Just In
- 37 min ago 30 വര്ഷത്തിന് ശേഷം രാജയോഗമാണ് ശനി നല്കുന്നത്: ഇതില് വരുന്ന രാശിക്കാര്
- 1 hr ago നിസ്സാര കാര്യത്തിന് പിണങ്ങുന്ന പങ്കാളി, ബ്രേക്ക് അപ്പ് ആകാതെ ബന്ധം കാക്കാന് 7 കാര്യം
- 2 hrs ago കെമ്പമ്മ ദേവി നല്കിയ സ്വപ്ന ദര്ശനം; നായയെ ദൈവമായി ആരാധിക്കുന്ന ക്ഷേത്രം
- 3 hrs ago നൂറ് യാഗങ്ങള്ക്ക് തുല്യമായ ഫലം, മോക്ഷപ്രാപ്തിയോടെ ജീവിതം; കാമദ ഏകാദശി വ്രതം
Don't Miss
- Automobiles ഡ്രൈവിങ്ങ് ടെസ്റ്റ് കട്ട ശോകം തന്നെ, ഡ്രൈവിങ്ങ് ടെസ്റ്റ് ഗ്രൗണ്ടിൽ അടിസ്ഥാനസൗകര്യമില്ലെന്ന് റിപ്പോർട്ട്
- Movies ഷാരൂഖ് ഖാനെ പ്രണയിച്ച് അഭിനയിക്കണമെന്നാണ് ആഗ്രഹം! മുന്പ് നടക്കാതെ പോയതിനെ പറ്റി നടി വിദ്യ ബാലന്
- Sports T20 World Cup 2024: വീണ്ടുമൊരു ലോകകപ്പ് കളിക്കാന് ഡിക്കെ റെഡി! ധോണിയോ? തുറന്നു പറഞ്ഞ് രോഹിത്
- Technology 'അഴിച്ചുവിട്ട' മുതലിനെ ഏറ്റുവാങ്ങാൻ സമയമായി! നേരേ ഫ്ലിപ്പ്കാർട്ടിലേക്ക് വിട്ടോ, ദേ ഇത് വാങ്ങിക്കോ
- Finance റെക്കോർഡ് വിലയിൽ നിന്നും താഴോട്ടിറങ്ങി സ്വർണം, ഇന്ന് കുറഞ്ഞത് 240 രൂപ, ആഭരണം വാങ്ങാൻ 58,000 നൽകണം
- News ട്രെന്ഡ് മാറി സ്വര്ണ വിപണി; സ്വര്ണ വില താഴുന്നു; അല്പ്പം കാത്തിരിക്കാം... ഇന്ന് നേരിയ കുറവ് മാത്രം
- Travel മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
വീട്ടില് ഒരിക്കലും സൂക്ഷിക്കരുത് ഈ വസ്തുക്കള്
ഓരോരുത്തരും അവരുടെ വീടിനെക്കുറിച്ച് പല പല സ്വപ്നങ്ങളും വച്ചുപുലര്ത്തുന്നവരാണ്. തന്നാല് കഴിയുന്ന വിധം ഓരോരുത്തരും അവരുടെ വീട് ഭംഗിയായി സൂക്ഷിക്കുന്നു, അതിനെ അലങ്കരിക്കുന്നു. നിങ്ങളുടെ വീട് അലങ്കരിക്കുന്ന രീതി നിങ്ങള് എപ്പോഴെങ്കിലും ശ്രദ്ധിച്ചിട്ടുണ്ടോ? പലരും പലതരത്തിലുള്ള വസ്തുക്കള് വീടുകളില് സൂക്ഷിക്കുന്നു. ചിത്രങ്ങള്, വിഗ്രഹങ്ങള്, ചെടികള് തുടങ്ങിയവ. എന്നാല് ഇവയൊക്കെ നിങ്ങളുടെ വീടിന് ചേര്ന്നതു തന്നെയോണോ?
Most read: നായ്ക്കളെ സ്വപ്നം കാണാറുണ്ടോ നിങ്ങള് ? എങ്കില്
വാസ്തു ശാസ്ത്രം അനുസരിച്ച് നിങ്ങള് ഒരിക്കലും വീട്ടില് സൂക്ഷിക്കാന് പാടില്ലാത്ത ചില വസ്തുക്കളുണ്ട്. ഇത്തരം വസ്തുക്കള് അറിയാതെ വീട്ടില് സൂക്ഷിക്കുകയാണെങ്കില് നെഗറ്റീവ് ഊര്ജ്ജത്തിന്റെ ഒരു ഒഴുക്കായിരിക്കും പിന്നെ വീട്ടില്. വീട്ടംഗങ്ങളുടെ സന്തോഷത്തെയും പോസിറ്റീവിറ്റിയെയും തടസ്സപ്പെടുത്തുന്ന അത്തരം ചില വസ്തുക്കള് ഇതാ. ഇവ നിങ്ങളുടെ വീട്ടിലുണ്ടെങ്കില് ഉടന് മാറ്റി സ്ഥാപിച്ചോളൂ.
