Click it and Unblock the Notifications
Latest Updates
-
കടുത്ത ചൂടിലും വയറിലെ കൊഴുപ്പ് കുറയ്ക്കാം; വ്യായാമത്തിൽ ഈ മാറ്റങ്ങൾ വരുത്തിയാൽ ഫലം ഉറപ്പ്! -
കാലാവസ്ഥ മാറുന്നു, ചർമ്മവും മുടിയും തകരാതിരിക്കാൻ ഈ 48 മണിക്കൂർ പ്ലാൻ പരീക്ഷിച്ചു നോക്കൂ -
വ്യാഴം കർക്കടകത്തിലേക്ക് മാറുന്നു: കരിയറിലും വിവാഹകാര്യങ്ങളിലും വൻ മാറ്റങ്ങൾ, ഈ ഭാഗ്യകാലം നിങ്ങൾ എങ്ങനെ പ്രയോജനപ്പെടുത്തും? -
മെയ് 30-31: ആകാശത്ത് അപൂർവ്വ ബ്ലൂ മൂൺ; കർമ്മദോഷങ്ങൾ അകറ്റാൻ ഈ രാശിക്കാർക്ക് വൻ ഭാഗ്യം, ചെയ്യേണ്ടത് ഇത്രമാത്രം! -
ശിവയോഗം മാറി സിദ്ധയോഗം: ഈ സമയം കൃത്യമായി ഉപയോഗിച്ചാൽ കരിയറിൽ വൻ കുതിച്ചുചാട്ടം, ഭാഗ്യം ഈ രാശിക്കാർക്ക് മാത്രം -
സാമ്പത്തിക നേട്ടവും പ്രണയസാഫല്യവും: ഇന്ന് ഈ രാശിക്കാർക്ക് ഭാഗ്യത്തിന്റെ ദിനം, നിങ്ങളുടെ രാശിയുണ്ടോ? -
മെയ് 30 നക്ഷത്രഫലം: സാമ്പത്തിക നേട്ടവും കരിയർ മാറ്റങ്ങളും, ഈ നക്ഷത്രക്കാർക്ക് ഇന്ന് രാജയോഗം തെളിയുമോ? -
ഇന്നത്തെ രാശിഫലം: ഈ രാശിക്കാർക്ക് ഇന്ന് ഭാഗ്യദിനം, കരിയറിലും പ്രണയത്തിലും വരാനിരിക്കുന്ന വലിയ മാറ്റങ്ങൾ അറിയാം! -
കഠിനമായ ചൂടിൽ പുറത്തിറങ്ങി വ്യായാമം ചെയ്യരുത്! വയറിലെ കൊഴുപ്പ് കുറയ്ക്കാൻ വീട്ടിലിരുന്ന് ചെയ്യാവുന്ന ഈ എളുപ്പവഴികൾ പരീക്ഷിക്കൂ -
സാമ്പത്തിക നേട്ടത്തിന് വഴിതുറക്കുന്നു; ശിവയോഗവും ശുക്ര പ്രദോഷവും ചേരുന്ന ഈ സമയം നിങ്ങൾക്കറിയാമോ?
അടുക്കളയിലെ ഈ തെറ്റുകള് വേണ്ട; നിര്ഭാഗ്യം പടികടന്നെത്തും
പൂജയ്ക്കോ ആരാധനയ്ക്കോ ഉള്ള മുറി കഴിഞ്ഞാല് ഒരു വീടിന്റെ പവിത്രമായ ഭാഗമാണ് അടുക്കള. എല്ലാ വീടുകളിലും ഒരു പ്രധാന ഭാഗമാണിത്. നിങ്ങളുടെ വീട്ടിലേക്ക് പോസിറ്റീവ് ഊര്ജ്ജം എത്തിക്കുന്നതില് അടുക്കളയുടെ പങ്ക് വളരെ പ്രധാനമാണ്. അടുക്കള നിങ്ങളുടെ കുടുംബത്തിന്റെ ആരോഗ്യം സംരക്ഷിക്കുന്നതിനുള്ള ഒരു സ്ഥലം മാത്രമല്ല, നിങ്ങളുടെ കുടുംബത്തിന്റെ ഭാഗ്യം കൂടി പരിരക്ഷിക്കുന്ന ഇടമാണ്.
