അടികരിഞ്ഞ അയേണ്‍ ബോക്‌സ്, പരിഹാരം 2മിനിട്ടില്‍

ഉപ്പ്

വെറും ഉപ്പ് ഉപയോഗിച്ച് ഇസ്‌സിരിപ്പെട്ടി കരിഞ്ഞതുണ്ടെങ്കില്‍ അതിനെ മാറ്റാം. ഒരു തുമി വിരിച്ച് അതില്‍ അല്‍പം ഉപ്പ് വിതറി ഇസ്തിരിപ്പെട്ടി അതിനു മുകളില്‍ തേയ്ക്കുക. ഇനിയൊന്ന് നോക്കി നോക്കൂ ഇസ്തിരിപ്പെട്ടിയില്‍ പറ്റിപ്പിടിച്ചിരിയ്ക്കുന്ന കറയെ ഇല്ലാതാക്കാം.

ടൂത്ത് പേസ്റ്റ്

ടൂത്ത് പേസ്റ്റാണ് മറ്റൊന്ന്. ടൂത്ത് പേസ്റ്റ് ഉപയോഗിച്ച് ഇസ്തിരിപ്പെട്ടിയില്‍ പറ്റിപ്പിടിച്ചിരിയ്ക്കുന്ന കറയെ ഇല്ലാതാക്കാം. ഇസ്തിരിപ്പെട്ടി നല്ലതു പോലെ ചൂടാക്കിയ ശേഷം ഒരു പഞ്ഞിയില്‍ അല്‍പം ടൂത്ത് പേസ്റ്റ് എടുത്ത് അതിനു മുകളില്‍ ഉരയ്ക്കാം. നിമിഷ നേരം കൊണ്ട് തന്നെ കറ ഇളകിപ്പോകുന്നത് കാണാം.

ഹൈഡ്രജന്‍ പെറോക്‌സൈഡ്

അല്‍പ ഹൈഡ്രജന്‍ പെറോക്‌സൈഡ് പഞ്ഞിയില്‍ ആക്കി അത് കൊണ്ട് ഇസ്തിരിപ്പെട്ടിയ്ക്കു മുകളില്‍ തേച്ച് പിടിപ്പിക്കാം. ഇത് ഏത് ഇളകാത്ത കറയേയും ഇളക്കും എന്ന കാര്യത്തില്‍ സംശയം വേണ്ട.

മെഴുക്

അടുത്ത ശ്രമമാണ് മെഴുക്. മെഴുക് ഉപയോഗിച്ചും ഇത്തരത്തില്‍ ഇസ്തിരിപ്പെട്ടിയിലെ കറയെ കളയാവുന്നതാണ്. മെഴുകിന്റെ ഒരു കഷ്ണം ഒരു തുണിയില്‍ പൊതിഞ്ഞ് അത് ചൂടായ ഇസ്തിരിപ്പെട്ടിയ്ക്കു മുകളില്‍ തേച്ചാല്‍ മതി. ഇത് ഇസ്തിരിപ്പെട്ടിയില്‍ പറ്റിപ്പിടിച്ചിട്ടുള്ള കറയെ ഇല്ലാതാക്കുന്നു.

വിനാഗിരി

അല്‍പം വിനാഗിരി തുണിയില്‍ ഒഴിച്ച് അതുകൊണ്ട് ഇസ്തിരിപ്പെട്ടിയുടെ പുറംഭാഗം തുടയ്ക്കാം. ഇത് ഇസ്തിരിപ്പെട്ടിയില്‍ ഒട്ടിപ്പിടിച്ചിട്ടുള്ള കറയേയും കരിഞ്ഞ ഭാഗത്തേയും നീക്കി ഇസ്തിരിപ്പെട്ടി വൃത്തിയാക്കുന്നു.

ബേക്കിംഗ് സോഡ

ബേക്കിംഗ് സോഡ കൊണ്ടും ഇത് ക്ലീന്‍ ചെയ്യാവുന്നതാണ്. രണ്ട് ടേബിള്‍ സ്പൂണ്‍ ബേക്കിംഗ് സോഡ പേസ്റ്റ് രൂപത്തിലാക്കി ഇത് ഇസ്തിരിപ്പെട്ടിയുടെ താഴ്ഭാഗത്ത് ഉരസിയാല്‍ മതി. ഇത് ഇസ്തിരിപ്പെട്ടിയിലെ കറ മാറ്റാന്‍ സഹായിക്കുന്നു.

ഡിഷ് വാഷ് ബാര്‍

ഡിഷ് വാഷ് ബാര്‍ ഉപയോഗിച്ചും ഇസ്തിരിപ്പെട്ടിയിലെ കറ മാറ്റാം. അതിനായി ആദ്യം ചെയ്യേണ്ടത് സോപ്പ് വെള്ളത്തില്‍ കലക്കുകയാണ്. ശേഷം അത് ഒരു പഞ്ഞിയില്‍ മുക്കി ഇസ്തിരിപ്പെട്ടിയ്ക്ക് മുകളില്‍ തേയ്ക്കാം. ഇത് വെറും മിനിട്ടുകള്‍ കൊണ്ട് തന്നെ കറ ഇല്ലാതാവാന്‍ സഹായിക്കും.