ചിരട്ട വെന്ത വെള്ളം മാറ്റാത്ത പ്രമേഹമില്ല

ചിരട്ടയിട്ടു തിളപ്പിച്ച വെള്ളം

ചിരട്ടയിട്ടു തിളപ്പിച്ച വെള്ളം ദിവസവും കുടിയ്ക്കുന്നത് പ്രമേഹത്തിനുള്ള നല്ലൊരു പ്രതിവിധിയാണ്. ഇത് ദിവസവും ശീലമാക്കുന്നത് ഏറെ നല്ലതാണ്.

വാഴ

വാഴയുടെ പല ഭാഗങ്ങളും പ്രമേഹത്തിന് ഏറെ ഗുണം നല്‍കുന്ന ഒന്നാണ്. ഇതില്‍ പ്രധാനമാണ് വാഴപ്പിണ്ടി നീര്. ഇതില്‍ അല്‍പം മഞ്ഞള്‍പ്പൊടി, തേന്‍ എന്നിവ കലര്‍ത്തി കുടിയ്ക്കുന്നതു ഗുണം ചെയ്യും. വാഴപ്പിണ്ടി വേവിച്ചു കഴിയ്ക്കാം. വാഴക്കൂമ്പും ഭക്ഷണത്തില്‍ ഉള്‍പ്പെടുത്തുക.

മുരിങ്ങയിലയുടെ ജ്യൂസും ഇഞ്ചിനീരും

മുരിങ്ങയില പ്രമേഹത്തിനുള്ള നല്ലൊരു പ്രതിവിധിയാണ്. ഇതും ഇഞ്ചിയും ചേര്‍ത്തു വേവിച്ചു കഴിയ്ക്കുന്നത് പ്രമേഹത്തിനുള്ള നല്ലൊരു പ്രതിവിധിയാണ്. മുരിങ്ങയിലയുടെ ജ്യൂസും ഇഞ്ചിനീരും ചേര്‍ത്തു കുടിയ്ക്കാം. ഇതും ഗുണം നല്‍കും.

മഞ്ഞള്‍

മഞ്ഞള്‍ പ്രമേഹത്തിനുള്ള നല്ലൊരു പരിഹാരമാണ്. ഇത് രക്തത്തിലെ ഗ്ലൂക്കോസ് തോതു കുറയ്ക്കും. മഞ്ഞള്‍പ്പൊടി വെണ്ണയില്‍ ചേര്‍ത്തു കഴിയ്ക്കുന്നതു നല്ലതാണ്.

പാവയ്ക്ക

പൊതുവേ പ്രമേഹത്തിന് ഉപകാര പ്രദമാണ് പാവയ്ക്ക. ഇതിന്റെ നീരും പാവയ്ക്കയുമെല്ലാം ഏറെ ഗുണകരമാണ്. കയ്പു സ്വാദുള്ള ഭക്ഷണ വസ്തുക്കള്‍ പ്രമേഹത്തിന് പരിഹാരമാണ്. പച്ച പാവയ്ക്ക ചെറുതായി അരിഞ്ഞി തൈരില്‍ ഇട്ടു ലേശം മഞ്ഞള്‍പ്പൊടി, ഉപ്പ് എന്നിവ ചേര്‍ത്തു കഴിയ്ക്കുന്നത് ഏറെ നല്ലതാണ്.

ബ്രഹ്മി

ചില തരം പ്രകൃതി സസ്യങ്ങള്‍ പ്രമേഹത്തിനുള്ള ഏറ്റവും നല്ല പരിഹാരമാണ്. ഇതിലൊന്നാണ് ചെറൂള. ഇത് അരച്ചു മോരില്‍ കലക്കി കഴിയ്ക്കാം. ബ്രഹ്മി അരച്ചു പാലില്‍ ചേര്‍ത്തു കഴിയ്ക്കാം. ഇതെല്ലാം പ്രമേഹത്തിനുള്ള സസ്യ ഔഷധങ്ങളാണ്.

കൂവളത്തിന്റെ ഇല

ചിറ്റമൃത് എന്ന സസ്യം ഇടിച്ചു പിഴിഞ്ഞ് നീരെടുത്ത് ഇതില്‍ തേന്‍ ചേര്‍ത്തു കഴിയ്ക്കുന്നത്, തൊട്ടാവാടി സമൂലം പറിച്ചു നീരെടുത്തു ദിവസവും കുടിയ്ക്കുന്നത്, കൂവളത്തിന്റെ ഇല ഇടിച്ചു പിഴിഞ്ഞു നീരെടുത്ത് ഇത് തേന്‍ ചേര്‍ത്തു കഴിയ്ക്കുന്നത് എല്ലാം പ്രമേഹത്തിനുള്ള ഒറ്റമൂലി മരുന്നുകളാണ്.

