Click it and Unblock the Notifications
Latest Updates
-
ദസറ അവധി: ഇന്ന് ബാങ്കുകൾക്ക് അവധി; ഡിജിറ്റൽ ഇടപാടുകൾ തടസ്സപ്പെടുമോ? അറിയേണ്ടതെല്ലാം -
വിജയാദശമിയിൽ രാജയോഗം: ആപ്പുകളില്ലാതെ സ്വന്തം ജാതകം പരിശോധിക്കാം, ഈ ലളിത വഴികൾ പരീക്ഷിക്കൂ -
ഡൽഹിയിൽ വായുമലിനീകരണം കൂടുന്നു; യാത്രക്കാർ ചർമ്മവും കണ്ണും സംരക്ഷിക്കാൻ ഈ മുൻകരുതലുകൾ മറക്കരുത് -
വിജയദശമിയിൽ ചൂല് മാറ്റാൻ ഒരുങ്ങുകയാണോ? വാസ്തു പ്രകാരം ഐശ്വര്യത്തിന് ശ്രദ്ധിക്കേണ്ട കാര്യങ്ങൾ ഇതാ -
വിദ്യാരംഭം: കുട്ടികളുടെ പഠനമുറി വാസ്തുപ്രകാരം ഒരുക്കാം; വീട്ടിൽ ഐശ്വര്യം നിറയ്ക്കാൻ ഈ കാര്യങ്ങൾ മറക്കരുത് -
വിജയദശമി രാത്രിയിലെ ഗജകേസരിയോഗം: ഈ രാശിക്കാർക്ക് നേട്ടങ്ങളുടെ സമയമോ? അറിയേണ്ടതെല്ലാം -
തുലാ രാശിയിൽ അപൂർവ്വ ബുധാദിത്യ യോഗം: ഇന്നത്തെ ദിവസം പേപ്പർവർക്കുകൾക്കും ബുക്കിംഗുകൾക്കും എന്ത് പ്രത്യേകത? -
രാവണ ദഹനം: പുകയേറ്റ് കണ്ണും ചർമ്മവും തകരാതിരിക്കാൻ ഈ മുൻകരുതലുകൾ മറക്കരുത് -
കേരളത്തിൽ കനത്ത മഴ: 7 ജില്ലകളിൽ യെല്ലോ അലർട്ട്, യാത്രക്കാർക്ക് ജാഗ്രതാ നിർദേശം -
ദീപിക കക്കറിന്റെ ഭാരക്കുറവ് ഡയറ്റിംഗല്ല! ഇമ്മ്യൂണോതെറാപ്പിയുടെ പാർശ്വഫലം; ആരാധകർക്ക് മുന്നറിയിപ്പുമായി ഷൊഐബ്
നിങ്ങളെ അറിയാതെ രോഗിയാക്കും സ്ട്രെസ്സ്; ആരോഗ്യവും മനസ്സും കൈവിടും
സ്‌ട്രെസ് എന്നത് നമ്മളില്‍ ഭൂരിഭാഗം പേരും ദിവസവും കൈകാര്യം ചെയ്യുന്ന ഒന്നാണ്. ഏതു ചെറിയ കാര്യങ്ങളിലും സമ്മര്‍ദ്ദം ചെലുത്തുന്നത് പലരുടേയും ശീലമാണ്. എന്നാല്‍ നിങ്ങളുടെ സ്‌ട്രെസ് ലെവലുകള്‍ അതിരുകടന്നാല്‍ നിങ്ങളുടെ ആരോഗ്യവും അപകടത്തിലാകുമെന്ന് തിരിച്ചറിയുക. ശരിയാണ്! നിങ്ങള്‍ തിരിച്ചറിഞ്ഞില്ലെങ്കില്‍ കൂടി, സ്‌ട്രെസ് ലക്ഷണങ്ങള്‍ നിങ്ങളുടെ ആരോഗ്യത്തെ ബാധിച്ചേക്കാം.
സമ്മര്‍ദ്ദ ലക്ഷണങ്ങള്‍ നിങ്ങളുടെ ശരീരത്തെയും നിങ്ങളുടെ ചിന്തകളെയും വികാരങ്ങളെയും നിങ്ങളുടെ പെരുമാറ്റത്തെയും ബാധിക്കും. സാധാരണ സ്‌ട്രെസ് ലക്ഷണങ്ങള്‍ തിരിച്ചറിയാന്‍ കഴിയുന്നത് അവ കൈകാര്യം ചെയ്യാന്‍ നിങ്ങളെ സഹായിക്കും. അനിയന്ത്രിതമായുള്ള സമ്മര്‍ദ്ദം ഉയര്‍ന്ന രക്തസമ്മര്‍ദ്ദം, ഹൃദ്രോഗം, പൊണ്ണത്തടി, പ്രമേഹം തുടങ്ങിയ പല ആരോഗ്യപ്രശ്‌നങ്ങള്‍ക്കും കാരണമാകും. സ്ട്രെസ്സ് കാരണം നിങ്ങള്‍ക്ക് വരാന്‍ സാധ്യതയുള്ള രോഗങ്ങളുടെ ഒരു ലിസ്റ്റ് ഇതാ.
