മംഗളകര്‍മ്മങ്ങളും പുഷ്പങ്ങളും

ചെണ്ടുമല്ലി

കീടങ്ങളയും മറ്റും അകറ്റി നിര്‍ത്താന്‍ കഴിവുള്ള അരോചകമായ ഗന്ധമുള്ള പുഷ്പമാണ് ചെണ്ടുമല്ലി . ഈ പുഷ്പം കൊണ്ടുള്ള ഹാരങ്ങള്‍ ഹിന്ദു ദൈവങ്ങള്‍ക്ക് അര്‍പ്പിക്കുകയും, മാലകളായി വീടുകള്‍ അലങ്കരിക്കാനും ഉപയോഗിക്കുന്നു.

ചെമ്പരത്തി

ഔഷധഗുണങ്ങളുമുള്ള ചെമ്പരത്തി കാളി ദേവിക്കും, ഗണപതിക്കും അര്‍പ്പിക്കുന്നു. ശത്രുനാശത്തിനും ജീവിതത്തില്‍ അഭിവൃദ്ധി നേടാനും ചെമ്പരത്തി സഹായിക്കും എന്നാണ് വിശ്വാസം.

റോസ്

ഒരു പ്രകൃതിദത്ത ലൈംഗികോത്തേജകമായി പ്രവര്‍ത്തിക്കും എന്നതിനാല്‍ റോസാദളങ്ങള്‍ നവ വധൂവരന്മാരുടെ കിടക്കയില്‍ വിതറാറുണ്ട്. റോസ് മനസിനെ ശാന്തമാക്കുകയും ക്ഷീണവും സമ്മര്‍ദ്ദവും കുറയ്ക്കുകയും ചെയ്യുമെന്ന് പഠനങ്ങള്‍ കാണിക്കുന്നു. വൈകാരികമായ ഉണര്‍ച്ചയ്ക്കും ഇത് സഹായിക്കും എന്ന് തെളിയിക്കപ്പെട്ടിട്ടുണ്ട്.

താമര

ജലത്തില്‍ വിരിയുന്ന ഈ പുഷ്പം വിഷ്ണു, ബ്രഹ്മാവ്, ലക്ഷ്മി, സരസ്വതി എന്നീ ദേവീദേവന്മാര്‍ക്ക് അര്‍ച്ചിക്കുന്നു. ഇത് ദൈവീകമായ സൗന്ദര്യത്തിന്‍റെയും വിശുദ്ധിയുടെയും പ്രതീകമാണ്. വിടരുന്ന താമരദളങ്ങള്‍ ആത്മാവിന്‍റെ വികാസത്തെ പ്രതീകവത്കരിക്കുന്നു. ബുദ്ധിസത്തില്‍ അനാദിയായ വിശുദ്ധിയുടെ രൂപം കൊള്ളലിനെയാണ് താമര പ്രതീകവത്കരിക്കുന്നത്.

മുല്ലപ്പൂ

സുഗന്ധമുള്ള ഈ പുഷ്പം ദേവപൂജയ്ക്കും സ്ത്രീകളുടെ മുടിയില്‍ ചൂടുന്നതിനും ഉപയോഗിക്കുന്നു. ഇതിന്‍റെ നറുമണം ഞരമ്പുകളെ ശാന്തമാക്കുകയും റിലാക്സ് ചെയ്യാന്‍ സഹായിക്കുകയും ചെയ്യുമെന്ന് വിശ്വസിക്കപ്പെടുന്നു. പെര്‍ഫ്യൂം നിര്‍മ്മാണത്തിലും മുല്ലപ്പൂവ് ഉപയോഗിക്കുന്നുണ്ട്.