കണ്ണില്‍ നോക്കൂ, രോഗമറിയാം

Wellness

oi-Saritha

By Veena

Published: Friday, May 4, 2012, 17:04 [IST]

ആരോഗ്യമാണ് ഏറ്റവും വലിയ ധനമെന്ന ചൊല്ലുണ്ട്. ഇതു വെറുതെയല്ലെന്ന് അസുഖങ്ങള്‍ ഉള്ളവര്‍ക്ക് അറിയുകയും ചെയ്യാം. അസുഖങ്ങള്‍ തിരിച്ചറിയാനുള്ള ചില വഴികളറിയൂ.

മുഖം മനസിന്റെ കണ്ണാടിയെന്നു പറയും. അതുപോലെയാണ് കണ്ണിന്റെ കാര്യവും. കണ്ണില്‍ നോക്കിയാല്‍ പല രോഗങ്ങളും തിരിച്ചറിയാം.

വിളര്‍ച്ചയുണ്ടോയെന്ന് കണ്ടുപിടിക്കാന്‍ ഡോക്ടര്‍മാര്‍ കണ്‍പോളകള്‍ പരിശോധിക്കുന്നതു കണ്ടിട്ടില്ലേ. ഇതു പോലെ മഞ്ഞപ്പിത്തം, രക്തസമ്മര്‍ദം തുടങ്ങിയ രോഗങ്ങളും കണ്ണില്‍ നോക്കി തിരിച്ചറിയാം. ബ്രെയിന്‍ ട്യൂമര്‍ വരെ കണ്ണില്‍ നോക്കി തിരിച്ചറിയാമെന്നാണ് പറയുന്നത്.

കണ്ണ് തള്ളി നില്‍ക്കുന്നതു പോലുള്ള തോന്നല്‍ വന്നാല്‍ അത് ഗോയിറ്റര്‍ രോഗത്തിന്റെ ഭാഗമായിരിക്കും.

കണ്ണില്‍ ചുവപ്പ്, ചൊറിച്ചില്‍, കണ്ണു കടയുക തുടങ്ങിയവ അലര്‍ജിയുടെ ലക്ഷണങ്ങളാണ്.

കണ്ണിന് കാഴ്ചക്കുറവ് അനുഭവപ്പെടുക, കണ്ണില്‍ ഇരുട്ടു കയറുക, വ്യക്തമായി സാധനങ്ങള്‍ കാണാതെ വരിക തുടങ്ങിയ ലക്ഷണങ്ങളുണ്ടെങ്കില്‍ എത്രയും വേഗം വൈദ്യസഹായം തേടണം. കാരണം ഇത് പലപ്പോഴും കണ്ണിനെയോ തലച്ചോറിനെയോ ബാധിക്കുന്ന രോഗങ്ങള്‍ കാരണവുമാകാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.