ലോക്ക്ഡൗണില്‍ മുഖംമിനുക്കാന്‍ സിംപിള്‍ ഫേഷ്യലുകള്‍

വാഴപ്പഴം ഫേഷ്യല്‍

നിങ്ങളുടെ ചര്‍മ്മത്തില്‍ പ്രയോഗിക്കാന്‍ കഴിയുന്ന ഏറ്റവും സ്വാഭാവികവും വീട്ടിലുണ്ടാക്കാവുന്ന ഏറ്റവും മികച്ച ഫേഷ്യല്‍ മാസ്‌കുകളുമാണ് വാഴപ്പഴ മാസ്‌കുകള്‍. ഇത് ചര്‍മ്മത്തെ മോയ്‌സ്ചറൈസ് ചെയ്യാനും ചര്‍മ്മത്തെ മൃദുവാക്കാനും സഹായിക്കുന്നു. ഒരു വാഴപ്പഴം മിനുസമാര്‍ന്ന പേസ്റ്റ് രൂപത്തില്‍ ഉടച്ചെടുക്കുക. എന്നിട്ട്, സൗമ്യമായി നിങ്ങളുടെ മുഖത്തും കഴുത്തിലും പുരട്ടുക. ഇത് 10 മുതല്‍ 20 മിനിറ്റ് വരെ ഉണങ്ങാന്‍ വിടുക. എന്നിട്ട് തണുത്ത വെള്ളത്തില്‍ കഴുകിക്കളയുക. 1/4 കപ്പ് തൈര്, 2 ടേബിള്‍സ്പൂണ്‍ തേന്‍, 1 ഇടത്തരം വാഴപ്പഴം എന്നിവ കൂട്ടിച്ചേര്‍ത്തും നിങ്ങള്‍ക്ക് മാസ്‌ക് തയാറാക്കി ഉപയോഗിക്കാവുന്നതാണ്.

പാല്‍ ഫേഷ്യല്‍

ആരോഗ്യത്തിനും ചര്‍മ്മത്തിന് കൂടുതല്‍ ഗുണം ചെയ്യുന്നതുമായി പാലിനേക്കാള്‍ മികച്ചത് ഒന്നുംതന്നെയില്ല. ചര്‍മ്മത്തെ മൃദുവാക്കാനും ചര്‍മ്മത്തിന്റെ പിഗ്മെന്റേഷന്‍ കുറയ്ക്കാനും ജലാംശം കുറയ്ക്കാനും മുഖക്കുരു പോലുള്ള പ്രശ്‌നങ്ങള്‍ പരിഹരിക്കാനുമുള്ള കഴിവ് പാലിനുണ്ട്. ഈ ഫെയ്‌സ് മാസ്‌ക് നിര്‍മ്മിക്കുന്നതിന്, പാലും വെള്ളവും ചേര്‍ത്ത് മിശ്രിതമാക്കുക. ഇതുപയോഗിച്ച് നിങ്ങളുടെ മുഖം നന്നായി മൂടുക. ഇത് പൂര്‍ണ്ണമായും വരണ്ടതാക്കി കഴിഞ്ഞ് ചെറുചൂടുള്ള വെള്ളത്തില്‍ കഴുകുക. താമസിയാതെ, നിങ്ങളുടെ മുഖം പുതുമയുള്ളതും പുനരുജ്ജീവിപ്പിക്കുന്നതുമായി അനുഭവപ്പെടും.

തൈര് ഫേഷ്യല്‍

ചര്‍മ്മത്തിന്റെ മൃദുലതയെക്കുറിച്ച് സംസാരിക്കുമ്പോള്‍ തൈരിനെ മറക്കാന്‍ കഴിയില്ല. ചര്‍മ്മത്തെ ശുദ്ധീകരിക്കാനും സുഷിരങ്ങള്‍ ശക്തമാക്കാനും നിങ്ങളുടെ മുഖത്ത് കുറച്ച് തൈര് പുരട്ടുക. തൈര് വെറുതേ പുരട്ടി 20 മിനിറ്റ് കഴിഞ്ഞ് കഴുകി കളയാവുന്നതാണ്. മുഖത്തെ പുനരുജ്ജീവിപ്പിക്കുന്നതിന് മറ്റൊരു വഴി 1 ടീസ്പൂണ്‍ തൈര്, 2-3 ഓറഞ്ച് അല്ലി, ഓറഞ്ച് പള്‍പ്പ്, 1 ടീസ്പൂണ്‍ കറ്റാര്‍ വാഴ എന്നിവ ജ്യൂസ് രൂപത്തിലാക്കുക. ഈ മിശ്രിതം മുഖത്തു പുരട്ടി 5 മിനിറ്റ് നേരം കഴിഞ്ഞ് കഴുകി കളയുക.

കടുക് എണ്ണ ഫേഷ്യല്‍

മുഖത്തിന് തിളക്കം നല്‍കുന്നതിന് പേരു കേട്ടതാണ് കടുക് എണ്ണ. വീട്ടില്‍ തന്നെ പരീക്ഷിക്കാന്‍ ഏറ്റവും ശുപാര്‍ശ ചെയ്യപ്പെടുന്ന ഹോം ഫേഷ്യലുകളില്‍ ഒന്നാണ് ഇത്. ചര്‍മ്മത്തെ ശമിപ്പിക്കുകയും ഉത്തേജിപ്പിക്കുകയും ചെയ്യുന്നതിന് സഹായിക്കുന്നതിനാല്‍ നിങ്ങള്‍ക്ക് മുഖത്ത് കടുകെണ്ണ മൃദുവായി തടവാവുന്നതാണ്. നിങ്ങളുടെ ചര്‍മ്മത്തെ പ്രകോപിപ്പിക്കില്ലെന്ന് ഉറപ്പാക്കാന്‍ ആദ്യം ഒരു ചെറിയ ഏരിയയില്‍ ഇത് പരീക്ഷിക്കുക.

