സ്തനാര്‍ബുദ ലക്ഷണങ്ങള്‍ ശരീരത്തിലുണ്ടോ അറിയാം

സ്തനങ്ങളുടെ വലിപ്പം

സ്തനങ്ങളുടെ വലിപ്പത്തിന്റെ കാര്യത്തില്‍ ചെറിയ വ്യത്യാസം സാധാരണയുണ്ടാവും. എന്നാല്‍ സ്തനാര്‍ബുദ ലക്ഷണങ്ങള്‍ ശരീരത്തില്‍ കാണിച്ച് തുടങ്ങിയാല്‍ സ്തനത്തിന്റെ ആകൃതിയില്‍ കാര്യമായ മാറ്റങ്ങള്‍ തന്നെ ഉണ്ടാവുന്നു.

സ്തനങ്ങള്‍ക്ക് വീക്കം

സ്തനങ്ങള്‍ക്ക് വീക്കം ഉണ്ടാവുന്നതും സ്തനാര്‍ബുദത്തിന്റെ ലക്ഷണങ്ങളില്‍ പ്രധാനപ്പെട്ടതാണ്. പനിയോട് കൂടിയായിരിക്കും ഈ പ്രശ്‌നത്തിന്റെ തുടക്കം. ചിലപ്പോള്‍ സ്തനങ്ങളില്‍ ചുവന്ന നിറത്തോട് കൂടിയ പാട് കാണപ്പെടുന്നു.

നിപ്പിളിലെ മാറ്റങ്ങള്‍

സ്തനങ്ങളില്‍ നിപ്പിളില്‍ ഈ മാറ്റം കാണപ്പെടാം. നിപ്പിളില്‍ നിന്ന് ഡിസ്ചാര്‍ജ് അല്ലെങ്കില്‍ പാലു പോലുള്ള എന്തെങ്കിലും ദ്രാവകം കാണപ്പെട്ടാല്‍ ചികിത്സ തേടാന്‍ മടിക്കേണ്ടതില്ല.

ചൊറിച്ചിലും ചുവന്ന നിറവും

സ്തനങ്ങളില്‍ ചൊറിച്ചിലും ചുവന്ന നിറവും കാണപ്പെടുന്നുണ്ടെങ്കില്‍ അല്‍പം ശ്രദ്ധിക്കണം. എന്നാല്‍ ചൊറിച്ചിലും കാണപ്പെടുന്നുണ്ടെങ്കില്‍ ഒരിക്കലും ത്വക്ക് രോഗവിദഗ്ധനെ കാണാതെ ഡോക്ടറെ കാണാന്‍ ശ്രമിക്കുക.

മുഴകള്‍

സ്തനങ്ങളില്‍ പല സ്ഥലങ്ങളിലായി ചെറിയ മുഴകള്‍ കാണപ്പെടുന്നുണ്ടെങ്കില്‍ അല്‍പം ശ്രദ്ധിക്കുക. ഇതിന് വേദനയുണ്ടെങ്കില്‍ ഉടന്‍ തന്നെ നിങ്ങളുടെ ആരോഗ്യ വിദഗ്ധനെ സമീപിക്കേണ്ടത് അത്യാവശ്യമാണ്.

സ്തനങ്ങളില്‍ വേദന

സ്തനങ്ങളില്‍ വേദന ആര്‍ത്തവ ദിനത്തോടനുബന്ധിച്ചും മറ്റും ഉണ്ടാവാറുണ്ട്. എന്നാല്‍ സ്തനങ്ങളില്‍ സ്ഥിരമായി വേദന അനുഭവപ്പെടുകയും വിട്ടുമാറാത്ത വേദനയായി അത് മാറുകയും ചെയ്യുമ്പോള്‍ അല്‍പം ശ്രദ്ധിക്കുക.

നെഞ്ച് വേദന

ചില സ്ത്രീകളില്‍ സ്തനങ്ങളിലുണ്ടാവുന്ന വേദനക്ക് പകരം നെഞ്ച് വേദന അനുഭവപ്പെടാറുണ്ട്. ഇതും സ്തനാര്‍ബുദത്തിന്റെ ലക്ഷണങ്ങളില്‍ പ്രധാനപ്പെട്ടതാണ്. അതുകൊണ്ട് തന്നെ മുകളില്‍ പറഞ്ഞിരിക്കുന്ന ലക്ഷണങ്ങളൊന്നും അവഗണിക്കരുത്.