ഉറങ്ങൂ... ജലദോഷത്തെ അകറ്റൂ

Studies

oi-Staff

By Staff

Published: Saturday, January 17, 2009, 16:01 [IST]

വേനല്‍ക്കാലത്തായാലും മഴക്കാലത്തായാലും ജലദോഷം മിക്കവരെയും അലട്ടുന്ന ഒരു അസ്വസ്ഥതയാണ്‌. ജലദോഷത്തെ പൂര്‍ണമായും ഭേദമാക്കാന്‍ ഇന്നേവരെ കൃത്യമായൊരു മരുന്നു കണ്ടെത്തന്‍ വൈദ്യശാസ്‌ത്രത്തിന്‌ കഴിഞ്ഞിട്ടില്ല.

മരുന്നുകഴിച്ചാല്‍ ഒരാഴ്‌ച കൊണ്ടും മരുന്നു കഴിച്ചില്ലെങ്കില്‍ ഏഴ്‌ ദിവസം കൊണ്ടും ജലദോഷം മാറുമെന്ന്‌ ഒരു ചൊല്ലുതന്നെയുണ്ട്‌. എന്നാല്‍ വിശ്രമം ജലദോഷത്തിനും അതുമൂലമുണ്ടാകുന്ന പനിയ്‌ക്കും ഒരു നല്ലമരുന്നാണെന്ന്‌ പറയാറുണ്ട്‌.

ഈയിടെ നടന്ന ഒരു പഠനത്തിലും ഉറക്കം ജലദോഷത്തിന്‌ ഒരു നല്ലമരുന്നാണെന്ന്‌ കണ്ടെത്തിയിട്ടുണ്ട്‌. ദിവസവും എട്ടുമണിക്കൂറോ അതില്‍ കൂടുതലോ ഉറങ്ങുന്നവര്‍ക്ക്‌ ജലദോഷം ഉണ്ടാകാനുള്ള സാധ്യത വളരെക്കുറവാണെന്ന്‌ പിറ്റ്‌സ്‌ബര്‍ഗിലെ കാര്‍ണീജ്‌ മെലണ്‍ സര്‍വ്വകലാശാലയിലെ ഗവേഷകര്‍ പറയുന്നു.

എത്രയും കൂടുതല്‍ ഉറങ്ങുന്നോ ജലദോഷമുണ്ടാകാനുള്ള സാധ്യത അത്രയും കൂടുതല്‍ കുറയും. 21നും 55നും ഇടയില്‍ പ്രായമുള്ള 78 പുരുഷന്മാരിലും 75 സ്‌ത്രീകളിലും വൈറസ്‌ സ്‌പ്രേ ചെയ്‌താണ്‌ നിരീക്ഷണം നടത്തിയത്‌.

കിടക്കയില്‍ അധികസമയം ചെലവഴിക്കുന്നത്‌ ഉറക്കത്തിന്‌ തടസ്സമുണ്ടാകാന്‍ കാരണമാകുമെന്നും ഗവേഷണത്തിന് നേതൃത്വം നല്‍കിയ ഡോക്ടര്‍ ഡാനിയേല്‍ ബയസ്‌ പയുന്നു. അതുകൊണ്ട്‌ ഉറക്കത്തിന്‌ തടസ്സമുണ്ടാകാതെ നോക്കുക. ജലദോഷം അടുത്തുപോലും വരില്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.