തകര്ന്നതോ കേടായതോ ആയ ക്ലോക്കുകള്
ഫെങ്ഷുയി പാരമ്പര്യം അനുസരിച്ച് തകര്ന്ന ഇനങ്ങള് നിങ്ങളുടെ വീട്ടില് സൂക്ഷിക്കുന്നത് നിഷിധമായി കണക്കാക്കുന്നു. അവ നിങ്ങളുടെ ജീവിതത്തില് അസ്വസ്ഥതകളെ പ്രതിനിധീകരിക്കുന്നു. അത്തരത്തില് വീട്ടില് സൂക്ഷിക്കാന് പാടില്ലാത്ത ഒന്നാണ് ഒരു തകര്ന്ന ഘടികാരം. തകര്ന്നതോ കേടായതോ ആയ ക്ലോക്ക് വീട്ടില് സൂക്ഷിക്കുന്നത് ഒരു മോശം ശകുനമായിരിക്കും. നിങ്ങളുടെ ജീവിതത്തിലെ നിശ്ചലാവസ്ഥയെയും നിങ്ങള് ജീവിതത്തില് മുന്നോട്ട് സഞ്ചരിക്കില്ലെന്നും വീട്ടുകാര്ക്ക് ഉടന് തന്നെ അപകടം സംഭവിക്കുമെന്നും ഇത് സൂചിപ്പിക്കുന്നു. സമയം സൂചിപ്പിക്കുന്ന ഉപകരണങ്ങളുടെ പ്രവര്ത്തനം എല്ലായ്പ്പോഴും ക്രമത്തിലായിരിക്കണമെന്ന് ഫെങ് ഷൂയി നിര്ദ്ദേശിക്കുന്നു.
മുള്ച്ചെടി
സസ്യസംരക്ഷകര് ധാരാളമുള്ള നാടാണ് നമ്മുടേത്. വീട്ടിലും ചുറ്റുപാടുകളിലും ചെടികളും സസ്യങ്ങളും വച്ചുപിടിപ്പിക്കാന് ധാരാളം പേര് മുന്നിട്ടിറങ്ങുന്നു. എന്നാല് ഇത്തരം ചെടികള്ക്കിടയില് വീട്ടില് ഒരിക്കലും മുള്ച്ചെടികള് സൂക്ഷിക്കാതിരിക്കുക. മുള്ളുള്ള സസ്യങ്ങള് മോശം ഊര്ജ്ജത്തിന്റെ പ്രതീകമാണെന്ന് ഫെങ് ഷൂയി തത്വങ്ങള് അവകാശപ്പെടുന്നു. ഇത്തരം സസ്യങ്ങള്, നിങ്ങളുടെ വീട്ടിലും വീട്ടംഗങ്ങള് തമ്മിലും പിരിമുറുക്കം സൃഷ്ടിക്കുമെന്നു പറയപ്പെടുന്നു.
Most read:വീട്ടില് കണ്ണാടി ഒരിക്കലും ഇങ്ങനെ പാടില്ല
ഉണങ്ങിയ സസ്യങ്ങള്
പോസിറ്റീവ് ഊര്ജ്ജം നിറഞ്ഞ ഒരു സജീവമായ വീടാണ് നിങ്ങളുടെ ആഗ്രഹമെങ്കില് വീട്ടില് ഒരിക്കലും ഉണങ്ങിയ സസ്യങ്ങള് സൂക്ഷിക്കാതിരിക്കുക. നിങ്ങളുടെ വീട്ടില് വാടിയതും ഉണങ്ങിയതുമായ സസ്യങ്ങള് സൂക്ഷിക്കുന്നത് നെഗറ്റീവ് ഊര്ജ്ജം കൊണ്ടുവരുമെന്ന് പറയപ്പെടുന്നു. ഇത് താമസക്കാരുടെ പിരിമുറുക്കത്തിന് ഇടയാക്കുന്നു.
പഴയ കലണ്ടര്
നിങ്ങളുടെ വീട്ടില് തകര്ന്നതോ കേടായതോ ആയ ഒരു ക്ലോക്ക് സൂക്ഷിക്കുന്നതു പോലെതന്നെയാണ് ഒരു പഴയ കലണ്ടര് തൂക്കിയിടുന്നതും. ഇത് നിങ്ങളുടെ ദൗര്ഭാഗ്യത്തെ പ്രേരിപ്പിക്കുമെന്ന് പറയപ്പെടുന്നു. സമയം സൂചിപ്പിക്കുന്ന വസ്തുക്കള് തെറ്റായി ഉപയോഗിക്കുന്നതിനെതിരെ ഫെങ് ഷൂയി മുന്നറിയിപ്പ് നല്കുന്നു. ഇത് ദൗര്ഭാഗ്യം വരുത്തുമെന്നും വീട്ടിലെ സമൃദ്ധി കുറയ്ക്കുമെന്നും നിങ്ങളുടെ ആയുസ്സ് കുറയ്ക്കുമെന്നും പറയപ്പെടുന്നു. അതിനാല്, നിങ്ങളുടെ വീട്ടിലെ കലണ്ടര് കൃത്യമായ തീയതി സൂചിപ്പിച്ചാണ് നിലനിര്ത്തുന്നത് എന്ന് ഉറപ്പിക്കുക.
