തടിച്ചവര്‍ക്ക് ആയുസ്സ് കൂടും?

തടിയുള്ളവര്‍ക്ക് ആയുസ്സ് കൂടുമെന്നാണ് പുതിയ റിപ്പോര്‍ട്ട്. അമേരിക്കയിലെ ഗവേഷകര്‍ നടത്തിയ ഒരു പഠനത്തിലാണ് ഇക്കാര്യം കണ്ടെത്തിയത്. കാലിഫോര്‍ണിയ യൂണിവേഴ്‌സിറ്റിയിലെ ഗവേഷകര്‍ 350,000 ആളുകളിലാണ് പഠനം നടത്തിയത്.

തടികൂടുതലുള്ളവര്‍ പലമാര്‍ഗ്ഗത്തിലൂടെ പെട്ടെന്ന് അത് കുറയ്ക്കാന്‍ നോക്കുന്നത് അപകടം ക്ഷണി്ച്ചുവരുത്തലാകുമെന്നാണ് ഗവേഷകര്‍ പറയുന്നത്. മെലിയാനുള്ള അമിതമായ ആഗ്രഹവും ഭക്ഷണം നിയന്ത്രിക്കലുമെല്ലാം ആരോഗ്യത്തെ നശിപ്പിക്കുമത്രേ.

നല്ല ആരോഗ്യകരമായ ഭക്ഷണരീതി അതിനൊപ്പം ആസ്വാദ്യകരമായ രീതിയില്‍ വ്യായാമം ഇത്രയുമാണ് നല്ല ശരീരത്തിന് ആവശ്യമെന്നാണ് ഗവേഷകര്‍ പറയുന്നത്. ഈ രീതി പിന്തുടര്‍ന്നിട്ടും ഒരല്‍പം വണ്ണം കൂടുതലാണെങ്കിലും ആശങ്കപ്പെടാനില്ലെന്നും അത്തരക്കാര്‍ കൂടുതല്‍ക്കാലം ജീവിക്കുമെന്നും ഗവേഷകര്‍ സാക്ഷ്യപ്പെടുത്തുന്നു.

ഏറെക്കാലത്തെ പഠനത്തിനും നിരീക്ഷണത്തിനുമൊടുവിലാണ് ഗവേഷകര്‍ ഈ നിയമനത്തില്‍ എത്തിയിരിക്കുന്നത്. പഠനത്തിനിടെ അമിതഭാരമുള്ളവര്‍ പൊതുവേ മറ്റുള്ളവരെ അപേക്ഷിച്ച് കൂടുതല്‍ക്കാലം ജീവിക്കുന്നതായി തങ്ങള്‍ കണ്ടെത്തിയെന്നും ഗവേഷകര്‍ പറയുന്നു.

ഇത്തരക്കാരില്‍ ടൈപ്പ് ടു പ്രമേഹം, ഹൃദ്രോഗം എന്നിവ കുറഞ്ഞ തോതില്‍ മാത്രമേ കണ്ടെത്തിയിട്ടുമുള്ളുവത്രേ. തടികൂടുന്നതുമാത്രം ഇത്തരം രോഗങ്ങള്‍ വരാന്‍ ഒരു കാരണമാകില്ലെന്നാണ് അവര്‍ പറയുന്നത്.

അരോഗ്യകരമല്ലാത്ത ഭക്ഷണശീരവും വ്യായാമത്തിന്റെ കുറവുമാണ് പലരെയും രോഗങ്ങളിലേയ്ക്ക് തള്ളിവിടുന്നത്. അതുകൊണ്ട് അല്‍പം തടിയുണ്ടെങ്കിലും അതോര്‍ത്ത് മനസ്സുപുണ്ണാക്കാതെ നല്ല ഭക്ഷണശീലത്തിലേയ്ക്കും നിത്യേനയുള്ള വ്യായാമത്തിലേയ്ക്കും ഉടനടി മാറിക്കൊള്ളൂ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.