ഉള്ളംകാലിലെ എള്ളെണ്ണ പ്രയോഗം, ആയുര്‍വേദമാണ്‌

ഉറക്കത്തിന്റെ വിവിധ അവസ്ഥകളെക്കുറിച്ച്

ഉറക്കക്കുറവിനെ കുറിച്ചു മാത്രമല്ല, ഉറക്കത്തിന്റെ വിവിധ അവസ്ഥകളെക്കുറിച്ച്, സമയത്തെ കുറിച്ച് ആയുര്‍വേദം വിവരിയ്ക്കുന്നുണ്ട്. ഉറങ്ങുന്ന സമയവും ഉറങ്ങുന്ന സമയദൈര്‍ഘ്യവും പ്രധാനമാണ്. രാത്രിയില്‍ വേണ്ടത്ര ഉറക്കം ലഭിയ്ക്കാതിരിയ്ക്കുന്നത് ആയുര്‍വേദ പ്രകാരം വാത ദോഷം വര്‍ദ്ധിപ്പിയ്ക്കും. രാവിലെ ഉറങ്ങുന്നത് കഫ ദോഷം വര്‍ദ്ധിപ്പിയ്ക്കും. എന്നാല്‍ വേനല്‍ക്കാലത്ത് ഈ ദോഷം ബാധിയ്ക്കില്ല.

ഉറക്കം

ഉറക്കം ശരിയല്ലെങ്കില്‍ ശാരീരിക ആരോഗ്യം മാത്രമല്ല, മാനസിക ആരോഗ്യവും തടസപ്പെടുന്നു. സന്തോഷക്കുറവ്, വന്ധ്യത തുടങ്ങിയ പല പ്രശ്‌നങ്ങള്‍ക്കും ഇതു കാരണമാകുന്നു. തീരെ ഉറങ്ങാത്തത് നേരത്തെ ആയുസെടുക്കുകയും ചെയ്യും.

ക്ഷീണം, ഊര്‍ജക്കുറവ്

ഉറക്കക്കുറവ് അഥവാ ഇന്‍സോംമ്‌നിയ ഉറക്കം വരാതിരിയ്ക്കുക, കൃത്യസമയം ഉറങ്ങാതെ വേഗം ഉറക്കം വിടുക എന്നീ അവസ്ഥകള്‍ ഉള്‍പ്പെടുന്ന ഒന്നാണ്. ഇത് ക്ഷീണം, ഊര്‍ജക്കുറവ്, മൂഡു മാറ്റം, ഏകാഗ്രതക്കുറവ് തുടങ്ങിയ പല പ്രശ്‌നങ്ങളുമുണ്ടാക്കും. തലവേദന, ബിപി, കൊളസ്‌ട്രോള്‍, പ്രമേഹം പോലുള്ള മറ്റു രോഗാവസ്ഥകള്‍ക്കും ഇതു കാരണമാകും.

ഓയില്‍ മസാജ്

ആയുര്‍വേദത്തില്‍ ഇന്‍സോംമ്‌നിയയ്ക്ക് പല മരുന്നുകളുമുണ്ട്. ഓയില്‍ മസാജ് അഥവാ ദേഹത്ത് എണ്ണ പുരട്ടി മസാജ് ചെയ്യുക, ശിരോധാര എന്നിവ ചില വഴികളാണ്. ശിരോധാര രക്തപ്രവാഹം വര്‍ദ്ധിപ്പിയ്ക്കും, നല്ല മൂഡു നല്‍കുന്ന സെറോട്ടനിന്‍ ഉല്‍പാദനവും വര്‍ദ്ധിപ്പിയ്ക്കാന്‍ ഇത് സഹായിക്കും. ഹാപ്പി ഹോര്‍മോണ്‍ എന്നറിയപ്പെടുന്ന ഇത് നല്ല ഉറക്കത്തിനും മനസു ശാന്തമാക്കുവാനുമെല്ലാം ഏറെ സഹായം നല്‍കും.

ഉണക്കമുന്തിരി

ഇതല്ലാതെയും ഉറക്കക്കുറവിന് ആയുര്‍വേദം വിവരിയ്ക്കുന്ന ചില വഴികളുണ്ട്. ഇതില്‍ ഒന്നാണ് ഉണക്കമുന്തിരി വിദ്യ. 10 ഉണക്കുമുന്തിരി ഒരു ഗ്ലാസ് ചൂടുവെള്ളത്തില്‍ കുതിര്‍ത്തി വെള്ളവും മുന്തിരിയും കഴിയ്ക്കുക. ഇത് നല്ല ഉറക്കം നല്‍കാന്‍ സഹായിക്കുന്ന വഴിയാണ്.

