ഈ ലക്ഷണങ്ങള്‍ കണ്ടാല്‍ ഉറപ്പിക്കാം കരള്‍രോഗം

മനംപിരട്ടലും ഛര്‍ദ്ദിയും

ഛര്‍ദ്ദി സാധാരണ ലക്ഷണമാണ്. എന്നാല്‍ ഏറെ വേദനാജനകമായാണ് ഛര്‍ദ്ദി എങ്കില്‍ അത് പലപ്പോഴും കരള്‍ പ്രവര്‍ത്തനക്ഷമമല്ലെന്നതിന്റെ ലക്ഷണങ്ങളില്‍ പെടും. ഇതൊടൊപ്പം അമിതമായ ഉമിനീരൊഴുക്കും വിയര്‍പ്പും ഉണ്ടെങ്കില്‍ ഉറപ്പിച്ചോളൂ കരളിന്റെ ആരോഗ്യം നശിക്കുകയാണെന്ന്.

വയറു വേദന

വയറിന്റെ വലത് ഭാഗത്തായാണ് കരള്‍ സ്ഥിതി ചെയ്യുന്നത്. സാധാരണ വയറു വേദന കൂടാതെ അസാധാരണമായി വേദന അനുഭവപ്പെടുന്നുണ്ടെങ്കില്‍ കരളിന്റെ പ്രവര്‍ത്തനങ്ങള്‍ പ്രശ്‌നത്തിലാണ് എന്ന് ഉറപ്പിക്കാം.

ദഹനക്കേട്

ദഹനപ്രക്രിയയില്‍ ഉള്‍പ്പെടുന്ന പ്രധാന അവയവങ്ങളില്‍ ഒന്നാണ് കരള്‍. കരളിനുണ്ടാകുന്ന പ്രശ്‌നങ്ങളെ ദഹനത്തെ വളരെയെളുപ്പത്തില്‍ ബാധിയ്ക്കും. പലപ്പോഴും വയറെരിച്ചില്‍ അനുഭവപ്പെടുകയും ഭക്ഷണം കഴിയ്ക്കാന്‍ സാധിയ്ക്കാതെ വരികയും ചെയ്യുന്നു.

തളര്‍ച്ചയും ക്ഷീണവും

ശരീരത്തിനാവശ്യമായ വിവിധ തരം ധാതുക്കളും വിറ്റാമിനുകളും ആഗിരണം ചെയ്യുന്നതിനുള്ള ചുമതല കരളിനാണ്. കരളിന്റെ പ്രവര്‍ത്തനം സാധാരണഗതിയിലല്ലാതായാല്‍ തളര്‍ച്ചയും ക്ഷീണവും അനുഭവപ്പെടും.

ശരീരഭാരത്തില്‍ കുറവ്

ഭക്ഷണ നിയന്ത്രണവും വ്യായാമവും ഇല്ലാതെ തന്നെ ശരീരഭാരം കുറയുന്നതായി നിങ്ങള്‍ക്ക് തോന്നുന്നുണ്ടെങ്കില്‍ അത് കരളിന്റെ ജോലിഭാരം കുറയുന്നു എന്നതിന്റെ ലക്ഷണമാണ്. ഭക്ഷണം ശരിയായ രീതിയില്‍ ദഹിപ്പിക്കനുള്ള കരളിന്റെ കഴിവ് കുറയുന്നതോടെയാണ് വിശപ്പ് ഇല്ലാതാവുന്നത്. ഇത് ശരീര ഭാരത്തേയും വളരെയധികം ബാധിയ്ക്കും.

ത്വക്കിന് മഞ്ഞനിറം

മഞ്ഞപ്പിത്തവും കരള്‍ രോഗവും തമ്മില്‍ വളരെയടുത്ത ബന്ധമാണ് ഉള്ളത്. കരളിലെ ക്യാന്‍സര്‍, കരള്‍ വീക്കം എന്നിവക്ക് മുന്നോടിയായി മഞ്ഞപ്പിത്തം ഉണ്ടാവാനുള്ള സാധ്യത തള്ളിക്കളയാനാവില്ല.