1മാസം അടുപ്പിച്ച് പച്ചനെല്ലിക്ക ചവച്ചു കഴിച്ചാല്‍

ശരീരത്തിലെ കൊളസ്‌ട്രോള്‍

ശരീരത്തിലെ കൊളസ്‌ട്രോള്‍ കുറയ്ക്കാനുള്ള ഏറ്റവും നല്ല വഴിയാണ് വെറുംവയറ്റില്‍ നെല്ലിക്ക ചവച്ചരച്ചു കഴിയ്ക്കുന്നത്. ഇത് ചീത്ത കൊളസ്‌ട്രോളിനെ പുറന്തള്ളി രക്തധമനികളില്‍ കൊളസ്‌ട്രോള്‍ അടിഞ്ഞു കൂടുന്നതു തടയും. ഇതു വഴി രക്തപ്രവാഹം നല്ല രീതിയില്‍ നടക്കാനും ഹൃദയത്തിന്റെ ആരോഗ്യത്തിനും ഗുണം നല്‍കും.

തടിയും വയറുമെല്ലാം കുറയ്ക്കാന്‍

തടിയും വയറുമെല്ലാം കുറയ്ക്കാന്‍ ശ്രമിയ്ക്കുന്നവര്‍ക്ക് ഏറെ നല്ലതാണ് വെറുംവയറ്റില്‍ നെല്ലിക്ക ചവച്ചരച്ചു കഴിയ്ക്കുന്നത്. നെല്ലിക്കയിലെ ഹൈ പ്രോട്ടീന്‍ തോത് ശരീരത്തിലെ ആവശ്യമില്ലാത്ത കൊഴുപ്പു കുറയ്ക്കും.ഇതിലെ വൈറ്റമിന്‍ സി കൊഴുപ്പു കളയാന്‍ സഹായിക്കും. ശരീരത്തിലെ ടോക്‌സിനുകള്‍ ഒഴിവാക്കിയും ദഹനം ശക്തിപ്പെടുത്തിയുമെല്ലാം ഈ ഗുണം ശരീരത്തിന് നല്‍കും.

കാല്‍സ്യം, വൈറ്റമിന്‍ സി

കാല്‍സ്യം, വൈറ്റമിന്‍ സി സമ്പുഷ്ടമായ ഇത് എല്ലുതേയ്മാനം പലെയുള്ള പ്രശ്‌നങ്ങളില്‍ നിന്നും ശരീരത്തിന് മോചനം നല്‍കും. പല്ലിന്റെയും മോണയുടേയും ആരോഗ്യത്തിന് നെല്ലിക്ക ഏറെ നല്ലതാണ്.ശരീരത്തിന് വേഗത്തില്‍ കാല്‍സ്യം ആഗിരണം ചെയ്യുന്നതിന് നെല്ലിക്ക സഹായിക്കും.

പ്രമേഹം

പ്രമേഹം നിയന്ത്രിച്ചു നിര്‍ത്താന്‍ സാധിയ്ക്കുന്ന നല്ലൊന്നാന്തരം വഴിയാണ് വെറുംവയറ്റിലെ നെല്ലിക്കാ പ്രയോഗം. ഇത് രക്തത്തിലെ പഞ്ചസാരയുടെ അളവു നിയന്ത്രിച്ചു നിര്‍ത്താന്‍ സഹായിക്കും. ഇന്‍സുലിന്‍ ശരീരം വേണ്ട വിധത്തില്‍ ഉപയോഗപ്പെടുത്താനും ഇത് ഏറെ നല്ലതാണ്. പ്രമേഹ രോഗികള്‍ക്ക് നെല്ലിക്ക നല്ലൊരു മരുന്നാണ്. ഇതിലെ ചവര്‍പ്പു തന്നെയാണു പരിഹാരമാകുന്നത്. നെല്ലിക്കയും മഞ്ഞള്‍പ്പൊടിയും ചേര്‍ത്തു കഴിയ്ക്കുന്നത് ഏറെ നല്ലതാണ്.

