യോഗ ചെയ്ത് സ്‌ട്രോക്കിനോട് പോരാടൂ

പത്മാസനം

ധ്യാനത്തിലിരിക്കുന്നതിന് വളരെ പ്രധാനപ്പെട്ട ആസനമാണിത്. ശരീരത്തിന് സ്ഥിരതയും മനസ്സിന് നിയന്ത്രണവും ഏകാഗ്രതയും ലഭിക്കുന്നു.

ഭുജംഗാസനം

ഭുജംഗാസനം വഴി അരക്കെട്ടും അതിനോടനുബന്ധിച്ചുള്ള അവയവങ്ങളും ശക്തമാകുന്നു. ശ്വാസകോശത്തിനും ഹൃദയത്തിനും നല്ല വികാസം ലഭിക്കുന്നു. കൈകളും പുറത്തെ പേശികളും ശക്തമാകുന്നു. ഇതുമൂലം സ്‌ട്രോക്കിനെ ചെറുത്തുനിര്‍ത്താം.

വ്യാഘ്രാസനം

ശ്വാസകോശത്തിനും ഹൃദയത്തിനും നല്ല വികാസം കിട്ടുന്നു. സ്‌ട്രോക്കിനു കാരണമാകുന്ന പല രോഗങ്ങള്‍ക്കും നല്ലൊരു പ്രതിവിധിയാണിത്.

വൃക്ഷാസനം

ഏകാഗ്രതയ്ക്ക് അനുയോജ്യമായ ആസനമാണിത്. ശരീരത്തിന്റെ ബാലന്‍സ് നിലനിര്‍ത്തുന്നതിന് സഹായിക്കുന്നു.

ഉഷ്ട്രാസനം

ഹൃദയത്തിനും ശ്വാസകോശത്തിനും നല്ല വികാസവും ആരോഗ്യവും ലഭിക്കുന്നു. രക്തചംക്രമണം ക്രമീകരിക്കപ്പെടുകയും ചെയ്യുന്നു. മാനസിക രോഗങ്ങള്‍ക്ക് നല്ലൊരു പ്രതിവിധിയാണിത്. സ്‌ട്രോക്കു വരുന്നതില്‍ നിന്നും ശരീരത്തെ വളരെയധികം സഹായിക്കുന്ന യോഗയാണിത്.

വൃശ്ചികാസനം

ഹൃദയത്തിനും ശ്വാസകോശത്തിനും ആമാശയത്തിനും നല്ലരീതിയിലുള്ള പ്രവര്‍ത്തനം കിട്ടുന്നു. ശരീരത്തിലെ എല്ലാ ആന്തരികാവയവങ്ങളുടെയും പ്രവര്‍ത്തനം സുഗമമാകുന്നതുകൊണ്ട് സ്‌ട്രോക്കിനുള്ള സാധ്യത കുറയുന്നു.

വനമുക്താസനം

നട്ടെല്ലിനും കഴുത്തിനും ബലം ലഭിക്കുന്നു. നടുവേദനയ്ക്കും ശമനമുണ്ടാകുന്നു. ഇതും സ്‌ട്രോക്കിനോട് പോരാടും.

ധനുരാസനം

കുടവയര്‍ ചുരുങ്ങുന്നതിനു സഹായിക്കുന്ന ആസനമാണിത്. ശ്വാസകോശത്തിനും ഹൃദയത്തിനും നല്ല വികാസം ലഭിക്കുന്നു.

പര്‍വതാസനം

തലച്ചോറിന്റെ പ്രവര്‍ത്തനം നല്ല രീതിയില്‍ നടക്കാന്‍ സഹായിക്കും. ഉദരസംബന്ധമായ രോഗങ്ങള്‍ക്ക് ശമനം ലഭിക്കുന്നു. ഇതിലൂടെ സ്‌ട്രോക്കിനോട് പൊരുതാം.