായ രീതിയിൽ ഇരിക്കാൻ കഴിയും. കഴുത്തിലെ മാംസപേശികൾ ശക്തിയാർജ്ജിച്ചത് കൊണ്ട് തല വീണു പോവില്ല. ആറുമാസത്തിൽ ഒരു പിൻതുണയുമില്ലാതെ കുഞ്ഞിന് ഇരിക്കാൻ കഴിയും.

ഒൻപതാം മാസത്തിൽ കുഞ്ഞ് സ്വന്തമായി ഇരിക്കാൻ തുടങ്ങും. പത്തുമിനിറ്റോളം കുഞ്ഞ് വീണു പോകാതെ ഇരിക്കും. പത്താം മാസത്തിൽ കമിഴ്ന്നു കിടക്കുന്നിടത്ത് നിന്നും കുഞ്ഞ് എഴുന്നേറ്റ് ഇരിക്കും.

ഒരു വയസ്സു പൂർത്തിയാവുമ്പോൾ നിൽക്കുന്നിടത്ത് നിന്നും ഇരിക്കാൻ തുടങ്ങും.

നീന്തൽ.

നീന്തൽ.

കുഞ്ഞ് തലയുയർത്തി കൈ പുറകോട്ട് തള്ളാൻ രണ്ടാം മാസം മുതലെ ശ്രമിക്കും. ഇത് നീന്തലിന്റെ തുടക്കമാണ്. ഏഴാം മാസത്തിനും ഒമ്പതാം മാസത്തിനുമിടയിൽ കുഞ്ഞ് നീന്താൻ ആരംഭിക്കും. മിക്കവാറും എല്ലാ കുഞ്ഞുങ്ങളും നന്നായി നീന്താൻ തുടങ്ങുന്നത് ഒമ്പതാം മാസത്തിലാണ്. നീന്തൽ കുഞ്ഞിന്റെ വളർച്ചക്ക് വളരെ ആവശ്യമാണ്. അത് കുഞ്ഞിന്റെ മാംസപേശികളെ ശക്തിയുള്ളതാക്കി അവർക്ക് എഴുന്നേറ്റ് നിൽക്കാനുള്ള കരുത്ത് നൽകുന്നു.

എഴുന്നേറ്റ് നിൽക്കാൻ ശ്രമിക്കുന്നുത്.

എഴുന്നേറ്റ് നിൽക്കാൻ ശ്രമിക്കുന്നുത്.

ഒൻപതാം മാസത്തിലാണ് കുഞ്ഞ് പിടിച്ചുകൊണ്ട് എഴുന്നേറ്റ് നിൽക്കുക. മൂന്നാം മാസത്തിൽ ലംബമായി പിടിച്ചാൽ കുഞ്ഞിന്റെ കാലുകൾക്ക് അതിനെ ഭാഗികമായി താങ്ങാൻ കഴിയും. ആറാം മാസത്തിൽ കുഞ്ഞ് കുതിച്ച് ചാടാൻ ശ്രമിക്കും. ഒരു വയസ്സായ കുഞ്ഞിന് പിടിക്കാതെ നിൽക്കാൻ കഴിയും. കൂടാതെ പിടിവിട്ട് തനിയെ രണ്ടോ മൂന്നോ അടി നടക്കാൻ തുടങ്ങും.

പിച്ചവെക്കൽ.

പിച്ചവെക്കൽ.

പതിനൊന്നാം മാസത്തിൽ കുഞ്ഞ് പിടിച്ചു നടക്കുന്നു. പന്ത്രണ്ടാം മാസത്തിൽ തനിയെ നടക്കാൻ ആരംഭിക്കുന്നതോടെ വളർച്ചയിലെ ഒരു നിർണായകഘട്ടം കുഞ്ഞ് പിന്നിടുകയാണ്. പേശീ വളർച്ചയിലെ ഏറ്റവും പ്രധാന ഘട്ടമാണിത്.

പുഞ്ചിരി.

പുഞ്ചിരി.

രണ്ടാം മാസത്തിൽ കുഞ്ഞ് ചിരിക്കാൻ തുടങ്ങും. മൂന്നാം മാസത്തിൽ മാതാപിതാക്കളെ നോക്കി ചിരിക്കും. നാലാം മാസം മുതൽ കുഞ്ഞ് ഉറക്കെ ചിരിക്കും. വളർന്നു തുടങ്ങുന്നതോടെ കുഞ്ഞ് പല അവസരത്തിലും ചിരിക്കും. ഉദാഹരണത്തിനു പരിചയമുള്ള ഒരു മുഖം കാണുമ്പോൾ, അതിനു പ്രിയപ്പെട്ട ഒരു കളിപ്പാട്ടം കാണുമ്പോൾ, സ്വന്തം പാൽക്കുപ്പി കാണുമ്പോൾ അതുമല്ലെങ്കിൽ ആരെങ്കിലും എന്തെങ്കിലും തമാശ കാണിച്ചാലും കുഞ്ഞ് ചിരിക്കും. ആറാം മാസത്തിൽ സ്വന്തം രൂപം കണ്ണാടിയിൽ നോക്കി ചിരിക്കും.

കേൾവി

കേൾവി

ജനിച്ച ഉടൻ കുഞ്ഞിന് കേൾക്കാൻ കഴിയും. അമ്മയുടെ ശബ്ദം കേൾക്കുമ്പോൾ കുഞ്ഞ് ശാന്തനാവുന്നത് അങ്ങനെയാണ്. രണ്ടാം മാസം മുതൽ ശബ്ദം കേൾക്കുന്നിടത്തേക്ക് തല ചരിക്കും. കൃത്യമായി ദിശയിൽ ആയിരിക്കില്ല തല ചരിക്കുന്നത്. ഏകദേശമായിരിക്കും. മൂന്നാം മാസത്തിനൊടുവിൽ കുഞ്ഞിന് ശബ്ദത്തിന്റെ ഉറവിടം മനസ്സിലാക്കാൻ കഴിയും.

ആറുമാസം പ്രായമുള്ള കുഞ്ഞ് ശബ്ദത്തിന്റെ ഉറവിടത്തിലേക്ക് നോക്കാനും തുടങ്ങും. ഇത് വളർച്ചയിലെ ഒരു സുപ്രധാന ഘട്ടമാണ്.

English summary

important-developmental-milestones-in-baby

There are many stages in the development of a child. These milestones of growth are essential to ensure that the child is back and forth
X
Desktop Bottom Promotion