പുരുഷവിരല്‍ പറയും വൃഷണ ക്യാന്‍സര്‍ സാധ്യത

കൈ വിരലും പ്രോസ്‌റ്റേറ്റ് ക്യാന്‍സറും

2011ല്‍ 1500ളം പ്രോസ്‌റ്റേറ്റ് ക്യാന്‍സര്‍ ബാധിതരായ പുരുഷന്മാരില്‍ നടത്തിയ പഠനമാണ് കൈ വിരലും പ്രോസ്‌റ്റേറ്റ് ക്യാന്‍സറും തമ്മിലുള്ള ബന്ധത്തെക്കുറിച്ചു വിശദീകരിയ്ക്കുന്നത്. ഇത്തരം ക്യാന്‍സര്‍ ബാധിതരുടെ ചൂണ്ടുവിരലിന് മോതിര വിരലിനേക്കാള്‍ നീളം കൂടുതലാണെന്നു തെളിഞ്ഞു. അതായത് ചൂണ്ടുവിരല്‍ നീളം മോതിര വിരലിനേക്കാള്‍ കൂടുതലുളള പുരുഷന്മാരില്‍ പ്രോസ്‌റ്റേറ്റ് ക്യാന്‍സര്‍ സാധ്യത കൂടുതലാണെന്നു ചുരുക്കം.

പ്രോസ്‌റ്റേറ്റ് ക്യാന്‍സര്‍ സാധ്യത

ഇത്തരം കണ്ടെത്തല്‍ അല്‍പം വിചിത്രമാണെന്നു തോന്നാമെങ്കിലും ഈ ഘടകം പുരുഷന്മാരില്‍ പ്രോസ്‌റ്റേറ്റ് ക്യാന്‍സര്‍ സാധ്യത 33 ശതമാനം വരെ വര്‍ദ്ധിപ്പിയ്ക്കുന്നുവെന്നു തെളിഞ്ഞു. ഇതിനുള്ള കാരണമായി പറയുന്നത് എച്ച്ഒഎക്‌സ് എന്ന പേരില്‍ അറിയപ്പെടുന്ന ജീനുകളാണ്. വിരലുകളുടെയും വൃഷണത്തിന്റെയും വളര്‍ച്ചയ്ക്ക് ഈ ഹോര്‍മോണാണ് കാരണമാകുന്നത്. ഇതാണ് ഇവ രണ്ടും തമ്മില്‍ ബന്ധപ്പെടുത്താനുള്ള കാരണവും.

HOX

HOX എന്ന ഈ പ്രത്യേക ജീനുകളുടെ അസന്തുലിതാവസ്ഥയാണ് ചൂണ്ടുവിരലിന് മോതിര വിരലിനേക്കാള്‍ നീളം നല്‍കുന്നതും വൃഷണ ക്യാന്‍സര് സാധ്യത വര്‍ദ്ധിപ്പിയ്ക്കുന്നതും. എന്നാല്‍ ജീനുകള്‍ സന്തുലിതമെങ്കില്‍ ഈ സാധ്യതയില്ലെന്നു പറയാം.

ക്യാന്‍സര്‍ സാധ്യത

വിരലുകളുടെ നീളവും പ്രോസ്റ്റേറ്റ് ക്യാന്‍സറും തമ്മിലുള്ള ബന്ധം ക്യാന്‍സര്‍ വരുമെന്നതല്ല, ക്യാന്‍സര്‍ സാധ്യത കൂടുതലാണെന്നതാണ് സൂചിപ്പിയ്ക്കുന്നത്. അതല്ലാതെ ഇത് പ്രോസ്റ്റേറ്റ് ക്യാന്‍സര്‍ വരുമെന്ന സൂചനയല്ലെന്നും ഓര്‍ക്കുക.

ഇതല്ലാതെയും ചില പ്രത്യേക ലക്ഷണങ്ങള്‍

ഇതല്ലാതെയും ചില പ്രത്യേക ലക്ഷണങ്ങള്‍ വൃഷണ ക്യാന്‍സറിനുണ്ട്. മൂത്രമൊഴിയ്ക്കുമ്പോള്‍ മൂത്രത്തിന്റെ ഗതി മാറുന്നത്, ഒരു വശത്തു നിന്നും മറുവശത്തേയ്ക്കു പോകുന്നത്, പ്രോസ്‌റ്റേറ്റ് ക്യാന്‍സറിന്റെ ഒരു ലക്ഷണമാണ്. ഇതുപോലെ ഇടയ്ക്കിടെയുള്ള മൂത്രശങ്ക പുരുഷന്മാരിലെ പ്രോസ്‌റ്റേറ്റ് ക്യാന്‍സറിന്റെ പ്രധാന ലക്ഷണമാണെന്നു പറയാം. ഇത് സ്ഥിരം അനുഭവപ്പെടുന്നുവെങ്കില്‍ പ്രത്യേകിച്ചും.മൂത്രമൊഴിയ്ക്കാന്‍ ഏറെ സമയമെടുക്കും. പതുക്കെയോ തുള്ളികളായോ ആണ് മൂത്രം പോവുക. ഇത്തരം ഘട്ടത്തില്‍ ഇത് പ്രോസ്‌റ്റേറ്റ് ഗ്ലാന്റിന്റെ പ്രശ്‌നങ്ങളേയാണ് കാണിയ്ക്കുന്നത്.

