ചൂടു വയര്‍ കേടു വരുത്തിയോ??

തൈര്

തൈര് കഴിക്കുന്നത് വയറിന് നല്ലതാണ്. വയറിലെ മ്യൂകസ്, അസിഡോഫിലസ് എന്നിവ നിലനിര്‍ത്താനും അതുവഴി അസ്വാസ്ഥ്യങ്ങള്‍ ഒഴിവാക്കാനും തൈര് സഹായിക്കും.

തവിടു കളയാത്ത ധാന്യങ്ങള്‍

തവിടു കളയാത്ത ധാന്യങ്ങള്‍ വയറിന് ഏറ്റവും പറ്റിയ ഭക്ഷണങ്ങളാണ്. ബാര്‍ലി, ഓട്‌സ്, തവിടുള്ള ചുവന്ന അരി എന്നിവ ഇത്തരം ഭക്ഷണപദാര്‍ത്ഥങ്ങളില്‍ പെടുന്നു.

ഇലക്കറികളും പച്ചക്കറികളും

ഇലക്കറികളും പച്ചക്കറികളും താരതമ്യേന വയറിന് ദോഷം ചെയ്യാത്തവയാണ്. ഇവ പാചകം ചെയ്യുന്നതിനും കഴിക്കുന്നതിനും മുന്‍പ് നല്ലപോലെ കഴുകണം. നാരുള്ള ഭക്ഷണം ദഹനത്തെ എളുപ്പമാക്കുന്നു.

പഴവര്‍ഗങ്ങള്‍

പഴവര്‍ഗങ്ങള്‍ മിക്കവാറും എല്ലാംതന്നെ വയറിന് നല്ലതാണ്പഴവര്‍ഗങ്ങള്‍ വയര്‍ തണുപ്പിയ്ക്കാന്‍ ഉത്തമമാണ്.

വെളുത്തുള്ളി

വെളുത്തുള്ളി നല്ലൊരു അണുനാശിനിയാണ്. ദഹനപ്രശ്‌നങ്ങള്‍ക്കുള്ള ഉത്തമ ഉപാധിയാണിത്.

കോഴിയിറച്ചി

മസാലകളൊന്നും ചേര്‍ക്കാതെ ബേക്ക് ചെയ്ത കോഴിയിറച്ചി ദഹിക്കാന്‍ പ്രയാസമില്ലാത്ത ഭക്ഷണമാണ്. ഇറച്ചി കഴിക്കണമെന്നുള്ളവര്‍ക്ക് ഇതു കഴിക്കാം.

സംഭാരം, കരിക്കിന്‍ വെള്ളം

സംഭാരം, കരിക്കിന്‍ വെള്ളം എന്നിവ വേനലില്‍ വയറിന് സുഖവും ആരോഗ്യവും നല്‍കും.

വെള്ളം

ഭക്ഷണം മാത്രമല്ലാ, വെള്ളവും വയറിന്റെ ആരോഗ്യത്തിന് പ്രധാനമാണ്. ധാരാളം വെള്ളം കുടിയ്ക്കുക. ശരീരത്തിലെ വിഷാംശം നീങ്ങും, വയറിന്റെ ആരോഗ്യം മെച്ചപ്പെടുകയും ചെയ്യും.