Click it and Unblock the Notifications
Latest Updates
-
നവംബർ 5: ഇന്ന് ഗജകേസരി യോഗം; ഈ സമയത്ത് ചെയ്യേണ്ടതും ഒഴിവാക്കേണ്ടതും എന്തൊക്കെ? -
രാഹുകാലവും യമകണ്ഠവും: കൃത്യമായ സമയം അറിയാൻ ഈ ലളിതമായ വഴികൾ പരീക്ഷിക്കൂ -
ദീപാവലിക്ക് വീട് വൃത്തിയാക്കുമ്പോൾ ഈ വാസ്തു തെറ്റുകൾ വരുത്തരുത്; ഐശ്വര്യം നഷ്ടപ്പെടാം -
ബുധാദിത്യ യോഗം: നവംബർ 4 മുതൽ 6 വരെ ശ്രദ്ധിക്കേണ്ട കാര്യങ്ങൾ ഇതാ -
ധൻതേരസ് ഷോപ്പിംഗ്: ലക്ഷ്മി യോഗം നോക്കി സ്വർണം വാങ്ങുമ്പോൾ ഈ കാര്യങ്ങൾ മറക്കരുത്! -
ധൻതേരാസിന് തൊട്ടുമുമ്പ് സ്വർണവിലയിൽ വൻ കുതിപ്പ്; ഇന്നത്തെ നിരക്കുകൾ ഇങ്ങനെ -
നവംബർ 6-ന് ശുക്രൻ കന്നി രാശിയിലേക്ക്: വക്രഗതിയിൽ ഈ 12 രാശിക്കാർക്കും കരുതലോടെയുള്ള മാറ്റങ്ങൾ -
ദീപാവലി മുഹൂർത്ത ട്രേഡിങ്: ലാഭകരമാക്കാൻ ഈ കാര്യങ്ങൾ ശ്രദ്ധിക്കൂ, സമയക്രമം ഇങ്ങനെ -
ദീപാവലി: വീട്ടിൽ ലളിതമായി ലക്ഷ്മീപൂജ നടത്താം; ഈ കാര്യങ്ങൾ ശ്രദ്ധിച്ചാൽ ഐശ്വര്യം കൂടും -
ധൻതേരസ് 2026: സ്വർണ്ണവും ഗാഡ്ജറ്റുകളും വാങ്ങാൻ ഭാഗ്യമുള്ള രാശികൾ; ഒപ്പം ശ്രദ്ധിക്കേണ്ട സുരക്ഷാ ടിപ്സുകൾ!
അപ്പന്റിസൈറ്റിസ്‌ എന്ന അപകടകാരി
മനുഷ്യ ശരീരത്തില്‍ ഈ അവയവത്തിന്‌ എന്തെങ്കിലും പ്രത്യേക ധര്‍മ്മമുള്ളതായി ഇതുവരെയുള്ള പഠനങ്ങളിലൊന്നും തെളിയിക്കപ്പെട്ടിട്ടില്ല. എന്നാല്‍ ഈ അവയവം ഉണ്ടാക്കുന്ന പൊല്ലാപ്പാണെങ്കില്‍ സഹിക്കാന്‍ വയ്യാത്തതുമാണ്‌.
ശസ്‌ത്രക്രിയ കൂടാതെ ഭേദപ്പെടുത്താന്‍ കഴിയില്ലെന്നതാണ്‌ ഇതിന്റെ പ്രധാന പ്രശ്‌നം. ഏഴുമുതല്‍ പത്തുസെന്റീമീറ്റര്‍വരെ വലിപ്പമുള്ള ഈ അവയവത്തിന്‌ ഒരു മണ്ണിരയുടെ ആകൃതിയാണ്‌. അതുകൊണ്ട്‌ ഇതിനെ വെര്‍മിഫോം അപ്പന്‍ഡിക്‌സ്‌ എന്നാണ്‌ വിളിക്കുന്നത്‌.
ഈ അവയവം വീങ്ങി വീര്‍ത്ത്‌ വരുന്ന അവസ്ഥയാണ്‌ അപ്പന്റിസൈറ്റിസ്‌. ആദ്യകാലങ്ങളിലെല്ലാം കുഞ്ഞുങ്ങളിലും മറ്റും ഈ രോഗം അപൂര്‍വ്വമായേ വന്നിരുന്നുള്ളു. എന്നാല്‍ ജീവിതശൈലീ മാറ്റവും അതിന്റെ ഭാഗമായി ഭക്ഷണ രീതിയില്‍വന്ന മാറ്റങ്ങളും ആ രോഗത്തിന്‌ പ്രായഭേദമില്ലാതാക്കിയിരിക്കുന്നു. പത്തു വയസ്സിനും ഇരുപത്‌ വയസ്സിനും ഇടയിലുള്ളവരിലാണ്‌ രോഗംവരാന്‍ കൂടുതല്‍ സാധ്യത.