വാസ്തുശാസ്ത്രത്തിലാണെങ്കിലും പുരാണ ഗ്രന്ഥങ്ങളിലാണെങ്കിലും വീട്ടിലെ അടുക്കളയുടെ പ്രാധാന്യം പ്രതിപാദിക്കുന്നുണ്ട്. നമ്മുടെ ജീവിതത്തെ അവ എങ്ങനെ മാറ്റുന്നു എന്നതിനെക്കുറിച്ചും പറയുന്നു. അത്തരത്തിലുള്ള വീട്ടിലെ ഒരു പ്രധാന ഇടം വളരെ ശ്രദ്ധയോടെ കൈകാര്യം ചെയ്യേണ്ടതുണ്ട്. അടുക്കളയില് അശ്രദ്ധയോടെ കൈകാര്യം ചെയ്ത് വരുത്തുന്ന ചില തെറ്റുകള് നിങ്ങളുടെ കുടുംബത്തിന് ദൗര്ഭാഗ്യമുണ്ടാക്കും. അതിനാല്, വീട്ടിലെ അടുക്കളയുടെ കാര്യത്തില് നിങ്ങള് ഒരിക്കലും ചെയ്യരുതാത്ത ചില പ്രവൃത്തികള് എന്തൊക്കെയെന്ന് ഈ ലേഖനത്തില് വായിക്കാം.
വാഷ്ബേസിന്
വീട്ടിലെ ഓരോ ക്രമീകരണങ്ങള്ക്കു പിന്നിലും വാസ്തുശാസ്ത്രപരമായി ഓരോ കാരണവുമുണ്ട്. അടുക്കളയിലെ അടുപ്പിനോട് അല്ലെങ്കില് സ്റ്റൗ സ്ഥാപിച്ച സ്ഥലത്തിനടുത്തായി ഒരിക്കലും ഒരു വാഷ്ബേസിന് സ്ഥാപിക്കരുത്. അതുപോലെ അടുക്കളയുടെ ചുവരിനോട് ചേര്ന്ന് ഒരു കക്കൂസോ കുളിമുറിയോ പണിയുന്നതും നല്ലതല്ല.
അലുമിനിയം പാത്രങ്ങള്
ചില ലോഹങ്ങള് നിങ്ങളുടെ ജീവിതത്തില് പ്രധാന പങ്ക് വഹിക്കുന്നു. ഹിന്ദു പൗരാണിക ഗ്രന്ഥങ്ങള് അനുസരിച്ച് അലുമിനിയം പോലുള്ള പ്രത്യേക ലോഹത്തിന്റെ ഉപയോഗം ഒരു വ്യക്തിയുടെ വിധിയെയും ആരോഗ്യത്തെയും പ്രതികൂലമായി ബാധിക്കുന്നു. ഈ പ്രത്യേക ലോഹത്തെ രാഹു ബാധിക്കുന്നതിനാല്, അലുമിനിയം പാത്രങ്ങള് നെഗറ്റീവ് ഊര്ജ്ജം ആകര്ഷിക്കുന്നവ കൂടിയാണ്.
അലുമിനിയം പാത്രത്തില് പാല് സൂക്ഷിക്കരുത്
പാലിന്റെ സ്വഭാവം തണുത്തതാണ്. ഇത് ചന്ദ്രനെ സൂചിപ്പിക്കുന്നു. രാഹുവും ചന്ദ്രനും ഒരേ പ്രവൃത്തികള്ക്ക് അനുയോജ്യമായ ദേവന്മാരല്ല. അതിനാല് ഒരിക്കലും പാല് ഒരു അലുമിനിയം പാത്രത്തില് സൂക്ഷിക്കരുത്.
അലുമിനിയം പാത്രത്തില് അരി വേവിക്കരുത്
ഒരു അലുമിനിയം പാത്രത്തില് അടുക്കളയില് ഒരിക്കലും അരി പാകം ചെയ്യരുത്. കാരണം ഇത് ശുക്രന്റെ ശുഭപ്രഭാവം കുറയ്ക്കുന്നു. അലുമിനിയം പാത്രത്തില് പാകം ചെയ്ത അരി ദീര്ഘനാള് കഴിക്കുന്നതിലൂടെ, ദഹനവുമായി ബന്ധപ്പെട്ട അസുഖങ്ങള് വീട്ടുകാര്ക്ക് കണ്ടേക്കാം. ദമ്പതികളില് ദാമ്പത്യപരമായ പൊരുത്തക്കേടുകള്ക്ക് പോലും ഇത് വഴിവച്ചേക്കാം.