മൂത്രത്തില്‍ രക്തം

മൂത്രത്തില്‍ രക്തം കാണപ്പെടുന്നത് പ്രോസ്റ്റേറ്റ് ക്യാന്‍സറിന്റെ ഒരു ലക്ഷണമായി എടുക്കാം. ഇതിനു കാരണങ്ങള്‍ പലതുണ്ടെങ്കിലും ഇതും പ്രധാനപ്പെട്ട ഒരു ലക്ഷണമാണ്.

ക്ഷീണം

പൊതുവായ ക്യാന്‍സറുകളുടെ ലക്ഷണമായി കാണപ്പെടുന്ന ക്ഷീണം ഈ ക്യാന്‍സര്‍ ബാധയ്ക്കുമുണ്ടാകും. പ്രത്യേക കാരണമില്ലാതെ വരുന്ന ക്ഷീണം, ഇതുപോലെ കാരണങ്ങള്‍ കൂടാതെ തൂക്കം കുറയുക എന്നിവയെല്ലാം പ്രോസ്‌റ്റേറ്റ് ക്യാന്‍സര്‍ ലക്ഷണമായും എടുക്കാം. ഇതിനുളള മറ്റു ക്യാന്‍സറോ കാരണങ്ങളോ ഉണ്ടാകാമെങ്കിലും.

വൃഷണ ഭാഗത്തെ എല്ലുകള്‍ക്കു വേദന

ഇതുപോലെ തുടയെല്ലിന്റെ, അതായത് വൃഷണ ഭാഗത്തെ എല്ലുകള്‍ക്കു വേദനയുണ്ടെങ്കില്‍ ഇതും പ്രോസ്റ്റേറ്റ് ക്യാന്‍സര്‍ ലക്ഷണമായി എടുക്കാം. മറ്റു ലക്ഷണങ്ങള്‍ക്കൊപ്പം ഇതും പ്രോസ്‌റ്റേറ്റ് ക്യാന്‍സര്‍ ബാധയെ സൂചിപ്പിയ്ക്കുന്നു. ഇതുപോലെ പുറം വേദനയും ഇതിന്റെ ലക്ഷണമായി ഉണ്ടാകാം.

സെക്‌സ് സമയത്തുണ്ടാകുന്ന വേദന

സെക്‌സ് സമയത്തുണ്ടാകുന്ന വേദന, ഉദ്ധാരണ പ്രശ്‌നങ്ങള്‍ എന്നിവയും വൃഷണ ക്യാന്‍സര്‍ ലക്ഷണങ്ങളായി പറയാം. ഉദ്ധാരണത്തിലും സ്ഖലനത്തിലുമുണ്ടാകുന്ന വ്യത്യാസങ്ങള്‍, ലിംഗത്തില്‍ നിന്നും പുറപ്പെടുവിയ്ക്കുന്ന സ്രവത്തിലുണ്ടാകുന്ന വ്യത്യാസം എന്നിവ പ്രോസ്റ്റേറ്റ് ക്യാന്‍സര്‍ ലക്ഷണങ്ങള്‍ തന്നെയാണ്.

വൃഷണങ്ങളുടെ വലിപ്പത്തില്‍ വരുന്ന വ്യത്യാസം

വൃഷണങ്ങളുടെ വലിപ്പത്തില്‍ വരുന്ന വ്യത്യാസം, തെന്നി മാറുന്ന മുഴകള്‍, സ്രവങ്ങള്‍ എന്നിവയെല്ലാം ശ്രദ്ധിയ്ക്കുക. ഇവയെല്ലാം വൃഷണ ക്യാന്‍സര്‍ ലക്ഷണങ്ങളില്‍ പെടുന്ന ചിലതാണ്. ഇത്തരം പ്രശ്‌നങ്ങള്‍ തക്ക സമയത്തു തന്നെ വൃഷണത്തെ ബാധിയ്ക്കുന്ന രോഗമായി എടുത്തു ചികിത്സ തേടുക.