രോഗം വരാനുള്ള പ്രധാന കാരണങ്ങള്‍
നാരുള്ള ഭക്ഷണത്തിന്റെ കുറവ്‌, ഭക്ഷണത്തിലെ അന്നജത്തിന്റെ ആധിക്യം
അന്നപഥത്തിലുള്ള കീടങ്ങളും മാലിന്യങ്ങളും ഇതിനുള്ളിലെത്തിയാല്‍ അപ്പന്റിസൈറ്റിസ്‌ വരാം
ചില വൈറസുകളും അപ്പന്റിക്‌സിന്‌ ഉള്ളില്‍ കടന്ന്‌ രോഗത്തിന്‌ വഴിവയ്‌ക്കും
മലം അപ്പന്റിക്‌സന്റെ ഉള്ളില്‍ കടന്ന്‌ ഇതിന്റെ വായ്‌ ഭാഗം അടഞ്ഞുപോയാലും രോഗം വരാം
രോഗലക്ഷണങ്ങള്‍
ചിലരില്‍ വയറില്‍ എരിച്ചിലായും കാളിച്ചയായും രോഗലക്ഷണം തുടങ്ങുന്നു. പൊക്കിളിന്‌ ചുറ്റും കഠിനമായ വേദനയായിരിക്കും ചിലര്‍ക്കുണ്ടാവുന്നത്‌.
വേദന പൊക്കിളിന്‌ താഴെ വലതുവശത്തായി കേന്ദ്രീകരിക്കുന്നു. രോഗലക്ഷണങ്ങല്‍ വിവരിച്ച ചാള്‍സ്‌ മക്‌ബര്‍ണിയുടെ പേരാണ്‌ ഈ സ്ഥാനത്തിന്‌ നല്‍കിയിരിക്കുന്നത്‌. മക്‌ബര്‍ണീസ്‌ പോയിന്റ്‌ എന്നാണ്‌ ഈ ഭാഗത്തെ പറയുന്നത്‌. വയറില്‍ അമര്‍ത്തമ്പോള്‍ കഠിനമായ വേദന അനുഭവപ്പെടും.
വേദനയോടൊപ്പംതന്നെ ചിലരില്‍ ചര്‍ദ്ദി, വിശപ്പില്ലായ്‌മ, പനി എന്നിവ അനുഭവപ്പെടും.
വയറിന്റെ വലതുഭാഗത്ത്‌ കൈകൊണ്ട്‌ അമര്‍ത്തുമ്പോള്‍ വേദന അനുഭവപ്പെടുന്നുണ്ടെങ്കില്‍ അസുഖം അപ്പന്റിസൈറ്റിസ്‌ തന്നെയാണെന്ന്‌ ഊഹിക്കാം.
ചികിത്സ
വച്ചു താമസിപ്പിക്കാതെ വൈദ്യസഹായം തേടുകയെന്നതാണ്‌ പ്രധാനമായും ചെയ്യേണ്ടത്‌. അവയവം വീര്‍ത്ത്‌ പൊട്ടിയാല്‍ അതിലെ മാലിന്യങ്ങള്‍ വയറ്റില്‍ കലരുകയും മരണം വരെ സംഭവിക്കാനിടവരുകയും ചെയ്യും.
രക്തപരിശോധന, മൂത്രപരിശോധന, അള്‍ട്രാസൗണ്ട്‌ സ്‌കാനിങ്‌ എന്നിവ വഴിയെല്ലാം രോഗം നിര്‍ണയിക്കാന്‍ കഴിയും. രോഗം വന്നുകഴിഞ്ഞാല്‍ എത്രയും പെട്ടന്ന്‌ ശസ്‌ത്രക്രിയ നടത്തി അപ്പന്റിക്സ് എടുത്തുകളയുന്നതാണ്‌ നല്ലത്‌. ഉദരം തുറന്നും ലാപ്രോസ്‌കോപ്‌ ഉപയോഗിച്ചും ശസ്‌ത്രക്രിയ നടത്താം.
Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.
Continue with Google