മുട്ട ഫേഷ്യല്‍

നിങ്ങള്‍ക്ക് വീട്ടില്‍ തന്നെയിരുന്ന് ചര്‍മ്മത്തെ മെച്ചപ്പെടുത്തുന്നതിനായി മുട്ട മാസ്‌കും ഉപയോഗിക്കാം. നിങ്ങള്‍ക്ക് വരണ്ട ചര്‍മ്മമുണ്ടെങ്കില്‍, മുട്ട വേര്‍തിരിച്ച് മഞ്ഞക്കരു അടിക്കുക. എണ്ണമയമുള്ള ചര്‍മ്മത്തിന്, മുട്ടയുടെ വെള്ള മാത്രം എടുക്കുക. സാധാരണ ചര്‍മ്മത്തിന് മുട്ട മുഴുവന്‍ ഉപയോഗിക്കുക. ഇത് മുഖത്ത് പുരട്ടി 30 മിനിറ്റ് കാത്തിരിക്കുക, തുടര്‍ന്ന് കഴുകുക. നിങ്ങളുടെ മുഖത്തിന്റെ പുതുമ നിങ്ങള്‍ക്ക് അനുഭവപ്പെടും.

കക്കിരി ഫേഷ്യല്‍

ചര്‍മ്മത്തെ ആരോഗ്യകരമായി നിലനിര്‍ത്തുന്നതില്‍ ഈര്‍പ്പം ഒരു പ്രധാന ഭാഗമാണെന്ന് നമുക്കെല്ലാവര്‍ക്കും അറിയാം. ചര്‍മ്മത്തിന് ജലാംശം നല്‍കുന്നതിനാല്‍ ഉത്തമമാണ് കക്കിരി. നിലവിലുള്ള ചുളിവുകള്‍ ചികിത്സിക്കാന്‍ ഇത് സഹായിക്കുകയും പുതിയ ചുളിവുകള്‍ ഉണ്ടാകുന്നത് തടയുകയും ചെയ്യുന്നു. നിങ്ങള്‍ക്ക് ആവശ്യമായ എല്ലാ ഈര്‍പ്പവും ലഭിക്കാന്‍ വിലയേറിയ ക്രീം ആവശ്യമില്ല, ഒരു കക്കിരി ഫേഷ്യല്‍ മാത്രം മതി. ശക്തമായ മുഖകാന്തിക്കായി ഒരു കക്കിരി തൈരില്‍ കലര്‍ത്തി ചര്‍മ്മത്തില്‍ പുരട്ടുക.

തേന്‍ ഫേഷ്യല്‍

ചര്‍മ്മ സുഷിരങ്ങള്‍ തുറന്ന് അവയെ ശുദ്ധീകരിക്കാനും ബ്ലാക്ക്‌ഹെഡുകള്‍ ഒഴിവാക്കാനും സഹായിക്കുന്നതാണ് തേന്‍. ഇതില്‍ ആന്റി ഓക്‌സിഡന്റുകള്‍ അടങ്ങിയിരിക്കുന്നു, കൂടാതെ തേനിലെ ആന്റിസെപ്റ്റിക്, ആന്റി ബാക്ടീരിയല്‍ ഗുണങ്ങള്‍ മുഖക്കുരുവിനെ ചെറുക്കാനും സഹായിക്കുന്നു. നിങ്ങളുടെ സുഷിരങ്ങള്‍ എണ്ണ, അഴുക്ക് എന്നിവ കൂടാതെ സൂക്ഷിക്കുകയും അതേസമയം ജലാംശം നിലനിര്‍ത്തുകയും ചെയ്യാന്‍ തേന്‍ മുഖത്തു പുരട്ടിയാല്‍ മതി.

ഓട്‌സ് ഫേഷ്യല്‍

ഓട്‌സ് മാസ്‌ക് ചര്‍മ്മത്തിലെ അധിക എണ്ണയെ നീക്കുകയും മുഖക്കുരു പോലുള്ള ചര്‍മ്മ പ്രശ്‌നങ്ങള്‍ക്ക് ഫലപ്രദമായ പരിഹാരം കാണാന്‍ സഹായിക്കുകയും ചെയ്യും. ഇതിന്റെ ആന്റിഓക്‌സിഡന്റും ആന്റിഇന്‍ഫ്‌ലമേറ്ററി ഗുണങ്ങളും വരണ്ട ചര്‍മ്മത്തെ ചികിത്സിക്കാനും ചര്‍മ്മത്തിലെ കോശങ്ങളെ നീക്കംചെയ്യാനും സഹായിക്കുന്നു. പ്രകൃതിദത്ത ക്ലെന്‍സറുകളായ സാപ്പോണിന്‍സ് എന്ന സംയുക്തങ്ങളും ഇതില്‍ അടങ്ങിയിരിക്കുന്നു. സുഷിരങ്ങള്‍ അടഞ്ഞുപോകുന്ന അഴുക്കും എണ്ണയും നീക്കം ചെയ്യുകയും ചര്‍മ്മത്തെ പൂര്‍ണ്ണമായും പുറംതള്ളുകയും ചെയ്യുന്നു.