ദിവസം അരക്കിലോ കുറയ്ക്കും നാരങ്ങാപ്പാനീയം

| Published: Wednesday, February 28, 2018, 19:36 [IST]

നാരങ്ങ വലിപ്പത്തില്‍ കുഞ്ഞനാണെങ്കിലും ആരോഗ്യഗുണങ്ങള്‍ ഏറെ ഒത്തിണങ്ങിയ ഒന്നാണ്. ആന്റിഓകസിഡന്റുകളുടേയും വൈറ്റമിന്‍ സിയുടേയും പ്രധാന കലവറ.

നാരങ്ങ ആരോഗ്യത്തിനു മാത്രമല്ല, ചര്‍മ, മുടിസംരക്ഷണത്തിനും ഏറെ നല്ലതാണ്. ചര്‍മത്തിനു നിറം വര്‍ദ്ധിയ്ക്കാനും മുഖത്തെ മുഖക്കുരു മാറാനുമെല്ലാമുള്ള ഏറ്റവും നല്ല വഴിയാണിത്. മുടിയുടെ ആരോഗ്യത്തിനും നാരങ്ങ ഏറെ നല്ലതു തന്നെയാണ്. മുടിയിലെ താരന്‍ പോലുള്ള പ്രശ്‌നങ്ങള്‍ ഒഴിവാക്കാന്‍ ഏറെ നല്ലതാണിത്.

ചെറുനാരങ്ങ ശരീരത്തിന്റെ തടി കുറയ്ക്കാന്‍ ഏറ്റവും അനുയോജ്യമായ ഒന്നാണ്. അതിലെ വൈറ്റമിന്‍ സി, സിട്രസ് ആസിഡ് എ്ന്നിവയാണ് ഇതിനു സഹായിക്കുന്നത്. ശരീരത്തിലെ ടോക്‌സിനുകളും കൊഴുപ്പും പുറന്തള്ളിയും ദഹനപ്രക്രിയ ശക്തിപ്പെടുത്തിയുമാണ് ഇതു നടക്കുന്നത്.

നാരങ്ങ ഒരു പ്രത്യേക രീതിയില്‍ ഉപയോഗിച്ചാല്‍ ദിവസവും അരക്കിലോ വരെ കുറയ്ക്കാന്‍ സാധിയ്ക്കും. ഇതെക്കുറിച്ചു കൂടുതലറിയൂ,

നാരങ്ങ

എട്ടു കപ്പു വെള്ളം, 6 നാരങ്ങയുടെ നീര്, അരക്കപ്പ് തേന്‍, 10 പുതിനയില എന്നിവയാണ് ഇതുണ്ടാക്കാന്‍ വേണ്ടത്.

തേനും

തേനും ശരീരത്തിന് ഏറെ ആരോഗ്യഗുണങ്ങള്‍ നല്‍ുന്ന ഒന്നാണ്. ആന്റിഓക്‌സിഡന്റുകളുടെ കലവറയായ ഇത് ശരീരത്തിന്റെ അപചയപ്രക്രിയ ശക്തിപ്പെടുത്തി തടി കുറയ്ക്കാന്‍ നല്ലതാണ്.

പുതിനയില

പുതിനയിലയും ആരോഗ്യത്തിനും തടി കുറയ്ക്കാനും ഏറെ ഉത്തമമാണ്. ഇത് ധാരാളം നാരുകള്‍ അടങ്ങിയതായതുകൊണ്ടുതന്നെ ശരീരത്തിലെ കൊഴുപ്പു നീക്കാന്‍ സഹായിക്കും.

വെള്ളം

വെള്ളം തിളപ്പിയ്ക്കുക. ഇതു വാങ്ങി ഇതില്‍ പുതിനയില ഇട്ടു വലയ്ക്കുക. ഒരുവിധം ചൂടാറുമ്പോള്‍ നാരങ്ങാനീരും പിന്നീട് ചെറുചൂടില്‍ തേനും ചേര്‍ത്തിളക്കണം. ഇത് ഫ്രിജ്ഡില്‍ വച്ചുപയോഗിയ്ക്കാം.