ശരീരത്തിലെ പുറംഭാഗത്തുണ്ടാവുന്ന കുരുക്കള്‍ നിസ്സാരമല്ല: പരിഹാരം ഇതാ

ടീ ട്രീ ഓയില്‍

ചര്‍മ്മസംരക്ഷണത്തിന്റെ കാര്യത്തില്‍ നാം വളരെയധികം ശ്രദ്ധിക്കേണ്ടിയിരിക്കുന്നു. ഇതില്‍ ടീ ട്രീ ഓയില്‍ അല്‍പം പ്രതിരോധം തീര്‍ക്കുന്നതാണ്. മുഖക്കുരുവിന്റെ പാടുകള്‍ പോലും ശരീരത്തില്‍ ഇല്ലാതെ പ്രതിരോധിക്കുന്നതാണ് എന്തുകൊണ്ടും ടീ ട്രീ ഓയില്‍. ഇതിലെ ആന്റി ബാക്ടീരിയല്‍ ഗുണങ്ങള്‍ മുഖക്കുരു ചികിത്സകളില്‍ ഏറ്റവും ശക്തമായ ഒന്നാണ്. ടീ ട്രീ ഓയില്‍ മുഖക്കുരു ഉള്ളവര്‍ തേക്കുന്നത് നിങ്ങളുടെ ചര്‍മ്മത്തിലുണ്ടാവുന്ന അസ്വസ്ഥതകളെ പ്രതിരോധിക്കുന്നതിന് സഹായിക്കുന്നു. പക്ഷേ ടീ ട്രീ ഓയില്‍ വളരെ ശക്തമായ ഒന്നായത് കൊണ്ട് തന്നെ ഇത് ചര്‍മ്മത്തില്‍ പുരട്ടുന്നതിനുമുമ്പ് എല്ലായ്‌പ്പോഴും ഒരു കാരിയര്‍ ഓയിലുമായി കലര്‍ത്തണമെന്നും ശ്രദ്ധിക്കേണ്ടതാണ്.

എക്‌സ്‌ഫോളിയേഷന്‍

ചര്‍മ്മം എക്‌സ്‌ഫോളിയേറ്റ് ചെയ്യുന്നത് എന്തുകൊണ്ടും നല്ലതാണ്. ഇത് നമ്മുടെ ആരോഗ്യത്തിനുണ്ടാക്കുന്ന അസ്വസ്ഥതകളെ പ്രതിരോധിക്കുന്നതോടൊപ്പം തന്നെ ചര്‍മ്മത്തിലെ മുഖക്കുരു പോലുള്ള അസ്വസ്ഥതകളെ പൂര്‍ണമായും ഇല്ലാതാക്കുന്നു. എക്‌സ്‌ഫോളിയേറ്റ് ചെയ്യുന്നതിലൂടെ അത് ചര്‍മ്മത്തിലുണ്ടാവുന്ന മൃതകോശങ്ങളെ നീക്കം ചെയ്യുന്നു. ഇത് സുഷിരങ്ങള്‍ വൃത്തിയാക്കാന്‍ സഹായിക്കുന്നു. അതുപോലെ തന്നെ ചര്‍മ്മത്തിനെ ആഴത്തില്‍ ക്ലീന്‍ ചെയ്യുന്നതിനും സഹായിക്കുന്നു. ബോഡി സ്‌ക്രബ്ബില്‍ ബ്രൗണ്‍ ഷുഗറും തേനും മിക്‌സ് ചെയ്ത് ഇത് കൊണ്ട് പ്രകൃതിദത്ത ബോഡി സ്‌ക്രബ്ബ് ഉണ്ടാക്കാവുന്നതാണ്. എന്നാല്‍ ചര്‍മ്മം സെന്‍സിറ്റീവ് ആണെങ്കില്‍ അത് ചര്‍മ്മത്തില്‍ അധികം അമര്‍ത്താതെ സ്‌ക്രബ്ബ് ചെയ്യുന്നതിന് ശ്രദ്ധിക്കണം. ഇത്തരം അവസ്ഥയില്‍ സ്‌ക്രബ്ബ് ഉപയോഗിക്കുമ്പോള്‍ ചര്‍മ്മം പൊട്ടിപ്പോവാതെ ശ്രദ്ധിക്കണം.

കറ്റാര്‍വാഴ

കറ്റാര്‍ വാഴ ചര്‍മ്മത്തിനും സൗന്ദര്യത്തിനും ആരോഗ്യത്തിനും ഒരുപോലെ ഉപയോഗിക്കാന്‍ സാധിക്കുന്നതാണ്. അതുകൊണ്ട് തന്നെ ഏത് പ്രശ്‌നത്തേയും പ്രതിരോധിക്കുന്നതിന് വേണ്ടി നമുക്ക് ചില കാര്യങ്ങള്‍ ശ്രദ്ധിക്കാവുന്നതാണ്. ചര്‍മ്മത്തിലെ അസ്വസ്ഥതകള്‍ക്ക് കാരണമാകുന്ന മുഖക്കുരു പോലുള്ള അവസ്ഥയെ പ്രതിരോധിക്കുന്നതിന് നമുക്ക് കറ്റാര്‍വാഴ ഉപയോഗിക്കാവുന്നതാണ്. കറ്റാര്‍വാഴയിലുണ്ടാവുന്ന ഗുണങ്ങള്‍ ചര്‍മ്മത്തില്‍ നിങ്ങളെ പ്രശ്‌നത്തിലേക്ക് നയിക്കുന്ന കഴുത്തിലേയും പുറത്തേയും കുരുവിന് പരിഹാരം കാണുന്നു. ഇത് ചൊറിച്ചിലിനെ ഇല്ലാതാക്കുന്നതിനും സഹായിക്കുന്നു. എല്ലാ വിധത്തിലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് ഒറ്റമൂലിയാണ് കറ്റാര്‍വാഴ.

പാലുല്‍പ്പന്നങ്ങള്‍ കുറക്കുക

പാലുല്‍പ്പന്നങ്ങള്‍ കുറക്കുന്നത് മുഖക്കുരു പോലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് സഹായിക്കുന്നു. കാരണം അമിതമായി പാലുല്‍പ്പന്നങ്ങള്‍ ഉപയോഗിക്കുന്നവരില്‍ പെട്ടെന്ന് മുഖക്കുരുവും പുറംഭാഗത്ത് കുരുവും ചര്‍മ്മത്തില്‍ അസ്വസ്ഥതകളും ഉണ്ടാക്കുന്നു. പ്രത്യേകിച്ച് കൊഴുപ്പ് കുറഞ്ഞ ഉത്പ്പന്നങ്ങള്‍ ഉപയോഗിക്കുന്നവരെങ്കില്‍ അത് വലിയ പ്രശ്‌നം ഉണ്ടാക്കുന്നില്ല. കാരണം കൊഴുപ്പ് കുറഞ്ഞവ, മുഖക്കുരു തടയാന്‍ സഹായിച്ചേക്കാം. പഠനമനുസരിച്ച് പാല്‍ ഉല്‍പന്നങ്ങളില്‍ ഉള്‍പ്പെടുത്തിയിരിക്കുന്ന ആന്‍ഡ്രോജനുകളും വളര്‍ച്ചാ ഹോര്‍മോണുകളും മുഖക്കുരു വര്‍ദ്ധിക്കുന്നതിന് കാരണമാകുന്നു. അതുകൊണ്ട് പാലുല്‍പ്പന്നങ്ങള്‍ പരമാവധി ഒഴിവാക്കുന്നതിന് ശ്രദ്ധിക്കണം.