അശ്വഗന്ധ

അശ്വഗന്ധയും നല്ല ഉറക്കം നല്‍കാന്‍ സഹായിക്കുന്ന ഒന്നാണ്. ആയുര്‍വേദ പ്രകാരം ഒരു പിടി രോഗങ്ങള്‍ക്കായുള്ള ഈ മരുന്ന് ഉറക്ക പ്രശ്‌നങ്ങള്‍ക്കും സഹായകമാണ്. അശ്വഗന്ധ ഇളംചൂടു പാലില്‍ കലക്കി കിടക്കാന്‍ നേരത്തു കുടിയ്ക്കാം. വല്ലാത്ത ഉറക്കക്കുറവെങ്കില്‍ അശ്വഗന്ധചൂര്‍ണം, ഇതിന്റെ ഗുളിക എന്നിവയും കഴിയ്ക്കാം. ഇതെല്ലാം ഡോക്ടറുടെ അഭിപ്രായ പ്രകാരം ചെയ്യുന്നതാണ് നല്ലത്.

എള്ളെണ്ണ

കാലിനടിയില്‍ കിടക്കുന്നതിനു 15 മിനിറ്റു മുന്‍പ് എള്ളെണ്ണ പുരട്ടി അല്‍പനേരം മസാജു ചെയ്യുക. 15 മിനിറ്റിനു ശേഷം ഇത് കഴുകാം. അല്ലെങ്കില്‍ സോക്‌സിട്ട് ഉറങ്ങാം. നല്ല ഉറക്കത്തിന്, ഇന്‍സോംമ്‌നിയയ്ക്ക് ആയുര്‍വേദം വിവരിയ്ക്കുന്ന ഒരു വഴിയാണിത്.

ചൂടുപാല്‍

കിടക്കും മുന്‍പ് ഒരു ഗ്ലാസ് ചൂടുപാല്‍ കുടിയ്ക്കുന്നത് നല്ല ഉറക്കത്തിന് ആയുര്‍വേദം നിര്‍ദേശിയ്ക്കുന്ന നല്ലൊരു വഴിയാണ്. കുട്ടികള്‍ക്കും മുതിര്‍ന്നവര്‍ക്കുമെല്ലാം ഒരുപോലെ പരീക്ഷിയ്ക്കാവുന്ന ഒന്നാണിത്.

ചെറുചൂടുവെള്ളത്തിലെ ഒരു കുളി

കിടക്കും മുന്‍പ് ചെറുചൂടുവെള്ളത്തിലെ ഒരു കുളി ആയുര്‍വേദവും പറയുന്ന ഒരു വഴിയാണ്. ഇത് ശരീരത്തിനും മനസിനും ഉന്മേഷവും കുളിര്‍മയും നല്‍കുന്നു. പെട്ടെന്ന് ഉറങ്ങാനുളള വഴിയാണിത്. എന്നാല്‍ അത്താഴം പൂര്‍ണമായി ദഹിച്ചതിനു ശേഷം മാത്രം കുളിയ്ക്കുക. അല്ലെങ്കില്‍ അത്താഴത്തിനു മുന്‍പായി കുളിയ്ക്കാം.

രാത്രിയിലെ ഭക്ഷണത്തിനും

രാത്രിയിലെ ഭക്ഷണത്തിനും ഉറക്കക്കുറവു വരുത്തുന്നതില്‍ പങ്കുണ്ടെന്ന് ആയുര്‍വേദം പറയുന്നു. കട്ടി കൂടിയ ഭക്ഷണങ്ങള്‍ ഒഴിവാക്കി വളരെ ലഘുവായ കഞ്ഞി പോളുള്ളവ കഴിയ്ക്കുക. എട്ടിനു മുന്‍പ് അത്താഴം കഴിയ്ക്കുക. അത്താഴ ശേഷം രണ്ടു മണിക്കൂര്‍ കഴിഞ്ഞു മാത്രം ഉറങ്ങുക. അത്താഴശേഷം നടക്കുന്നത് ശീലമാക്കുക. കൃത്യസമയത്ത് അത്താഴം, ഉറക്കം എന്നിവയും നല്ല ഉറക്കത്തിന് ആയുര്‍വേദം നിര്‍ദേശിയ്ക്കുന്ന വഴികളാണ്.

നേരത്തെ കിടന്നു നേരത്തെ എഴുന്നേല്‍ക്കുന്നത്

നേരത്തെ കിടന്നു നേരത്തെ എഴുന്നേല്‍ക്കുന്നത് പതിവാക്കുന്നത് ആരോഗ്യത്തിനു മാത്രമല്ല, നല്ല ഉറക്കത്തിനും സഹായിക്കുന്ന ഒന്നാണ്. ഇത് എനര്‍ജി നല്‍കും. വ്യായാമം ചെയ്യുന്നതും യോഗയുമെല്ലാം നല്ല ഉറക്കത്തിന് ആയുര്‍വേദം നിര്‍ദേശിയ്ക്കുന്ന മറ്റു ചില വഴികളാണ്.