ലോക പുകയില വിരുദ്ധ ദിനം: യോഗയിലൂടെ മാറ്റാം പുകവലി

യോഗ പോസുകള്‍ ഏതൊക്കെ?

യോഗക്ക് പല രോഗങ്ങളേയും പൂര്‍ണമായും ഇല്ലാതാക്കുന്നതിനും രോഗലക്ഷണങ്ങളെ കുറക്കുന്നതിനും രോഗമേ വരാതിരിക്കുന്നതിനും ഉള്ള കഴിവുണ്ട്. ആരോഗ്യത്തിന്റെ കാര്യത്തില്‍ അതുകൊണ്ട് തന്നെ നാം വളരെയധികം ശ്രദ്ധിക്കേണ്ടതായുണ്ട്. കാരണം യോഗ ചെയ്യുന്നവര്‍ക്ക് ചുരുങ്ങിയ ദിവസങ്ങള്‍ കൊണ്ട് തന്നെ അതിന്റെ മാറ്റം മനസ്സിലാക്കാന്‍ സാധിക്കുന്നു. പുകവലി ഉപേക്ഷിക്കാന്‍ നിങ്ങളെ സഹായിക്കുന്ന ചില എളുപ്പമുള്ള യോഗാസനങ്ങള്‍ ഇതാണ്.

ബാലാസനം

പ്രാണായാമം

യോഗേന്ദ്ര പ്രാണയാമം

സര്‍വ്വാംഗാസനം

മാര്‍ജാരാസനം

ധനുരാസനം എന്നിവയാണ് നിങ്ങള്‍ പുകവലി ഉപേക്ഷിക്കാന്‍ തീരുമാനിക്കുകയാണെങ്കില്‍ ചെയ്യേണ്ടത്.

യോഗ എങ്ങനെ സഹായിക്കുന്നു

യോഗ എങ്ങനെ പുകവലിയെ ഉപേക്ഷിക്കുന്നതിന് സഹായിക്കുന്നു എന്ന് നമുക്ക് നോക്കാവുന്നതാണ്. മാനസികോര്‍ജ്ജം വര്‍ദ്ധിപ്പിക്കുന്നതിനും ടെന്‍ഷനും സ്‌ട്രെസ്സും കുറക്കുന്നതിനും യോഗ ചെയ്യുന്നതിലൂടെ നമുക്ക് സാധിക്കുന്നു. ഇത് നിങ്ങളുടെ ശരീരത്തെ ഉണര്‍ത്തുന്നു. ഒരു വ്യായാമം എന്ന നിലയില്‍ യോഗ നിങ്ങള്‍ക്ക് ശാരീരികവും മാനസികവുമായി പല വിധത്തിലുള്ള ഉന്‍മേഷം നല്‍കുന്നു. പലരും ടെന്‍ഷനും സ്‌ട്രെസ്സും വര്‍ദ്ധിക്കുമ്പോള്‍ കൂടുതലായി സിഗരറ്റില്‍ അഭയം പ്രാപിക്കുന്നു. എന്നാല്‍ യോഗ ചെയ്യുന്നതിലൂടെ ഇതിന് കുറവ് സംഭവിക്കുകയും സിഗരറ്റ് എന്ന വസ്തുവിനെ പാടേ ഉപേക്ഷിക്കാന്‍ നിര്‍ബന്ധിതനാവുകയും ചെയ്യുന്നു.

സമ്മര്‍ദ്ദം കുറക്കുന്നു

നിങ്ങള്‍ യോഗ ചെയ്യാന്‍ ഉറച്ചാല്‍ നിങ്ങള്‍ക്ക് സമ്മര്‍ദ്ദം വളരെയധികം കുറയുന്നുണ്ട്. ഇത് നിങ്ങളില്‍ മാനസികമായ ആരോഗ്യവും ശാരീരികമായ ആരോഗ്യവും വര്‍ദ്ധിപ്പിക്കുന്നതിന് സഹായിക്കുന്നുണ്ട്. മാനസിക പിരിമുറുക്കം നിങ്ങളില്‍ കൂടുതല്‍ വെല്ലുവിളികള്‍ ഉണ്ടാക്കുന്നുണ്ട്. അതുകൊണ്ട് തന്നെ പലരും അതിനുള്ള ഒരു ആശ്രയമായി പുകവലിയെ കണക്കാക്കുന്നു. ഇത്തരം അവസ്ഥകളെ പ്രതിരോധിക്കുന്നതിനും പുകവലിയെന്ന പ്രതിസന്ധിയെ ഇല്ലാതാക്കുന്നതിനും വേണ്ടി നമുക്ക് യോഗ ആരംഭിക്കാവുന്നതാണ്. ഇത് മനസ്സിന് വിശ്രമം നല്‍കുകയും പേശികളുടേയും സന്ധികളുടേയും ആരോഗ്യത്തെ സഹായിക്കുകയും ചെയ്യുന്നു. അതുകൊണ്ട് ഇന്ന് മുതല്‍ തന്നെ യോഗ ചെയ്ത് തുടങ്ങൂ. മാറ്റം നിങ്ങള്‍ക്ക് വെറും ചുരുങ്ങിയ സമയത്തിനുള്ളില്‍ തന്നെ അറിയാം.