ഹൃദ്രോഗം
ഉയര്‍ന്ന രക്തസമ്മര്‍ദ്ദത്തിനും ഹൃദയസംബന്ധമായ പ്രശ്‌നങ്ങള്‍ക്കും സ്ട്രെസ്സ് കാരണമാകുമെന്ന് ഗവേഷകര്‍ പറയുന്നു. സമ്മര്‍ദ്ദം നേരിട്ട് ഹൃദയമിടിപ്പും രക്തപ്രവാഹവും വര്‍ദ്ധിപ്പിക്കുകയും കൊളസ്‌ട്രോള്‍, ട്രൈഗ്ലിസറൈഡുകള്‍ എന്നിവ രക്തപ്രവാഹത്തിലേക്ക് വിടുന്നതിന് കാരണമാകുകയും ചെയ്യും.
ആസ്ത്മ
സമ്മര്‍ദ്ദം ആസ്ത്മയെ വഷളാക്കുമെന്ന് പല പഠനങ്ങളും തെളിയിച്ചിട്ടുണ്ട്. മാതാപിതാക്കളുടെ വിട്ടുമാറാത്ത സമ്മര്‍ദ്ദം അവരുടെ കുട്ടികളില്‍ ആസ്ത്മ വികസിപ്പിക്കാനുള്ള സാധ്യത വര്‍ദ്ധിപ്പിക്കുമെന്ന് ചില തെളിവുകള്‍ സൂചിപ്പിക്കുന്നു. അന്തരീക്ഷ മലിനീകരണത്തിന് വിധേയരായ അല്ലെങ്കില്‍ ഗര്‍ഭകാലത്ത് അമ്മമാര്‍ പുകവലിച്ചാല്‍ ഗര്‍ഭസ്ഥശിശുവിന് ആസ്തമ വരാന്‍ സാധ്യത കൂടുതലാണ്.
അമിതവണ്ണം
വയറിലെ അധിക കൊഴുപ്പ് കാലുകളിലോ ഇടുപ്പുകളിലോ ഉള്ള കൊഴുപ്പിനേക്കാള്‍ വലിയ ആരോഗ്യ അപകടങ്ങള്‍ ഉണ്ടാക്കുന്നു. നിര്‍ഭാഗ്യവശാല്‍, ഉയര്‍ന്ന സമ്മര്‍ദമുള്ള ആളുകളില്‍ വയറില്‍ അധിക കൊഴുപ്പ് വരന്‍ കാരണമാകുന്നു.
വിഷാദവും ഉത്കണ്ഠയും
വിട്ടുമാറാത്ത സമ്മര്‍ദ്ദം എന്നത് വിഷാദത്തിന്റെയും ഉത്കണ്ഠയുടെയും അനന്തര ഫലമാണെന്നതില്‍ അതിശയിക്കാനില്ല. അടുത്തിടെ നടത്തിയ ഒരു സര്‍വേയില്‍, ജോലിയുമായി ബന്ധപ്പെട്ട സമ്മര്‍ദ്ദമുള്ള ആളുകള്‍ക്ക് വിഷാദരോഗം വരാനുള്ള സാധ്യത 80% കൂടുതലാണെന്ന് കണ്ടെത്തിയിട്ടുണ്ട്.
അല്ഷിമേഴ്സ്
സ്‌ട്രെസ് നിങ്ങളില്‍ അല്ഷിമേഴ്സ് രോഗത്തെ വഷളാക്കുമെന്നും, മസ്തിഷ്‌ക ക്ഷതങ്ങള്‍ വേഗത്തില്‍ രൂപപ്പെടാന്‍ ഇടയാക്കുമെന്നും പഠനം പറയുന്നു. അതിനാല്‍ അല്‍ഷിമേഴ്‌സില്‍ നിന്ന് രക്ഷ നേടാന്‍ നിങ്ങളുടെ സമ്മര്‍ദ്ദം കുറയ്ക്കുക.
