ശുക്രനും ശനിയും ഒരേ രാശിയില്‍; ഈ 4 രാശിക്കാര്‍ക്ക് പ്രശ്‌നങ്ങള്‍ വിട്ടൊഴിയില്ല

കര്‍ക്കടകം

കര്‍ക്കടകം രാശിയില്‍ നിന്ന് എട്ടാം ഭാവത്തില്‍ ശുക്രന്റെ സംക്രമണം നടക്കും. ഈ സമയത്ത്, കര്‍ക്കടക രാശിയിലുള്ളവര്‍ യാത്ര ചെയ്യുമ്പോള്‍ നിങ്ങള്‍ വളരെ ശ്രദ്ധിക്കണം. യാത്രയ്ക്കിടെ വിലപിടിപ്പുള്ള വസ്തുക്കള്‍ കളവുപോകാതെ ശ്രദ്ധിക്കുക. സര്‍ക്കാര്‍ ജോലിയിലുള്ളവര്‍ നിയമവിരുദ്ധ പ്രവര്‍ത്തനങ്ങളില്‍ ഏര്‍പ്പെടുന്നത് ഒഴിവാക്കുക. നിങ്ങള്‍ ആരില്‍ നിന്നെങ്കിലും വായ്പ എടുത്തിട്ടുണ്ടെങ്കില്‍, ഈ സമയം അത് തിരിച്ചടയ്ക്കാന്‍ സമ്മര്‍ദ്ദമേറും. അതുമൂലം സാമ്പത്തിക സ്ഥിതി വഷളായേക്കാം. ഈ സമയത്ത് ഒരു ബജറ്റ് ആസൂത്രണം ചെയ്തുകൊണ്ട് മുന്നോട്ട് പോകണം.

കന്നി

ശുക്രന്റെ ഈ സംക്രമണ സമയത്ത് കന്നി രാശിക്കാര്‍ കുടുംബജീവിതത്തില്‍ വളരെയധികം ശ്രദ്ധിക്കേണ്ടതുണ്ട്. ഈ സമയത്ത്, പങ്കാളിയുമായി വഴക്കുകള്‍ ഉണ്ടാകാം. നിങ്ങള്‍ ഏതെങ്കിലും കോടതി കേസില്‍ കുടുങ്ങിയിട്ടുണ്ടെങ്കില്‍, ഈ സമയം അത് നിങ്ങള്‍ക്ക് തലവേദന സൃഷ്ടിച്ചേക്കാം. കന്നി രാശിക്കാര്‍ക്ക് ഈ കാലയളവില്‍ നടുവേദന, കാല്‍ വേദന തുടങ്ങിയ പ്രശ്നങ്ങള്‍ ഉണ്ടാകാം. വരുമാനത്തേക്കാള്‍ കൂടുതല്‍ പണം ചെലവഴിക്കുന്നതിനാല്‍ സാമ്പത്തിക രംഗത്ത് പ്രശ്‌നങ്ങള്‍ ഉണ്ടായേക്കാം.

തുലാം

തുലാം രാശിയുടെ അധിപനായ ശുക്രന്‍ നിങ്ങളുടെ അഞ്ചാം ഭാവത്തില്‍ സംക്രമണം നടത്തും. ഈ സംക്രമണം നിങ്ങള്‍ക്ക് സമ്മിശ്രമായിരിക്കും. ഈ സമയത്ത് പ്രണയ ബന്ധങ്ങളില്‍ തീവ്രതയുണ്ടാകും. അമിതമായ ലൈംഗികതയും പ്രണയ ബന്ധത്തിലെ അമിതമായ ആസക്തിയും കാരണം ചില പ്രശ്‌നങ്ങള്‍ നിങ്ങളിലുണ്ടായേക്കാം. തുലാം രാശിയിലെ വിദ്യാര്‍ത്ഥികള്‍ക്ക് ഈ സമയം ഏകാഗ്രതക്കുറവ് കൊണ്ട് ബുദ്ധിമുട്ടേണ്ടി വന്നേക്കാം. വയറുമായി ബന്ധപ്പെട്ട ആരോഗ്യപ്രശ്‌നങ്ങള്‍ ഉണ്ടാകാം. ഈ സമയത്ത് ഗര്‍ഭിണികള്‍ കൂടുതല്‍ ശ്രദ്ധിക്കേണ്ടതുണ്ട്.

മീനം

ശുക്രന്റെ സംക്രമണം നിങ്ങളുടെ രാശിയില്‍ നിന്ന് പന്ത്രണ്ടാം ഭാവത്തില്‍ ആയിരിക്കും. അതിനാല്‍ ഈ സമയം നിങ്ങളുടെ സാമ്പത്തിക വശം ശ്രദ്ധിക്കേണ്ടതുണ്ട്. വാക്കുകള്‍ സൂക്ഷിച്ച് ഉപയോഗിക്കേണ്ടിവരും. ജോലിസ്ഥലത്ത് എതിര്‍ലിംഗത്തില്‍പ്പെട്ടവരോട് സംസാരിക്കുമ്പോള്‍, വളരെ ശ്രദ്ധിക്കണം. തെറ്റായ കൂട്ടുകെട്ടുകളും ആസക്തികളും ഈ കാലയളവില്‍ നിങ്ങള്‍ക്ക് പ്രശ്‌നമായേക്കാം. ഈ സമയത്ത് നിങ്ങള്‍ക്ക് ചില അനാവശ്യ യാത്രകള്‍ ചെയ്യേണ്ടി വന്നേക്കാം. ഈ സമയം നിങ്ങള്‍ ശത്രുക്കളെ കരുതിയിരിക്കണം.

ശുക്രദോഷ പ്രതിവിധികള്‍

* നിങ്ങളുടെ പങ്കാളിയെ ബഹുമാനിക്കുക.

* കൊച്ചു പെണ്‍കുട്ടികള്‍ക്കോ വിധവകളായ സ്ത്രീകള്‍ക്കോ മധുരപലഹാരങ്ങള്‍ നല്‍കുക. നിങ്ങള്‍ നല്ല സ്വഭാവമുള്ളവരായിരിക്കുക.

* ലക്ഷ്മി ദേവിയെ ആരാധിച്ച് ശുക്രന്റെ അനുഗ്രഹം നേടുക. തടസ്സങ്ങള്‍ നീക്കാനും ജീവിതത്തില്‍ വിജയിക്കാനും ശ്രീ സൂക്തം ശ്ലോകം ചൊല്ലുക.

* ശുക്രന്റെ അനുഗ്രഹം ലഭിക്കാന്‍ വെള്ളിയാഴ്ചകളില്‍ വ്രതമെടുക്കുക.

* വെള്ളിയാഴ്ചകളില്‍ ദാനം ചെയ്യുന്നത് ശുക്രന്റെ നല്ല ഫലങ്ങള്‍ നല്‍കും. പായസം, തൈര്, വെള്ളി, അരി, സുഗന്ധദ്രവ്യങ്ങള്‍ എന്നിവ ദാനം ചെയ്യാം.

* ജ്യോതിഷത്തിലെ ഗ്രഹങ്ങള്‍ക്കുള്ള മറ്റൊരു പ്രധാന പ്രതിവിധി മന്ത്രജപമാണ്. ശുക്രബീജ മന്ത്രം ഓം ദ്രാം ദ്രീം ദ്രൗം സഃ ശുക്രായ നമഃ' ദിവസവും 108 തവണ ചൊല്ലുക.

* വെള്ളി ആഭരണങ്ങളും സുഗന്ധദ്രവ്യങ്ങളും ധരിക്കുക.