ലിപോസക്ഷന്‍ വഴി വണ്ണം കുറയ്ക്കുമ്പോള്‍...

പൊതുവെ പറഞ്ഞാല്‍ വണ്ണം കുറയുമെങ്കിലും ഇത് അല്‍പം അപകടം പിടിച്ച രീതിയാണ്. കൃത്യമായ അളവിലേ ശരീരത്തില്‍ നിന്ന് കൊഴുപ്പു നീക്കാനാവൂ. അല്ലെങ്കില്‍ ഇത് ശസ്ത്രക്രിയക്കു വിധേയനാകുന്ന വ്യക്തിയുടെ മരണത്തില്‍ വരെ കലാശിച്ചേക്കാം. അതുകൊണ്ടു തന്നെ പല രാജ്യങ്ങളിലും ഇത്തരം ശസ്ത്രക്രിയക്ക് ചില നിയമങ്ങളുമുണ്ട്.

ഈ ശസ്ത്രക്രിയ കൊണ്ട് വണ്ണം കുറയുകയല്ല, കൊഴുപ്പു നീക്കുക മാത്രമാണ് ചെയ്യുന്നത്. വ്യായാമവും ഡയറ്റും പ്രയോജനം ചെയ്തില്ലെങ്കിലേ ഇത്തരം രീതിയെക്കുറിച്ച് ചിന്തിക്കാവൂ.

പലപ്പോഴും ചലച്ചിത്ര താരങ്ങളും മറ്റും തങ്ങളുടെ ജോലിയും പ്രശസ്തിയുമായി ബന്ധപ്പെട്ടാണ് ലിപോസക്ഷന് മുതിരുന്നത്. ഇത്തരം ആവശ്യങ്ങളില്ലെങ്കില്‍ ലിപോസക്ഷന്‍ അനിവാര്യമാണോ എന്ന് ഓര്‍ക്കണം.

വൈദഗ്ധ്യമുള്ള ഡോക്ടറുടെ അടുത്തേ ഇത്തരം ശസ്ത്രക്രിയക്കായി പോകാവൂ എന്നതും പ്രധാനമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.