പ്രമേഹം
സമ്മര്‍ദ്ദം രണ്ട് തരത്തില്‍ പ്രമേഹത്തെ വഷളാക്കും. ഒന്നാമതായി, അനാരോഗ്യകരമായ ഭക്ഷണവും അമിതമായ മദ്യപാനവും പോലുള്ള മോശം ശീലങ്ങളുടെ സാധ്യത വര്‍ദ്ധിപ്പിക്കുന്നു. രണ്ടാമതായി, സമ്മര്‍ദ്ദം ടൈപ്പ് 2 പ്രമേഹമുള്ള ആളുകളുടെ ഗ്ലൂക്കോസിന്റെ അളവ് നേരിട്ട് ഉയര്‍ത്തുന്നതായി കണ്ടെത്തിയിട്ടുണ്ട്.
ദഹനനാളത്തിന്റെ പ്രശ്‌നങ്ങള്‍
സമ്മര്‍ദ്ദം അള്‍സറിന് കാരണമാകില്ലെങ്കിലും അത് വരാനുള്ള സാധ്യത ഉയര്‍ത്തും. വിട്ടുമാറാത്ത നെഞ്ചെരിച്ചില്‍ പോലുള്ള മറ്റ് പല ദഹനസംബന്ധമായ അവസ്ഥകളിലും സമ്മര്‍ദ്ദം ഒരു സാധാരണ ഘടകമാണ്. ഉറക്കപ്രശ്‌നങ്ങള്‍, തലവേദന, നെഞ്ചുവേദന, ക്ഷീണം എന്നിവയും സ്ട്രെസ്സ് അധികമായാല്‍ വരാവുന്ന അവസ്ഥകളാണ്.
മനോനിലയില്‍ മാറ്റങ്ങള്‍
ഉത്കണ്ഠ, ശ്രദ്ധക്കുറവ്, പ്രചോദനത്തിന്റെ അഭാവം, അമിതമായ ദേഷ്യം, സങ്കടം, ഡിപ്രഷന്‍ എന്നിവ സ്ട്രെസ്സ് കാരണം നിങ്ങളുടെ മനോനിലയില്‍ ഉണ്ടാകുന്ന മാറ്റങ്ങളാണ്.
സ്ട്രെസ്സ് നിയന്ത്രിക്കാന്‍
നിങ്ങള്‍ക്ക് സ്‌ട്രെസ് ലക്ഷണങ്ങള്‍ ഉണ്ടെങ്കില്‍, അത് നിയന്ത്രിക്കാനുള്ള നടപടികള്‍ സ്വീകരിക്കുക. ഇനിപ്പറയുന്നതുപോലുള്ള സ്‌ട്രെസ് മാനേജ്‌മെന്റ് തന്ത്രങ്ങള്‍ ശീലിക്കുക.
* പതിവായ വ്യായാമം
* ആഴത്തിലുള്ള ശ്വാസോച്ഛ്വാസം, ധ്യാനം, യോഗ, തായ് ചി അല്ലെങ്കില്‍ മസാജ് പോലുള്ള വിശ്രമ വിദ്യകള്‍ പരിശീലിക്കുക
* നര്‍മ്മബോധം നിലനിര്‍ത്തുക
* കുടുംബാംഗങ്ങളുമായും സുഹൃത്തുക്കളുമായും സമയം ചെലവഴിക്കുക
* പുസ്തകം വായിക്കുകയോ സംഗീതം കേള്‍ക്കുകയോ പോലുള്ള ഹോബികള്‍ക്കായി സമയം നീക്കിവയ്ക്കുക
* നിങ്ങളുടെ സമ്മര്‍ദ്ദം നിയന്ത്രിക്കാന്‍ സജീവമായ വഴികള്‍ കണ്ടെത്തുക. ടി.വി കാണല്‍, ഇന്റര്‍നെറ്റ് സര്‍ഫിംഗ് അല്ലെങ്കില്‍ വീഡിയോ ഗെയിമുകള്‍ കളിക്കുന്നത് പോലെയുള്ള സമ്മര്‍ദ്ദം നിയന്ത്രിക്കാനുള്ള വഴികള്‍ ശീലിക്കുക.
* ധാരാളം ഉറങ്ങുകയും ആരോഗ്യകരമായ സമീകൃതാഹാരം കഴിക്കുകയും ചെയ്യുക.
* പുകയില, അമിതമായ കഫീന്‍, മദ്യം, നിയമവിരുദ്ധ വസ്തുക്കളുടെ ഉപയോഗം എന്നിവ ഒഴിവാക്കുക.
Continue with Google
