അറവ്ശാലയിൽ മുട്ട് കുത്തി കണ്ണീർപൊഴിച്ച് ഗർഭിണിപശു

ചൈനയിലെ അറവുശാലയിൽ

ചൈനയിലെ ഒരു അറവു ശാലയിലാണ് എല്ലാവരേയും കണ്ണീരിലാഴ്ത്തിയ ഈ രംഗം കണ്ടത്. അറവു ശാലയിൽ കൊല്ലാൻ കൊണ്ടു പോയ പശുക്കളിൽ ഒന്നാണ് കശാപ്പുകാരന് മുന്നിൽ ദയക്ക് വേണ്ടി കേണപേക്ഷിച്ചത്. ഇത് ഏവരുടെയും മനസ്സിനെ അലിയിക്കുന്ന ദൃശ്യങ്ങളിൽ ഒന്നാണ് എന്ന കാര്യത്തിൽ സംശയം വേണ്ട. അത് മാത്രമല്ല കശാപ്പ്കാരന് മുന്നിൽ കണ്ണീർ വാർത്ത് മുട്ടു കുത്തി നിന്നാണ് ഈ പശു ഏവരുടേയും ശ്രദ്ധ പിടിച്ച് പറ്റിയത്.

അറവ് ശാലയിലേക്ക് എത്തുന്നതിന് മുൻപ്

അറവ് ശാലയിലേക്ക് എത്തുന്നതിന് മുൻപ് തന്നെ പശു നടക്കാന്‍ വിസമ്മതിക്കുന്നുണ്ടായിരുന്നു. വളരെ പണിപ്പെട്ട് തന്നെയാണ് പശുവിന്‍റെ ഉടമസ്ഥൻ പശുവിനെ വണ്ടിയിൽ കയറ്റാന്‍ തയ്യാറായത്. പശു ഗർഭിണിയായത് കൊണ്ടാണ് ഇത്തരത്തില്‍ ഒരു വിഷമം പശുവിന് കൂടുതൽ ഉണ്ടായത് എന്നാണ് ആളുകൾ പറയുന്നത്. അറവു ശാലയിൽ എത്തിയിട്ടും മുന്നോട്ട് നീങ്ങുന്നതിന് പശു തയ്യാറായിരുന്നില്ല. ജീവിക്കാനുള്ള പശുവിന്‍റെ ആഗ്രഹത്തെയാണ് ഇതിലൂടെ പുറത്തേക്ക് വന്നത് എന്നാണ് സോഷ്യൽ മീഡിയയിൽ വീഡിയോ കണ്ട ഒരു കൂട്ടം ആളുകൾ പറയുന്നത്.

വലിച്ചിഴച്ച് കൊണ്ട് പോയി

പശുവിന്‍റെ നിസ്സഹകരണം കാരണം പശുവിനെ വലിച്ചിഴച്ചാണ് അറുക്കുന്നതിന് വേണ്ടി കൊണ്ട് പോയത്. അപ്പോഴേക്കും പശു കശാപ്പുകാരന്‍റെ മുന്നിൽ മുട്ടു കുത്തി പശു കരയുന്നുണ്ടായിരുന്നു. കശാപ്പു ശാലയിൽ ഉണ്ടായിരുന്ന ജീവനക്കാരനാണ് ഇത്തരത്തിൽ ഒരു വീഡിയോ എടുത്ത് സമൂഹമാധ്യമത്തിൽ ഇട്ടത്. ചൈനീസ് പത്രങ്ങളിൽ ഇത് വലിയ വാർത്ത തന്നെയായി മാറിയിട്ടുണ്ട്.

പിന്നീട് സംഭവിച്ചത്

പിന്നീട് സംഭവിച്ചത് ആരുടേയും മനസ്സിന് സന്തോഷം നൽകുന്ന ദൃശ്യങ്ങൾ തന്നെയാണ്. സമൂഹ മാധ്യമത്തിൽ വൈറലായതോടെ മ‍ൃഗസ്നേഹികൾ എത്തുകയും കശാപ്പു ശാലയിൽ നിന്ന് 2.5 ലക്ഷം (24950 യുവാന്‍) രൂപ നൽകി പശുവിനെ മോചിപ്പിക്കുകയും ചെയ്തു. ഇതിനെത്തുടർന്ന് പശുവിനെ കശാപ്പു ശാലയിൽ നിന്ന് മോചിപ്പിക്കുകയും ചെയ്തു. സോഷ്യൽ മീഡിയയിൽ മില്ല്യൺ ആളുകൾ ആണ് ഈ വീഡിയോ കണ്ടത്.

അവസാനം ഇങ്ങനെ

കശാപ്പുശാലയിൽ നിന്ന് വാങ്ങിയ ഈ പശുവിനെ അടുത്തുള്ള ഒരു ബുദ്ധ ക്ഷേത്രത്തിൽ ഉള്ളവർ ദത്തെടുക്കുകയും 4000 യുവാൻ പശുവിനെ വേണ്ടി അതിന്‍റെ നടത്തിപ്പിനു വേണ്ടി കൊടുക്കുകയും ചെയ്തു. ഇതിന്‍റെ എല്ലാം അർത്ഥം മനുഷ്യനായാലും മൃഗമായാലും ജീവന്‍റെ അവസാനം ഉണ്ടാവുന്ന പിടപ്പിനെയും ഭയത്തേയും പശുവിലൂടെ നമുക്ക് കാണാന്‍ സാധിക്കുന്നുണ്ട് എന്നതാണ്. കശാപ്പു ശാലയിൽ നിന്നാണ് ഈ പശു ജീവിതത്തിലേക്ക് തിരിച്ച് വന്നത് എന്നതും ഒരു അത്ഭുതം തന്നെയാണ്.