ഒരു ദിവസത്തെ മാതൃകാ ഭക്ഷണം

രാവിലെ ആറു മണി

രാവിലെ എഴുന്നേറ്റ് ഹാങ് ഓവര്‍ മാറ്റാന്‍ ഒരു കപ്പ് ചായയോ, കാപ്പിയോ കുടിക്കുന്നതില്‍ തെറ്റില്ല.

രാവിലെ എട്ടു മണി

ഇഡ്ഡലി, ദോശ ആറെണ്ണം മാത്രം കഴിക്കുക. അല്ലെങ്കില്‍ ചപ്പാത്തി കഴിക്കാം. ഇതിനു ഉരുളക്കിഴങ്ങ് കറി, ദാല്‍ എന്നിവ കൂട്ടാം. പുട്ട് കഴിക്കുമ്പോള്‍ രണ്ട് കഷ്ണം മാത്രം കഴിച്ചാല്‍ മതി. കടലക്കറിയാണ് ഏറ്റവും ഉചിതം. പ്രാതലിനോടൊപ്പം ഒരു ഗ്ലാസ് പാലും കുടിക്കുക.

ഉച്ചയ്ക്ക് 12.30ന്

ഉച്ചയ്ക്ക് ഭക്ഷണം കഴിക്കുന്നതിന് ഉചിതമായ സമയം 12.30 ആണ്. ചോറ്, പരിപ്പ്, അവയില്‍, സാലഡ്, തൈര്, ചെറുപഴം എന്നിവ ചേര്‍ന്നതാകട്ടെ ഭക്ഷണം.

ഉച്ച ഭക്ഷണം

ചോറ്, സാമ്പാര്‍, തൈര്, തോരന്‍, സാലഡ് എന്നിവ ചേര്‍ന്ന ഉച്ചയൂണും കഴിക്കാം.

ഉച്ച ഭക്ഷണം

ചേറ്, മീന്‍കറി, തോരന്‍, അവിയല്‍, രസം, മോര്, സാലഡ് എന്നിവ ചേര്‍ന്ന ഉച്ചയൂണും ആരോഗ്യപ്രദമാണ്.

വൈകുന്നേരം 4.30

ചായയോ, കാപ്പിയോ കുടിക്കാം. ഇതിന്റെ കൂടെ വട, വെജിറ്റബിള്‍ കട്‌ലറ്റ്, പഴം എന്നിവ കഴിക്കാം. എണ്ണത്തില്‍ ശ്രദ്ധിക്കണം, രണ്ടെണ്ണത്തില്‍ കൂടുതല്‍ കഴിക്കരുത്.

രാത്രി എട്ട് മണി

അത്താഴവും ഒരു ദിവസത്തെ പ്രധാന ഭക്ഷണമാണ്. ചോറ്, സാമ്പാര്‍, തീയല്‍, തോരന്‍, മോര് എന്നിവ അടങ്ങിയ ഭക്ഷണമാണ് മികച്ചത്.

അത്താഴം

ചോറ് കഴിക്കാന്‍ ബുദ്ധിമുട്ടുള്ളവര്‍ ചപ്പാത്തി, ദാല്‍, കൂട്ടുകറി എന്നിവ കഴിക്കാം.

ഉറങ്ങാന്‍ കിടക്കുന്നതിനുമുന്‍പ്

ഉറങ്ങാന്‍ കിടക്കുന്നതിനുമുന്‍പ് ഒരു ഗ്ലാസ് പാല്‍ കുടിക്കുന്നത് നല്ലതാണ്.