ഒരു പിടി പുളിയില വെള്ളത്തില്‍ പ്രമേഹം ഒതുങ്ങും

മലേറിയ

മലേറിയയ്ക്കുള്ള നല്ലൊരു പ്രതിവിധിയാണ് പുളിയില. ഇതിന്റെ നീരു കുടിയ്ക്കുന്നത് പ്രമേഹത്തിനുളള പരിഹാരമാണെന്നു തെളിഞ്ഞിട്ടുണ്ട്. മലേറിയയ്ക്കുള്ള കാരണമാകുന്ന പ്ലാസമോഡിയും ഫാല്‍സിപാരം കൊതുകുകളിലൂടെ പടരുന്നത് ഇതു തടയുന്നു.

പ്രമേഹത്തിനുള്ള നല്ലൊന്നാന്തരം മരുന്നാണ്

പ്രമേഹത്തിനുള്ള നല്ലൊന്നാന്തരം മരുന്നാണ് പുളിയില. ഇതിലെ ടാനിന്‍ എന്ന ഘടകമാണ് ഈ ഗുണം നല്‍കുന്നത്. ഇതിട്ടു തിളപ്പിച്ച് വെള്ളം കുടിയ്ക്കുന്നതു ഗുണം നല്‍കും. ഒരു പിടി പുളിയില അല്‍പം വെള്ളത്തില്‍ ഇട്ടു കുറഞ്ഞ തീയില്‍ നല്ലപോലെ തിളപ്പിച്ച് വാങ്ങി ഇതു കുടിയ്ക്കാം. ഇതല്ലെങ്കില്‍ തലേന്നു രാത്രിയില്‍ ഒരു പിടി പുളിയില നല്ലപോലെ കഴുകി വൃത്തിയാക്കി വെള്ളത്തില്‍ ഇട്ടു വച്ച് രാവിലെ വെറും വയറ്റില്‍ കുടിയ്ക്കാം.

വൈറ്റമിന്‍ സി സ

വൈറ്റമിന്‍ സി സമ്പുഷ്ടമാണ്. പുളിയില. ഇതിലെ ആസ്‌കോര്‍ബിക് ആസിഡാണ് ഈ ഗുണം നല്‍കുന്നത്. ഇത് സ്‌കര്‍വി പോലെയുള്ള രോഗങ്ങള്‍ക്കുള്ള പരിഹാരമാണ്. വൈറ്റമിന്‍ അടങ്ങിയിരിയ്ക്കുന്നതു കൊണ്ടു തന്നെ ശരീരത്തിനു രോഗപ്രതിരോധ ശേഷി നല്‍കാനും ഇത് ഏറെ ഉത്തമമാണ്.

മുറിവുകള്‍ക്കുളള നല്ലൊരു പ്രതിവിധി

ശരീരത്തിലെ മുറിവുകള്‍ക്കുളള നല്ലൊരു പ്രതിവിധിയാണിത്. പുളിയിലയുടെ നീരെടുത്തു മുറിവുകളില്‍ പുരട്ടിയാല്‍ മുറിവു പെട്ടെന്നുണങ്ങും. ഇതിന് ആന്റിസെപ്റ്റിക് ഗുണങ്ങള്‍ ഉള്ളതാണ് കാരണം. ഇത് മറ്റ് അണുബാധകള്‍ തടയുവാനും നല്ലതാണ്.

വയറും തടിയും

ദിവസവും ഇതിട്ടു തിളപ്പിച്ച വെള്ളം കുടിയ്ക്കുന്നത് വയറും തടിയും കുറയ്ക്കാന്‍ ഏറെ നല്ലതാണ്. ഇതിലെ ടാനിന്‍ എന്ന ഘടകം ഇതിനു സഹായിക്കുന്നു.

തൊണ്ടവേദന

തൊണ്ടവേദനയ്ക്കും ചുമയ്ക്കുമെല്ലാം ഇതു പരിഹാരമാണ്.

അല്‍പം തുളയിയിലയും പുളിയിലയും നാലു കപ്പു വെള്ളത്തില്‍ തിളപ്പിയ്ക്കുക. ഇത് ഒരു കപ്പാകുന്നതു വരെ തിളപ്പിയ്ക്കണം.ഇത് ഇളംചൂടോടെ കുടിയ്ക്കുന്നത് തൊണ്ടവേദനയ്ക്കും ചുമയ്ക്കുമെല്ലാം ശമനം നല്‍കും. പെരുഞ്ചീരകം, പുളിയില എന്നിവയിട്ടു തിളപ്പിച്ച വെള്ളം കുടിയ്ക്കുന്നത് പനിയ്ക്കുള്ള നല്ലൊരു മരുന്നാണ്.

ലിവര്‍

ലിവര്‍ ആരോഗ്യത്തിന് ഏറെ ഉത്തമമാണ് പുളിയിലയിട്ടു തിളപ്പിച്ച വെള്ളം. . ഇത് ലിവര്‍ ടോക്‌സിനുകള്‍ നീക്കം ചെയ്യാന്‍ സഹായിക്കും.ലിവറില്‍ ടോക്‌സിനുകള്‍ അടിഞ്ഞു കൂടുന്നത് കരള്‍ ആരോഗ്യത്തെ മാത്രമല്ല, ശരീരത്തിന്റെ മുഴുവന്‍ ആരോഗ്യത്തേയും കേടു വരുത്തും.

മാസമുറ സമയത്തെ വേദന

മാസമുറ സമയത്തെ വേദനയ്ക്കുള്ള നല്ലൊരു പരിഹാരം കൂടിയാണിത്. ഇതിന്റെ ഇലകളും പുളിയുടെ തോലും ഇട്ടുള്ള വെള്ളം തിളപ്പിച്ചു കുടിയ്ക്കുന്നത് ഏറെ ഗുണം നല്‍കുന്ന ഒന്നാണ്. ഇത് നല്ലൊരു അനാള്‍ജിക് ഗുണം നല്‍കുന്ന ഒന്നാണ്. ഇതിനൊപ്പം അല്‍പം പപ്പായ ഇല, ഉപ്പ് എന്നിവ കൂടിയിട്ടു തിളപ്പിയ്ക്കുന്നത് ഏറെ നല്ലതാണ്. മാസമുറ സമയത്തെ വേദന മാറാന്‍ ഗുളികകള്‍ക്കു പകരം ഉപയോഗിയ്ക്കാവുന്ന ഒന്നാണിത്.

നല്ലൊരു ആന്റിഓക്‌സിഡന്റ്

നല്ലൊരു ആന്റിഓക്‌സിഡന്റ് ഗുണം നല്‍കുന്ന ഒന്നാണ് പുളിയിയ. ഇതിട്ടു തിളപ്പിച്ച വെള്ളവും ഇതിന്റെ നീരുമെല്ലാം ഫ്രീ റാഡിക്കല്‍ നാശത്തിനു കാരണമാകുന്നു. ഇതുവഴി ക്യാന്‍സര്‍ പോലുള്ള രോഗങ്ങള്‍ തടയാനും ചര്‍മത്തിനു പ്രായം തോന്നുന്നതു തടയാനും സഹായകമാകും.

ബിപി

ബിപിയ്ക്കുളള നല്ലൊരു മരുന്നാണിത്. ഇതു വഴി ഹൃദയാരോഗ്യത്തിനും സ്‌ട്രോക്ക് പോലുള്ള അവസ്ഥകള്‍ തടയാനും സഹായിക്കുന്ന ഒന്നു കൂടിയാണിത്.