സന്തോഷം നല്‍കുന്നു

നിങ്ങള്‍ യോഗ ചെയ്യാന്‍ ആരംഭിച്ചാല്‍ നിങ്ങള്‍ക്ക് ഉടനേ തന്ന അതില്‍ നിന്ന് ലഭിക്കുന്ന മാനസികാരോഗ്യത്തെക്കുറിച്ച് മനസ്സിലാക്കാന്‍ സാധിക്കുന്നുണ്ട്. യോഗ ചെയ്യുന്നതിലൂടെ സന്തോഷം നല്‍കുന്ന ഹോര്‍മോണുകള്‍ വര്‍ദ്ധിപ്പിക്കുകയും നിങ്ങളുടെ മാനസികാരോഗ്യം വര്‍ദ്ധിപ്പിക്കുകയും ചെയ്യുന്നു. മറ്റ് സന്തോഷകരമായ ഹോര്‍മോണുകള്‍ക്കും ന്യൂറോ ട്രാന്‍സ്മിറ്ററുകള്‍ക്കുമൊപ്പം സെറോടോണിന്‍, ഡോപാമൈന്‍ എന്നിവയുടെ ഉത്പാദനം യോഗ ചെയ്യുന്നതിലൂടെ വര്‍ദ്ധിക്കുന്നു. ഇതെല്ലാം നിങ്ങള്‍ക്ക് നല്‍കുന്ന ഗുണങ്ങള്‍ നിസ്സാരമല്ല. പുകവലിയെന്ന പ്രതിസന്ധിയില്‍ നിന്ന് രക്ഷ നേടുന്നതിന് നിങ്ങള്‍ക്ക് എന്തുകൊണ്ടും യോഗ ഉപയോഗപ്രദമാവും എന്ന കാര്യത്തില്‍ സംശയം വേണ്ട.

ശരീരത്തിനുണ്ടാവുന്ന പ്രശ്‌നങ്ങള്‍

പുകവലി ഒരാളുടെ ശരീരത്തിന്റെ അകവും പുറവും നശിപ്പിക്കുന്നു. അതുകൊണ്ട് തന്നെ ഇത്തരം അവസ്ഥകളില്‍ അതിനെ പ്രതിരോധിക്കുന്നതിന് വേണ്ടിയും ശ്രദ്ധ നല്‍കണം. എന്നാല്‍ പുകവലി മാറ്റാന്‍ ഉദ്ദേശിച്ച് യോഗ ചെയ്യാന്‍ ഉറപ്പിച്ചാല്‍ ഉടനേ തന്നെ ഇത്തരം കേടുപാടുകളെ നമുക്ക് പൂര്‍ണമായും ഒഴിവാക്കാം. കാരണം ശരീരത്തിലേക്ക് കൃത്യമായി രക്തയോട്ടവും മറ്റും എത്തുന്നതിലൂടെ ഒരു പരിധി വരെ ഉണ്ടാവുന്ന പ്രശ്‌നങ്ങളെ നമുക്ക് പ്രതിരോധിക്കാന്‍ സാധിക്കുന്നുണ്ട്. എന്നാല്‍ എല്ലാ പ്രശ്‌നത്തിനും യോഗ പ്രതിവിധിയല്ല. പക്ഷേ ആരോഗ്യം നല്‍കുന്ന അവസ്ഥയിലേക്ക് നിങ്ങളെ എത്തിക്കുന്നതിന് യോഗക്ക് സാധിക്കുന്നുണ്ട്. അതുകൊണ്ട് തന്നെ സംശയിച്ച് നില്‍ക്കാതെ ഇന്ന് തന്നെ യോഗയിലേക്ക് ചേരൂ.

പുകവലിയോടൊപ്പം

പലപ്പോഴും പുകവലിയോടൊപ്പം തന്നെ പലരും മറ്റ് പല ശീലങ്ങളും ആരംഭിക്കുന്നുണ്ട്. ഇതില്‍ മദ്യം, ജങ്ക് ഫുഡ് എന്നിവയും ചേരുന്നുണ്ട്. എന്നാല്‍ ഇത്തരം കാര്യങ്ങളെ ഒരിക്കലും പ്രോത്സാഹിപ്പിക്കരുത്. അതുകൊണ്ട് ത്‌ന്നെ ഇവയെല്ലാം ആദ്യം ഉപേക്ഷിക്കണം. എന്നിരുന്നാലും, പുകവലി ഉപേക്ഷിക്കാനുള്ള ഫലപ്രദമായ മാര്‍ഗ്ഗമെന്ന നിലയില്‍ യോഗ നിങ്ങളുടെ മറ്റ് ശീലങ്ങളിലേക്കുള്ള ആസക്തിയെ കുറക്കുന്നതിന് സഹായിക്കുന്നു. മാത്രമല്ല യോഗ ചെയ്യുന്നതിലൂടെ നിങ്ങളെ കാത്ത് യാതൊരു വിധത്തിലുള്ള പാര്‍ശ്വഫലങ്ങളും ഇല്ല എന്നതാണ് സത്യം.

most read:ആര്‍ത്തവ വേദന പാടെ കുറക്കുന്ന ചില യോഗാസനങ്ങള്‍