മറുകും രോഗലക്ഷണമാകാം

ചര്‍മത്തിലുണ്ടാകുന്ന വ്യത്യാസങ്ങളും അസുഖങ്ങളുടെ ലക്ഷണങ്ങളാകാം.

മറുക്, കാക്കാപ്പുള്ളി എന്നിവ വെറും സൗന്ദര്യപ്രശ്‌നം മാത്രമല്ലാ, അധികം മറുകുകള്‍ അര്‍ബുദ ലക്ഷണവുമാകാം. മറുക് വലിപ്പം വയ്ക്കുക, ചൊറിച്ചിലോ വേദനയോ അനുഭവപ്പെടുക, ഇതില്‍ നിന്നും ചോര വരിക തുടങ്ങിയ ലക്ഷണങ്ങള്‍ എന്തെങ്കിലും അസുഖം കാരണവുമാകാം.

ഇതുപോലെയാണ് അരിമ്പാറയും. ഇത് വൈറസ് ബാധയുടെ ലക്ഷണമാണ്.

ക്രമത്തില്‍ കവിഞ്ഞ കിതപ്പും ശ്വാസമെടുക്കുമ്പോള്‍ കുറുകലുമുണ്ടെങ്കില്‍ ഇത് ആസ്തമയുടെ ലക്ഷണമാകാം. അല്ലെങ്കില്‍ അലര്‍ജിയാകാം.

പല്ലു നോക്കിയും രോഗം തിട്ടപ്പെടുത്താം. പല രോഗങ്ങളുടേയും ആദ്യലക്ഷണം പല്ലില്‍ പ്രത്യക്ഷപ്പെടുമെന്ന് പറയും.

ഹൃദയവാല്‍വിന് തകരാറുണ്ടെങ്കില്‍ പല്ലില്‍ നോക്കി കണ്ടെത്താം.

പ്രമേഹരോഗികള്‍ മോണയില്‍ നിന്ന് രക്തം വരുന്നതു കണ്ടാല്‍ ഉടന്‍ ഡോക്ടറെ കണ്ട് ഉപദേശം തേടണം.

സ്ത്രീകളില്‍ മാസമുറ സമയത്ത് മോണവീക്കം കണ്ടുവരാറുണ്ട്. എന്നാല്‍ ഇത് രോഗലക്ഷണമായി എടുക്കേണ്ടതില്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.