അല്‍പം ബ്രഹ്മി നീരില്‍ നിത്യയൗവ്വനവും ആയുസും

വയറിന്റെ ആരോഗ്യത്തിനു മികച്ച മരുന്നാണ്

വയറിന്റെ ആരോഗ്യത്തിനു മികച്ച മരുന്നാണ് ബ്രഹ്മി നീര്. ദഹന പ്രശ്‌നങ്ങള്‍ക്കുളള നല്ലൊരു മരുന്നാണിതെന്നു പറയാം. ബ്രഹ്മി ചെറൂചൂടുള്ള പശുവിന്‍ പാലില്‍ കലര്‍ത്തി കുടിച്ചാല്‍ ഇത് വയറിന്റെ ആരോഗ്യം നന്നാക്കും. വയറു വേദന പോലെയുള്ള പ്രശ്‌നങ്ങള്‍ ഒഴിവാക്കാനും ഇത് ഏറെ നല്ലതാണ്. ബ്രഹ്മി ചെറൂചൂടുള്ള പശുവിന്‍ പാലില്‍ കലര്‍ത്തി കുടിച്ചാല്‍ ഇത് വയറിന്റെ ആരോഗ്യം നന്നാക്കും. മലബന്ധം പോലുള്ള പ്രശ്‌നങ്ങള്‍ക്കുള്ള നല്ലൊരു മരുന്നു കൂടിയാണ് ബ്രഹ്മി.

ഇന്‍സോംമ്‌നിയ

ഇന്‍സോംമ്‌നിയ പോലുളള ഉറക്ക പ്രശ്‌നങ്ങള്‍ക്കുള്ള നല്ലൊരു മരുന്നു കൂടിയാണ് ബ്രഹ്മി. ബ്രഹ്മി കാല്‍പാദത്തിനടിയില്‍ അരച്ചിടുന്നതും ഇത് വെണ്ണ ചേര്‍ത്തു നിറുകയിലിടുന്നതും ഉറക്കം വരാന്‍ വളറെ നല്ലതാണ്.

ശരീരത്തിന് ചെറുപ്പം

ശരീരത്തിന് ചെറുപ്പം നില നിര്‍ത്താന്‍ പറ്റുന്ന പരമ്പാരാഗത മാര്‍ഗമാണ് ബ്രഹ്മിയെന്ന ഈ ചെറുസസ്യം. ഇതരച്ച് പാലില്‍ കലക്കി കഴിയ്ക്കുന്നത് നര അകറ്റാന്‍ ഏറെ നല്ലതാണ്. ശരീരത്തിന് ചെറുപ്പം നില നില്‍ത്താന്‍ ഇത് നെയ്യില്‍ വറുത്ത് പാലു കൂട്ടി കിടക്കാന്‍ നേരം കഴിയ്ക്കുന്നത് ഏറെ നല്ലതാണ്.ബ്രഹ്മിനീരു കഴിയ്ക്കുന്നത് ചര്‍മത്തിന്റെ നിറം വര്‍ദ്ധിപ്പിയ്ക്കാനും നല്ലതാണ്.

തലച്ചോറിന്റെ ആരോഗ്യത്തിന്

തലച്ചോറിന്റെ ആരോഗ്യത്തിന് പ്രധാനപ്പെട്ട ഒന്നാണ് ബ്രഹ്മി. ദിവസവും രാവിലെ ബ്രഹ്മിനീരു കുടിയ്ക്കുന്നതും ഇത് പാലിലോ തേനിലോ കലര്‍ത്തി കഴിയ്ക്കുന്നതും തലച്ചോറിന്റെ ആരോഗ്യത്തിന് ഏറെ പ്രധാനമാണ്. ബ്രഹ്മിനീരും വെണ്ണയും കലര്‍ത്തി രാവിലെ ഭക്ഷണത്തിനു മുന്‍പായി കഴിയ്ക്കുന്നതും ബുദ്ധിയ്ക്കും ഓര്‍മയ്ക്കുമെല്ലാം നല്ലതാണ്. ഇതു കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഗുണം നല്‍കുകയും ചെയ്യും. ബ്രഹ്മിനീരില്‍ തേന്‍ ചേര്‍ത്തു കഴിയ്ക്കുന്നതും നല്ലതാണ്. ബ്രഹ്മി തണലില്‍ വച്ച് ഉണക്കിപ്പൊടിച്ച് 5 ഗ്രാം വീതം പാലിലോ തേനിലോ പതിവായി കഴിയ്ക്കുന്നത് ഓര്‍മക്കുറവിനുള്ള നല്ലൊരു മരുന്നാണ്.

