ശരീരത്തില്‍ മഗ്നീഷ്യം കുറഞ്ഞാലുള്ള അപകടം

കുറഞ്ഞ എനര്‍ജി ലെവല്‍

ശരീരത്തില്‍ എനര്‍ജി ലെവല്‍ വളരെ കുറഞ്ഞ അളവില്‍ ആയിരിക്കും. കുറഞ്ഞ മഗ്നീഷ്യമാണ് കുറഞ്ഞ അളവിലുള്ള എനര്‍ജിക്ക് കാരണം. അതുകൊണ്ട് തന്നെ ഡയറ്റില്‍ കാര്യമായി ശ്രദ്ധിക്കാം.

പേശികളിലെ തുടിക്കല്‍

പേശികള്‍ ഇടക്കിടക്ക് തുടിക്കുന്നു. മാത്രമല്ല പേശീവേദന പോലുള്ള പ്രശ്‌നങ്ങളും ഉണ്ടാവാന്‍ കാരണമാകുന്നു. ഇതെല്ലാം മഗ്നീഷ്യത്തിന്റെ കുറവ് കാരണമാണ് ഉണ്ടാവുന്നത്.

ഇടക്കിടെയുള്ള തലവേദന

ഇടക്കിടെയുള്ള തലവേദനയാണ് മറ്റൊരു പ്രശ്‌നം. ഇത് ചിലപ്പോള്‍ മൈഗ്രേയ്ന്‍ വരെ ആയി മാറാനുള്ള സാധ്യതയുണ്ട്. 50 ശതമാനം ആളുകളിലും കാണുന്ന മൈഗ്രേയ്‌നിന്റെ പ്രധാന കാരണം പലപ്പോഴും മഗ്നീഷ്യത്തിന്റെ കുറവ് തന്നെയായിരിക്കും.

ഉറക്കമില്ലായ്മ

ഉറക്കമില്ലായ്മ കൊണ്ട് ബുദ്ധിമുട്ടുന്നവര്‍ക്കും മഗ്നീഷ്യത്തിന്റെ അളവ് ചെക്ക് ചെയ്യുന്നത് നല്ലതാണ്. മഗ്നീഷ്യത്തിന്റെ കുറവ് സ്‌ട്രെസ് ഹോര്‍മോണിന്റെ അളവ് വര്‍ദ്ധിപ്പിക്കുന്നു. ഇത് ഉറക്കമില്ലായ്മയിലേക്ക് നയിക്കുന്നു.

കൃത്യമല്ലാത്ത ഹൃദയസ്പന്ദന നിരക്ക്

ഹൃദയസ്പന്ദന നിരക്ക് കൃത്യമല്ലാതിരിക്കുന്നതും പലപ്പോഴും മഗ്നീഷ്യത്തിന്റെ അളവിലുള്ള കുറവാണ് കാണിക്കുന്നത്. ഡോക്ടര്‍ നിര്‍ദ്ദേശിക്കുന്നതും മഗ്നീഷ്യം സപ്ലിമെന്റ് കഴിക്കാനാണ്.

ശബ്ദങ്ങളോട് അസ്വസ്ഥത

ശരീരത്തില്‍ മഗ്നീഷ്യത്തിന്റെ അളവ് കുറഞ്ഞാല്‍ അതിന്റെ മറ്റൊരു ലക്ഷണമാണ് ശബ്ദങ്ങളോട് അസ്വസ്ഥത കാണിക്കുന്നത്. ഉച്ചത്തിലുള്ള ശബ്ദതത്തിനോട് ശാരീരിക മാനസിക അസ്വസ്ഥതകള്‍ കാണിക്കും.

കോച്ചിപ്പിടുത്തം

കോച്ചിപ്പിടുത്തമാണ് മറ്റൊന്ന്. മഗ്നീഷ്യത്തിന്റെ കുറവ് നാഡീ ഞരമ്പുകളുടെ പ്രവര്‍ത്തനത്തെ മോശമായി ബാധിക്കുന്നു. ഇത് കോച്ചിപ്പിടുത്തത്തിലേക്ക് നയിക്കുന്നു.

മലബന്ധം

മലബന്ധം പോലുള്ള പ്രശ്‌നങ്ങളിലേക്കും മഗ്നീഷ്യത്തിന്റെ അളവ് കാരണമാകുന്നു. വയറിന്റെ അസ്വസ്ഥത വര്‍ദ്ധിക്കുകയും മലബന്ധത്തിലേക്ക് നയിക്കുകയും ചെയ്യുന്നു.

ഉയര്‍ന്ന സമ്മര്‍ദ്ദം

മാനസിക സമ്മര്‍ദ്ദം അതിന്റെ ഏറ്റവും ഉയര്‍ന്ന അളവില്‍ എത്തുന്നു. ഇത് മഗ്നീഷ്യത്തിന്റെ കുറവ് മൂലം ശരീരത്തില്‍ സംഭവിക്കുന്ന ഒന്നാണ്.