കാഴ്ചശക്തി

വൈററമിന്‍ സി, എ പോലുളള അടങ്ങിയ ഇത് കണ്ണിന്റെ ആരോഗ്യത്തിന് ഉത്തമമാണ്. കാഴ്ചശക്തി വര്‍ദ്ധിപ്പിയ്ക്കാന്‍ നെല്ലിക്ക ഏറെ നല്ലതാണ്. തിമിരം പോലുളള രോഗങ്ങള്‍ തടയാനും ഇത് നല്ലതു തന്നെ. ചെങ്കണ്ണ്, നൈറ്റ് ബ്ലൈന്‍ഡ്‌നെസ് തുടങ്ങിയ രോഗങ്ങള്‍ക്കുള്ള നല്ലൊരു പ്രതിവിധിയാണിത്.

അയേണ്‍

അയേണ്‍ സമ്പുഷ്ടമാണ് നെല്ലിക്ക. വിളര്‍ച്ച പോലെയുള്ള രോഗങ്ങള്‍ തടയാന്‍ ഏറെ ഉത്തമം. ദിവസവും നെല്ലിക്ക കഴിയ്ക്കുന്നത് ഇത്തരം രോഗങ്ങള്‍ക്കുള്ള നല്ലൊരു പ്രതിവിധിയാണ്. രക്തം ശുദ്ധീകരിയ്ക്കാനും ഇത് ഏറെ നല്ലതാണ്. ശരീരത്തിലെ രക്തപ്രവാഹം ശക്തിപ്പെടുത്തുന്നതും ഇത് അത്യുത്തമമാണ്.

നല്ല ദഹനത്തിനും

നല്ല ദഹനത്തിനും ശരീരത്തിനു നാരുകള്‍ ലഭ്യമാക്കുവാനുമുള്ള നല്ലൊരു വഴിയാണ് വെറുംവയറ്റില്‍ നെല്ലിക്ക കഴിയ്ക്കുന്നത്. ഇതിലെ നാരുകള്‍ ന്ല്ല ശോധനയ്ക്കു സഹായിക്കുന്ന ഒന്നു തന്നെയാണ്. ഇത് വയറ്റിലുള്ള ആസിഡ് ലെവലിനെ കൃത്യമാക്കുന്നു.ഗ്യാസ്, അസിഡിറ്റി പ്രശ്‌നങ്ങള്‍ക്കുള്ള നല്ലൊരു പരിഹാരമാണിത്. അയേണ്‍ ഗുളികയുടെ അല്ലെങ്കില്‍ സിറപ്പിന്റെ ഗുണം ചെയ്യുന്ന ഒന്നാണിതെന്നു വേണം, പറയാന്‍.

ശരീരത്തിന് ചെറുപ്പവും

ശരീരത്തിന് ചെറുപ്പവും സൗന്ദര്യവും നല്‍കാന്‍ കഴിവുള്ള നെല്ലിക്ക എന്നും ഭക്ഷണത്തില്‍ ഉള്‍പ്പെടുത്താവുന്നതാണ്.നെല്ലിക്ക രക്തത്തിലെ ഫ്രീ റാഡിക്കല്‍സിനെ നീക്കം ചെയ്യുന്നു. ത്വക്കിനേയും സംരക്ഷിക്കുന്നു. ചര്‍മത്തിന് ചെറുപ്പം നല്‍കാനും ചുളിവുകള്‍ വീഴുന്നതു തടയാനുമെല്ലാം ഇത് ഏറെ നല്ലതാണ്. ചര്‍മത്തിനു നിറം നല്‍കാനും ഇതിലെ വൈറ്റമിന്‍ സി സഹായിക്കുന്നു.

മുടിയുടെ ആരോഗ്യത്തിനും

മുടിയുടെ ആരോഗ്യത്തിനും നല്ലൊരു വഴിയാണ് വെറുംവയറ്റില്‍ നെല്ലിക്ക കഴിയ്ക്കുന്നത്. ഇത് മുടി വളര്‍ച്ചയ്ക്കു മാത്രമല്ല, അകാല നര തടയാനും മുടി കൊഴിയുന്നതു നിയന്ത്രിയ്ക്കാനുമെല്ലാം ഇത് ഉള്ളിലേയ്ക്കു കഴിയ്ക്കുന്നതും മുടിയില്‍ ഉപയോഗിയ്ക്കുന്നതുമെല്ലാം ഗുണം ചെയ്യും.