നാഡികളുടെ ആരോഗ്യം

നാഡികളുടെ ആരോഗ്യം മെച്ചപ്പെടുത്തുന്നതു കൊണ്ടു തന്നെ ബ്രഹ്മി അപസ്മാരം പോലുളള അവസ്ഥകള്‍ക്കും നല്ലതാണ്. ബ്രഹ്മി പാലില്‍ ചേര്‍ത്തു കഴിയ്ക്കുന്നതും ഇതില്‍ വയമ്പു ചേര്‍ത്തു കഴിയ്ക്കുന്നതുമെല്ലാം അപസ്മാരം പോലുള്ള അവസ്ഥകള്‍ക്കു പരിഹാരമാകും.

പ്രമേഹത്തിനുളള നല്ലൊരു പരിഹാരം

പ്രമേഹത്തിനുളള നല്ലൊരു പരിഹാരം കൂടിയാണ് ബ്രഹ്മി. ഇത് രക്തത്തിലെ ഗ്ലൂക്കോസ് തോതു കുറയാന്‍ സഹായിക്കുന്നു. പ്രമേഹ രോഗികള്‍ ദിവസവും ബ്രഹ്മി നീരു കുടിയ്ക്കുന്നത് നല്ലതാണ്. ഇത് കൊളസ്‌ട്രോള്‍ നിയന്ത്രിയ്ക്കാനും നല്ലതാണ്.

മുടി വളര്‍ച്ച

മുടി വളര്‍ച്ചയ്ക്കുള്ള ഏറ്റവും നല്ല മരുന്നാണ് ബ്രഹ്മി. ഇതു കഴിയ്ക്കുന്നതും ഇതിട്ട എണ്ണ കാച്ചി തേയ്ക്കുന്നതും ഇതു മുടിയില്‍ അരച്ചിടുന്നതുമെല്ലാം ഏറെ നല്ലതാണ്. അകാല നരയ്ക്കുള്ള നല്ലൊരു പരിഹാരം കൂടിയാണിത്. മുടി വളരാനും കറുപ്പു ലഭിയ്ക്കാനും മുടി കൊഴിച്ചില്‍ നിര്‍ത്താനുമെല്ലാം നല്ലൊരു വഴി

ചര്‍മ രോഗങ്ങള്‍ക്കും

പല ചര്‍മ രോഗങ്ങള്‍ക്കുമുള്ള നല്ലൊരു മരുന്നു കൂടിയാണ് ഇത്. എക്‌സീമ പോലുള്ള ചര്‍മ രോഗങ്ങള്‍ക്കും ചര്‍മത്തിലെ അലര്‍ജിയ്ക്കുമെല്ലാം ഇത് അരച്ചിടുന്നത് ഏറെ ഗുണം നല്‍കും.

ഗര്‍ഭിണികള്‍ ബ്രഹ്മി കഴിയ്ക്കുന്നത് കുഞ്ഞിന്റെ ആരോഗ്യത്തിന് ഏറെ നല്ലതാണ്. പ്രത്യേകിച്ചും തലച്ചോറിന്റെ വികാസത്തിന്. ഇതു പണ്ടു മുതല്‍ ചെയ്തു വന്നിരുന്ന ആരോഗ്യ സംരക്ഷണ വഴിയുമാണ്.

വാസ്തു പ്രകാരവും

വാസ്തു പ്രകാരവും ബ്രഹ്മി വീട്ടില്‍ വളര്‍ത്തുന്നത് നല്ലതാണെന്നു പറയാം. ഇത് നടുന്ന വീടുകളില്‍ കുട്ടികള്‍ക്ക് നല്ല ബുദ്ധശക്തിയുണ്ടാകുമെന്നതാണ് വാസ്തു പ്രകാരം പറയുന്നത്. ഇതുപോലെ ഇത് വീട്ടിലുണ്ടാകുന്ന ആപത്തുകള്‍ തടയുന്നതിനും സഹായിക്കും.

രക്തം

രക്തം ശുദ്ധീകരിയ്ക്കുന്നതിനും രക്തപ്രവാഹം വര്‍ദ്ധിപ്പിയ്ക്കുന്നതിനുമെല്ലാം മികച്ച ഒന്നാണ് ബ്രഹ്മി. ഇതു വഴി ഹൃദയാരോഗ്യത്തിന് ഏറെ ഗുണകരം.

കണ്ഠശുദ്ധി

കണ്ഠശുദ്ധി വരുത്തുന്നതിനും ബ്രഹ്മി ഏറെ നല്ലതാണ്.

നിത്യവും ബ്രഹ്മി നീരെടുത്ത് രാവിലെ കല്‍ക്കണ്ടം അതില്‍ ചേര്‍ത്ത് കഴിച്ചാല്‍ ശബ്ദശുദ്ധി വരും, വിക്ക് മാറും.