വീടിന്റെ നടുവില് അടുക്കള നിര്മ്മിക്കരുത്
വാസ്തു ശാസ്ത്രമനുസരിച്ച്, നിങ്ങളുടെ വീടിന് നടുവിലൂടെ പ്രവേശിക്കുന്ന തരത്തിലോ വീടിന് മുന്വശത്തായോ അടുക്കള നിര്മിക്കുന്നത് ഉചിതമല്ല. ഇത് എല്ലായ്പ്പോഴും വീടിന്റെ പുറക് വശത്തോ അതിനടുത്തായോ വേണം നിര്മ്മിക്കാന്.
ചുവന്ന പെയിന്റ് ഒഴിവാക്കുക
ഓരോ നിറത്തിനും വാസ്തുപരമായും ജ്യോതിഷപരമായും അതിന്റേതായ പ്രാധാന്യമുണ്ട്. അടുക്കളയ്ക്ക് ഒരിക്കലും ചുവന്ന പെയിന്റ് അടിക്കരുത്. ചുവപ്പ് തീയുടെ ചൈതന്യത്തെ സൂചിപ്പിക്കുന്നു. ഓരോ അടുക്കളയിലും ഇതിനകം തന്നെ സ്ഥിരമായ തീയുടെ ഉറവിടം ഉള്ളതിനാല് ചുവപ്പ് നിറത്തിലൂടെ അഗ്നിയുടെ ഊര്ജ്ജം വര്ദ്ധിപ്പിക്കരുതെന്ന് വാസ്തു നിര്ദ്ദേശിക്കുന്നു. അതുപോലെ കറുത്ത നിറവും ഒരു അടുക്കളയ്ക്ക് അനുയോജ്യമല്ല.
അടുക്കളയ്ക്ക് മുകളില് ടോയ്ലറ്റ് പാടില്ല
അടുക്കളയ്ക്ക് താഴെയോ മുകളിലോ ചുവരിനോട് ചേര്ന്നോകിടപ്പുമുറിയോ ടോയ്ലറ്റോ ഉള്ള ഒരു വീട് എല്ലായ്പ്പോഴും നിര്ഭാഗ്യത്തെ ക്ഷണിച്ചുവരുത്തും. അടുക്കളയ്ക്ക് മുകളിലായി ടോയ്ലറ്റ് നിര്മ്മിച്ചിട്ടുണ്ടെങ്കില്, അത് മലിനമായ എല്ലാ ശക്തികളെയും ആഗിരണം ചെയ്യുകയും പോസിറ്റീവ് ഊര്ജ്ജം നഷ്ടപ്പെടുത്തുകയും ചെയ്യുന്നുവെന്ന് വിശ്വസിക്കപ്പെടുന്നു. അതുപോലെ, അടുക്കളയുടെ അടിയില് ഒരു ടോയ്ലറ്റ് നിര്മ്മിക്കുന്നതും ഉചിതമല്ല.
അടുക്കളയ്ക്ക് മുകളില് കിടപ്പുമുറി പാടില്ല
അതുപോലെ തന്നെ, അടുക്കളയ്ക്ക് മുകളില്, പ്രത്യേകിച്ച് സ്റ്റൗ ഏരിയയ്ക്ക് മുകളിലായി ഒരിക്കലും ഒരു കിടപ്പുമുറി നിര്മ്മിക്കുന്നതും ഉത്തമമല്ല. ഇത് അഗ്നിശക്തിയെ പ്രതിധ്വനിക്കുന്നതിനാല് ദാമ്പത്യബന്ധത്തില് വിള്ളല് വീഴാന് കാരണമാകുമത്രേ.
അടുക്കളയുടെ സ്ഥാനം
അടുക്കള ഒരിക്കലും വടക്ക് അല്ലെങ്കില് വടക്ക് കിഴക്കന് ദിക്കുകളില് ആയിരിക്കരുത്, കാരണം ഇത് ഒരു വ്യക്തിയുടെ കരിയറിനെ പ്രത്യേകിച്ച് സ്ത്രീ അംഗങ്ങളെ ബാധിക്കും. അടുക്കള സ്ഥാപിക്കുന്നതിന് അനുയോജ്യമായ സ്ഥലമാണ് തെക്കുകിഴക്ക് ദിശ. വീടിന്റെ വടക്കുപടിഞ്ഞാറന് കോണും നിങ്ങള്ക്ക് ഉപയോഗിക്കാം. ഗ്യാസ് സ്റ്റൗ തെക്കുകിഴക്ക് ദിശയില് വയ്ക്കണം, കാരണം ഭക്ഷണം ഉണ്ടാക്കുന്നയാള് കിഴക്ക് ദിശ അഭിമുഖീകരിക്കണം.
Continue with Google