Most read:ദു:സ്വപ്നം കാണാറുണ്ടോ? ഇനി കാണില്ല
തകര്ന്ന വസ്തുക്കള്
നിങ്ങളുടെ വീട്ടിലോ ഓഫീസിലോ തകര്ന്ന വസ്തുക്കള് സൂക്ഷിക്കാതിരിക്കുക. തകര്ന്ന ഫര്ണിച്ചറുകള്, പൊട്ടിയ പാത്രങ്ങള് എന്നിവ നെഗറ്റീവ് ഊര്ജ്ജത്തെ പ്രതിനീധീകരിക്കുന്നു. അതിനാല് ഇത്തരം വസ്തുക്കള് ഉടന് നീക്കം ചെയ്യുക.
ചില മൃഗങ്ങളുടെ ചിത്രങ്ങളും പ്രതിമകളും
വാസ്തു അനുസരിച്ച്, പന്നികള്, കഴുതകള്, കഴുകന്, മൃഗങ്ങള്, പാമ്പുകള്, വവ്വാലുകള്, കഴുകന്മാര്, പ്രാവുകള്, കാക്കകള് തുടങ്ങിയ മൃഗങ്ങളുടെയും പക്ഷികളുടെയും ചിത്രങ്ങള്, പെയിന്റിംഗുകള്, പ്രതിമകള് എന്നിവ വീട്ടില് നിന്ന് ഒഴിവാക്കണം. പ്രത്യേകിച്ച് ഇവ കിടപ്പുമുറിയില് സൂക്ഷിക്കുന്നത് നല്ലതല്ല. ഇത്തരം ചിത്രങ്ങള് വീട്ടില് താമസിക്കുന്ന ആളുകളുടെ സ്വഭാവത്തില് ഒരു അക്രമാസക്തമായ സമീപനം സൃഷ്ടിക്കുകയും നെഗറ്റീവ് ഊര്ജ്ജം സൃഷ്ടിക്കുകയും ചെയ്യുന്നു.
തകര്ന്ന കണ്ണാടിയും വിഗ്രഹങ്ങളും
നെഗറ്റീവ് ഊര്ജ്ജം ക്ഷണിച്ചുവരുത്തുമെന്നതിനാല് തകര്ന്ന ഗ്ലാസ്, തകര്ന്ന കണ്ണാടി, തകര്ന്ന ആരാധനാ വിഗ്രഹങ്ങള്, പ്രതിമകള് എന്നിവ നിങ്ങളുടെ വീട്ടില് സൂക്ഷിക്കുന്നത് ഒഴിവാക്കുക. ഇത്തരം വസ്തുക്കള് ഉടന് നീക്കം ചെയ്ത് പുതിയവ സ്ഥാപിക്കുക.
Most read:വീട്ടില് ഭാഗ്യം വരുത്താന് ചെയ്യേണ്ട മാറ്റങ്ങള്
നെഗറ്റിവിറ്റി ഉള്ള ചിത്രങ്ങള്
ചില ചിത്രങ്ങള് വീട്ടില് സൂക്ഷിക്കുന്നത് ദൗര്ഭാഗ്യകരമായി കരുതപ്പെടുന്നു. മുങ്ങുന്ന ബോട്ടിന്റെ ഏതെങ്കിലും ചിത്രമോ പെയിന്റിംഗോ ഒരിക്കലും വീട്ടില് സൂക്ഷിക്കരുത്. ഇത് കുടുംബാംഗങ്ങള് തമ്മിലുള്ള ബന്ധത്തില് വഷളാക്കുമെന്ന് പറയപ്പെടുന്നു. പഴങ്ങളോ പൂക്കളോ ഇല്ലാതെ മരങ്ങളുടെയോ ചെടികളുടെയോ ചിത്രങ്ങളും തൂക്കിയിടരുത്. നഗ്നത, പോരാട്ട രംഗങ്ങള്, വേട്ടയാടല് രംഗങ്ങള്, കീഴടക്കിയ മൃഗങ്ങള്, സങ്കടം പ്രതിനിധീകരിക്കുന്ന ചിത്രങ്ങള് എന്നിവ വീട്ടില് സൂക്ഷിക്കാതിരിക്കുക. അത്തരം ചിത്രങ്ങള് വലിയ അളവിലുള്ള നിഷേധാത്മകത വഹിക്കുന്നവയാണ്.
രാക്ഷസന്മാരുടെ ചിത്രങ്ങള്
കാട്ടുമൃഗങ്ങള്, രാക്ഷസന്മാര്, കടുവകള്, ചെന്നായ്ക്കള്, കരടികള്, കുറുക്കന് മുതലായ ചിത്രങ്ങളും അസുരന്മാരുടെ തടി അല്ലെങ്കില് ലോഹ രൂപങ്ങള് എന്നിവയും വീട്ടില് ഒരിക്കലും സൂക്ഷിക്കരുത്. അവ നെഗറ്റീവ് എനര്ജിയെ ആകര്ഷിക്കുന്നു.