കോവലിന്റെ ഇല, പച്ചമഞ്ഞള്‍, എള്ള്

കോവയ്ക്കയുണ്ടാകുന്ന കോവലിന്റെ ഇല, പച്ചമഞ്ഞള്‍, എള്ള് എന്നിവ ചേര്‍ത്ത് അരച്ച് പ്രമേഹം കാരണമുണ്ടാകുന്ന വ്രണങ്ങളിലും മുറിവുകളിലും പുരട്ടുന്നത് ഈ പ്രശ്‌നത്തിനുള്ള നല്ലൊരു പരിഹാരമാണ്.

നെല്ലിക്കയുടെ നീരില്‍

നെല്ലിക്കയുടെ നീരില്‍ മഞ്ഞള്‍പ്പൊടിയും തേനും ചേര്‍ത്തു കഴിയ്ക്കുന്നത്, പച്ചനെല്ലിക്കയും മഞ്ഞളും ചേര്‍ത്തരച്ചു കഴിയ്ക്കുന്നത്, നെല്ലിക്കയിട്ടു തിളപ്പിച്ച വെള്ളത്തില്‍ മഞ്ഞള്‍ ചേര്‍ത്തു കഴിയ്ക്കുന്നത് എല്ലാം തന്നെ ഏറെ നല്ലതാണ്.

നല്ല ശുദ്ധമായ ചന്ദനം

നല്ല ശുദ്ധമായ ചന്ദനം അരച്ചത് നെല്ലിക്കാ നീരില്‍ കലര്‍ത്തി രാവിലെ വെറുംവയറ്റില്‍ കഴിയ്ക്കുന്നതും പ്രമേഹത്തിനുള്ള നല്ലൊരു പ്രതിവിധിയാണെന്നു വേണം, പറയാന്‍.

ഉണക്കിപ്പൊടിച്ചു വച്ച്

ഞാവല്‍പ്പഴത്തിന്റെ കുരു ഉണക്കിപ്പൊടിച്ചു വച്ച് ഇതു രാവിലേയും വൈകീട്ടും അഞ്ചു ഗ്രാം വെള്ളത്തില്‍ കലക്കി കുടിയ്ക്കുന്നതും ഗുണം നല്‍കും.

പോംഗ്രനേറ്റ്

പോംഗ്രനേറ്റ് അഥവാ മാതളനാരകവും ഇതിനുളള നല്ലൊരു പരിഹാരമാണ്. ഇതിന്റെ കുരു അരച്ചു മോരില്‍ കലക്കി കുടിയ്ക്കുന്നതും ഏറെ നല്ലതാണ്.

പച്ച നേന്ത്രക്കായ

നല്ലപോലെ പഴുത്ത നേന്ത്രപ്പഴം പ്രമേഹ രോഗികള്‍ക്കു നല്ലതല്ലെങ്കിലും അധികം പഴുക്കാത്തത് ഏറെ നല്ലതാണ്. ഇതുപോലെ പച്ച നേന്ത്രക്കായ വേവിച്ചു കഴിയ്ക്കുന്നതും ഗുണം നല്‍കും. ഇതു ചുട്ടോ കറി വച്ചോ തോരനാക്കിയോ കഴിയ്ക്കാം. ഇതിട്ടു തിളപ്പിച്ച വെള്ളം കുടിയ്ക്കാം.

ആര്യവേപ്പിലയും കറിവേപ്പിലയുമെല്ലാം

ആര്യവേപ്പിലയും കറിവേപ്പിലയുമെല്ലാം പൊതുവേ പ്രമേഹ നിയന്ത്രണത്തിന് സഹായിക്കുന്നവയാണ്. ആര്യവേപ്പില, കറിവേപ്പില എന്നിവ തുല്യമായി എടുത്ത് അരയ്ക്കുക. ഇത് ഒരു ടേബിള്‍ സ്പൂണ്‍ 1 ടേബിള്‍ സ്പൂണ്‍ മോരില്‍ കലക്കി ദിവസവും വെറുംവയറ്റില്‍ കഴിയ്ക്കാം. പ്രമേഹത്തിന് ഉത്തമ പരിഹാരമാണിത്.