ഉള്ളം കൈയ്യിലെ മറുക് ഭാഗ്യമോ നിര്‍ഭാഗ്യമോ?

ജീവിതരേഖയിലെ മറുക്

നിങ്ങളുടെ കൈയ്യില്‍ ജീവിതരേഖയില്‍ എവിടെയെങ്കിലും മറുക് കാണുന്നുണ്ടോ? എന്നാല്‍ ഇതൊരിയ്ക്കലും നല്ലതിനല്ല. ഇത് ഗുരുതര രോഗങ്ങള്‍ വരുന്നതിനും രോഗങ്ങളിലൂടെ തന്നെ നിങ്ങളുടെ ഭാഗ്യം ഇല്ലാതാവുന്നതിനും കാരണമാകുന്നു.

ആയുര്‍രേഖ

ആയുര്‍രേഖയ്ക്കടുത്തായി നിങ്ങള്‍ക്ക് മറുകുണ്ടോ? ഇത് തലവേദന, മൈഗ്രേയ്ന്‍ പോലുള്ള രോഗങ്ങള്‍ക്ക് കാരണമാകും. ഒരിക്കലും ഇത്തരത്തില്‍ മറുകുള്ളവരുടെ തലവേദന മാറുകയില്ല.

ഹൃദയരേഖ

ഹൃദയരേഖ മുറിഞ്ഞ് പോകുന്ന തരത്തിലാണോ നിങ്ങലുടെ മറുക്. എങ്കില്‍ ഇത് അപകടത്തിന്റെ സൂചനയാണ്. ഹൃദയരേഖയ്ക്ക് നടുവിലായി മറുക് കണ്ടാല്‍ അത് പലപ്പോഴും മരണസംബന്ധമായ ഗുരുതര രോഗങ്ങള്‍ക്കുള്ള കാരണമായിരിക്കും.

ഭാഗ്യരേഖ

നിങ്ങളുടെ ഭാഗ്യ രേഖയ്ക്ക് നടുവിലായി

മറുകുണ്ടെങ്കില്‍ ഭാഗ്യം അവിടെ അവസാനിച്ചു എന്നതാണ് സൂചിപ്പിക്കുന്നത്. പ്രായമാകുന്തോറും ചിലര്‍ക്ക് മറുകുകള്‍ തെളിഞ്ഞ് വരും. ഇത്തരത്തില്‍ മറുക് ഉണ്ടെങ്കില്‍ ഇത് നിങ്ങളുടെ ഭാഗ്യ പരീക്ഷണങ്ങള്‍ക്ക് വിലക്ക് തീര്‍ക്കുന്നവയാണ്.

വിവാഹരേഖ

വിവാഹരേഖ വിവാഹം എപ്പോള്‍ നടക്കും എന്നതിന്റെ സൂചനയാണ്. എന്നാല്‍ വിവാഹ രേഖയുടെ ഇടയിലും അല്ലെങ്കില്‍ വിവാഹരേഖയ്ക്കടുത്തായി ഇത്തരത്തില്‍ മറുക് കാണപ്പെടുകയാണെങ്കില്‍ അത് വിവാഹം വിവാഹമോചനത്തിലേക്കും പ്രണയം തകരാനും കാരണമാകും എന്നാണ് കൈരേഖാശാസ്ത്രപ്രകാരം പറയുന്നത്.

തള്ളവിരലിന് താഴെയായി

തള്ള വിരലിന് താഴെയായി മറുകുണ്ടെങ്കില്‍ നിങ്ങള്‍ ധര്‍മ്മം വിട്ട് പ്രവര്‍ത്തിക്കുന്നവനും അസന്‍മാര്‍ഗ്ഗിയും ആയിരിക്കും എന്നാണ് കൈരേഖാശാസ്ത്രം പറയുന്നത്.

ഉള്ളം കൈയ്യില്‍ ഇടതുവശത്ത്

മുഖത്തിനഭിമുഖമായി കൈ പിടിയ്ക്കുമ്പോള്‍ ഉള്ളം കൈയ്യില്‍ ഇടതുവശത്തായി മറുകുണ്ടെങ്കില്‍ വിവാഹം വൈകി നടക്കുകയുള്ളൂ എന്നതിന്റെ സൂചനയാണ്.

മോതിരവിരലിന് താഴെയായി

മോതിരവിരലിന് താഴെയായി നിങ്ങള്‍ക്ക് മറുകുണ്ടോ? മോതിരവിരലിന് താഴെയായി മറുകുണ്ടെങ്കില്‍ അത് നിങ്ങളുെ ബന്ധത്തെയെല്ലാം മോശകരമായി ബാധിയ്ക്കാന്‍ ഇടയുണ്ട്.