അമിതവണ്ണത്തിനു കാരണം നെയില്‍ പോളിഷോ?

ടി പി എച്ച് പി കാരണം

ട്രിഫിനേല്‍ ഫോസ്‌ഫേറ്റ് അഥവാ ടി പി എച്ച് പി ആണ് അമിതവണ്ണത്തിന് കാരണമാകുന്നത്. നെയില്‍ പോളിഷ് നഖങ്ങളില്‍ നിന്ന് അടര്‍ന്നു പോകാതെ പറ്റിപ്പിടിച്ചിരിക്കാന്‍ സഹായിക്കുന്നതാണ് ഇത്.

ഫെതലറ്റും ഉപയോഗിക്കുന്നു

ജനിതക പ്രശ്‌നങ്ങള്‍ക്ക് വരെ കാരണമാകുന്ന ഫെതലറ്റ് ആണ് ആദ്യം ഉപയോഗിച്ചിരുന്നത്. എന്നാല്‍ ഇത് ഗുരുതരമായ ആരോഗ്യപ്രശ്‌നങ്ങള്‍ സൃഷ്ടിക്കുന്നതു കൊണ്ടാണ് ടി പി എച്ച് പി ഉപയോഗിച്ച് തുടങ്ങിയത്. എന്നാല്‍ ഇതും പ്രശ്‌നങ്ങള്‍ സൃഷ്ടിക്കുന്നതാണ്.

അന്ധസ്രാവി ഗ്രന്ധിയുടെ പ്രവര്‍ത്തനം

നെയില്‍ പോളിഷിലുള്ള ടി പി എച്ച് പി അന്ധസ്രാവി ഗ്രന്ധിയുടെ പ്രവര്‍ത്തനം തടസ്സപ്പെടുത്തുന്നു. ഇത് ഹോര്‍മോണിന്റെ പ്രവര്‍ത്തന ക്ഷമതയെ ഇല്ലാതാക്കുന്നു.

ശരീരഭാരം വര്‍ദ്ധിപ്പിക്കുന്നു

ശരീരഭാരത്തിന്റെ കാര്യത്തിലും ടി പി എച്ച് പി മോശക്കാരനല്ല. ശാരീരിക വികസന പ്രവര്‍ത്തനങ്ങള്‍ക്ക് വിഘാതം സൃഷ്ടിക്കുകയും അതുവഴി അമിതവണ്ണത്തിന് കാരണമാകുകയും ചെയ്യുന്നു.

തിരഞ്ഞെടുക്കുമ്പോള്‍ ശ്രദ്ധ

ടി പി എച്ച് പി ഏറ്റവും കൂടുതല്‍ അടങ്ങിയിട്ടുള്ളത് ട്രാന്‍സ്പരന്റ് ആയ നെയില്‍ പോളിഷുകളിലാണ്. നെയില്‍ പോളിഷ് തിരഞ്ഞെടുക്കുമ്പോള്‍ നിറമുള്ളവ തിരഞ്ഞെടുക്കാന്‍ കഴിവതും ശ്രദ്ധിക്കുക.

ആരോഗ്യമുള്ള നിറം നല്‍കാം

നഖമായാലും ശരീരത്തിന്റെ ഭാഗം തന്നെയാണ് അതുകൊണ്ട് നഖത്തിന് പെയിന്റടിക്കുമ്പോള്‍ ഇനി മുതല്‍ അല്‍പം കൂടി ശ്രദ്ധിക്കുക.