ഉണക്കമുന്തിരിയിട്ട വെള്ളം വെറുവയറ്റില്‍ കുടിയ്ക്കാ

വയറിന്റെ ആരോഗ്യത്തിന്

വയറിന്റെ ആരോഗ്യത്തിന് അത്യുത്തമമായ വഴിയാണ് ഉണക്കമുന്തിരിയിട്ട വെള്ളം. ഇതിലെ ഫൈബറുകള്‍ ദഹനേന്ദ്രിയത്തിന്റെ ആരോഗ്യത്തെ മെച്ചപ്പെടുത്തുന്നു. ഗ്യാസ്, അസിഡിറ്റി തുടങ്ങിയ പ്രശ്‌നങ്ങള്‍ ഒഴിവാക്കുന്നു. മലബന്ധത്തിനുള്ള നല്ലൊരു പരിഹാരം കൂടിയാണ് ഇത്. ഇതിലെ നാരുകള്‍ കുടലിന്റെ ആരോഗ്യം മെച്ചപ്പെടുത്തുന്നു. ഇതുവഴി ആരോഗ്യം ഏറെ ഉത്തമമാകും. മലബന്ധപ്രശ്‌നങ്ങളുള്ളവര്‍ക്ക് ഇത് പരിഹാരം നല്‍കുന്ന ഒന്നാണ്.

പ്രതിരോധശേഷി

അയേണ്‍, പൊട്ടാസ്യം, കാല്‍സ്യം, ഫൈബര്‍, മഗ്നീഷ്യം തുടങ്ങിയ പല ഘടകങ്ങളും ഉള്‍പ്പെട്ടിട്ടുണ്ട്. ഇത് ശരീരത്തിന്റെ പ്രതിരോധശേഷിയ്ക്ക് ഏറെ ഉത്തമവുമാണ്. ബാക്ടീരിയ, വൈറല്‍ അണുബാധകളില്‍ നിന്നും ശരീരത്തിന് സംരക്ഷണം നല്‍കുന്ന ഒന്നാണിത്. അലര്‍ജി പോലുള്ള പ്രശ്‌നങ്ങളെങ്കില്‍ ഇത് പരീക്ഷിയ്ക്കാവുന്ന ഒന്നാണ്.

വായ്‌നാറ്റമകറ്റാന്‍

ആന്റിബാക്ടീരിയല്‍ ഗുണങ്ങള്‍ ഒത്തിണങ്ങിയ ഒന്നാണ് ഉണക്കമുന്തിരിയിട്ടു തിളപ്പിച്ച വെള്ളം. ഇതുകൊണ്ടതുന്ന വായ്‌നാറ്റമകറ്റാന്‍ അത്യുത്തവുമാണ്. വായിലെ ദോഷകരമായ ബാക്ടീരിയകളെ അകറ്റി ശ്വാസദുര്‍ഗന്ധം അകറ്റാന്‍ ഏറെ നല്ലത്. പല്ലിന്റെയും മോണയുടേയും ആരോഗ്യത്തിനും ഏറെ ഗുണകരവുമാണ്.

എല്ലുകളുടെ ആരോഗ്യത്തിനും

കൂടിയ തോതില്‍ കാല്‍സ്യം അടങ്ങിയ ഒന്നാണ് ഉണക്കമുന്തിരി. ധാരാളം ധാതുക്കളും ഇതില്‍ അടങ്ങിയിട്ടുണ്ട്. ഇതുകൊണ്ടുതന്നെ എല്ലുകളുടെ ആരോഗ്യത്തിനും പല്ലുകളുടെ ആരോഗ്യത്തിനുമെല്ലാം ഏറെ ഗുണകരമാണിത്.

അയേണ്‍

ഉണക്കമുന്തിരിയില്‍ അയേണ്‍ ധാരാളമടങ്ങിയിട്ടുണ്ട്. ഇതുകൊണ്ടുതന്നെ വിളര്‍ച്ച പോലുള്ള രോഗങ്ങള്‍ക്ക് ഇത് നല്ലൊരു പരിഹാരവുമാണ്. ഉണക്കമുന്തിരിയിട്ട വെള്ളം ശരീരത്തിലെ രക്തത്തിന്റെ അളവും കൂട്ടും. അനീമിയ പോലുള്ള അവസ്ഥയെങ്കില്‍ ഇത് അടുപ്പിച്ചു ചെയ്യുന്നത് ഗുണം നല്‍കും. രക്തോല്‍പാദനം വര്‍ദ്ധിപ്പിയ്ക്കാനുള്ള തികച്ചും സ്വാഭാവിക വഴിയാണിത്. ഹീമോഗ്ലോബിന്‍ തോത് ഇവ വര്‍ദ്ധിപ്പിയ്ക്കുന്നു.

ലിവര്‍

ലിവര്‍ സംബന്ധമായ പ്രശ്‌നങ്ങള്‍ ഒഴിവാക്കാനുള്ള നല്ലൊരു വഴി കൂടിയാണ് ഉണക്കമുന്തിരിയിട്ടു തിളപ്പിച്ച വെള്ളം. ഇത് ശരീരത്തിലേയും ലിവറിലേയും ടോക്‌സിനുകള്‍ ഒഴിവാക്കും. ഇതുകൊണ്ടുതന്നെ ലിവര്‍ ആരോഗ്യം മെച്ചപ്പെടുകയും ചെയ്യും. ലിവര്‍ പ്രശ്‌നങ്ങലുള്ളവര്‍ക്കു ശീലമാക്കാവുന്ന ഒന്നാണിത്.

കിഡ്‌നി

ടോക്‌സിനുകള്‍ ഒഴിവാക്കുന്നതുകൊണ്ടുതന്നെ കിഡ്‌നി ആരോഗ്യത്തിനും ഉണക്കമുന്തിരിയിട്ട വെള്ളം കുടിയ്ക്കുന്ന് ഏറെ നല്ലതാണ്. മൂത്രം നല്ലപോലെ പോകുന്നതിനും മൂത്രനാളിയുമായി ബന്ധപ്പെട്ട ഇന്‍ഫെക്ഷനുകള്‍ക്കുമെല്ലാം വളരെ പ്രധാനപ്പെട്ട പരിഹാരമാണ് ഉണക്കമുന്തിരിയിട്ടു തിളപ്പിച്ച വെള്ളം. കിഡ്‌നിയുടെ ആരോഗ്യത്തിന് പ്രധാനപ്പെട്ട വഴി.

ഹൃദയാരോഗ്യത്തിന്

ഹൃദയാരോഗ്യത്തിന് ഉണക്കമുന്തിരിട്ട വെള്ളം ഏറെ നല്ലതാണ്. ഇത് ശരീരത്തിലെ കൊളസ്‌ട്രോള്‍ തോത് കുറയ്ക്കുവാന്‍ സഹായിക്കും. അനാവശ്യമായ കൊഴുപ്പു പുറന്തള്ളും. കൊളസ്‌ട്രോള്‍ കുറയ്ക്കുന്നതു കൊണ്ടുതന്നെ ഉണക്കമുന്തിരിയിട്ട വെള്ളം വെറുംവയറ്റില്‍ കുടിയ്ക്കുന്നത് ഹൃദയത്തിന്റെ ആരോഗ്യത്തിന് ഏറെ നല്ലതാണ്. രക്തപ്രവാഹം വര്‍ദ്ധിപ്പിയ്ക്കുന്നതാണ് മറ്റൊരു വിധത്തില്‍ ഹൃദയത്തെ സഹായിക്കുന്നത്. ഉണക്കമുന്തിരിയിട്ട വെള്ളത്തില്‍ പൊട്ടാസ്യമുണ്ട്. ഇതുകൊണ്ടുതന്നെ ബിപി കുറയ്ക്കാന്‍ സഹായകമാണ്. ഇതുവഴി ഹൃദയാരോഗ്യത്തിനും സഹായിക്കും.

കണ്ണിന്റെ ആരോഗ്യത്തിനും

ഉണക്കമുന്തിരിയില്‍ വൈറ്റമിന്‍ എ, ആന്റിഓക്‌സിഡന്റുകള്‍, ബീറ്റാകരോട്ടിനുകള്‍ എ്ന്നിവ ധാരാളം അടങ്ങിയിട്ടുണ്ട്. ഇതുകൊണ്ടുതന്നെ കണ്ണിന്റെ ആരോഗ്യത്തിനും ഇത് ഏറെ ഗുണകരമാണ്. കാഴ്ചശക്തി വര്‍ദ്ധിപ്പിയ്ക്കാന്‍ വൈറ്റമിന്‍ എ ഏറെ പ്രധാനമാണ്. ഉണക്കമുന്തിരിയിട്ു തിളപ്പിച്ച വെള്ളം കാഴ്ചശക്തി വര്‍ദ്ധിപ്പിയ്ക്കുന്നു. കണ്ണിന് സംരക്ഷണം നല്‍കുന്നു.

ചര്‍മാരോഗ്യത്തിനും

ഇതില്‍ ആന്റിഓക്‌സിഡന്റുകള്‍, ഫൈറ്റോകെമിക്കലുകള്‍ എന്നിവ ധാരാളം അടങ്ങിയിട്ടുണ്ട്. ഇതുകൊണ്ടുതന്നെ ചര്‍മാരോഗ്യത്തിനും ഇത് ഏറെ ഗുണകരമാണ.് ചര്‍മകോശങ്ങള്‍ക്ക് മലിനീകരണത്തിലൂടെയും സൂര്യതാപത്തിലൂടെയും കേടു പറ്റുന്നത് ഇവ തടയും. ചര്‍മത്തിലെ ചുളിവുകള്‍ ഒഴിവാക്കും. പ്രായക്കുറവു തോന്നിപ്പിയ്ക്കുകയും ചെയ്യും. കോശങ്ങളിലേയ്ക്കുള്ള രക്തപ്രവാഹം വര്‍ദ്ധിപ്പിയ്ക്കുന്നതു വഴി മുടിയുടെ ആരോഗ്യത്തിനും ഇത് ഏറെ നല്ലതാണ്. മുടി കൊഴിച്ചില്‍ തടയാന്‍ ഫലപ്രദം.