മുഖത്തെ ചുളിവുകള്‍ മാറ്റും ആയുര്‍വേദ മരുന്ന്

ആവണക്കെണ്ണ

ആവണക്കെണ്ണ മുഖത്തെ ചുളിവുകള്‍ അകറ്റാന്‍ ഏറെ ഗുണകരമാണെന്ന് ആയുര്‍വേദം പറയുന്നു. ഇത് പുരട്ടി മസാജ് ചെയ്ത് 1 മണിക്കൂര്‍ കഴിയുമ്പോള്‍ കഴുകാം.

മഞ്ഞള്‍

മഞ്ഞള്‍ കരിമ്പിന്റെ ജ്യൂസില്‍ കലര്‍ത്തി പുരട്ടുന്നത് ചുളിവുകള്‍ അകറ്റാന്‍ സഹായിക്കുന്ന നല്ലൊരു വഴിയാണ്.

നെല്ലിക്കയുടെ നീര്

നെല്ലിക്കയുടെ നീര് മുഖത്തെ ചുളിവുകളറ്റാന്‍ ഏറെ നല്ലതാണ്. ഇതെടുത്തു മുഖത്തു മസാജ് ചെയ്യാം.

വെളിച്ചെണ്ണയും ബദാം ഓയിലും

വെളിച്ചെണ്ണയും ബദാം ഓയിലും കലര്‍ന്ന മിശ്രിതവും മുഖത്തു മസാജ് ചെയ്യുന്നത് മുഖത്തെ ചുളിവുകള്‍ അകറ്റാന്‍ ഏറെ നല്ലതാണ്.

കുക്കുമ്പറിന്റെ ജ്യൂസ്

കുക്കുമ്പറിന്റെ ജ്യൂസ് എടുത്ത് ചുളിവുകളുള്ളിടത്തു പുരട്ടുക. ഇത് മുഖത്തെ ചുളിവുകള്‍ അകറ്റാന്‍ മാത്രമല്ല, മുഖത്തിന് മൃദുത്വവും നിറവും നല്‍കുകയും ചെയ്യും.

തുളസിയില

തുളസിയില ദിവസവും മൂന്നുനാലെണ്ണം ചവച്ചരച്ചു കഴിയ്ക്കുന്നത് മുഖത്തെ ചുളിവുകള്‍ അകറ്റാനും ചുളിവുകള്‍ വരാതിരിയ്ക്കാനും സഹായിക്കുമെന്ന് ആയുര്‍വേദം പറയുന്നു.

റോസ്‌മേരി ഇലകള്‍

റോസ്‌മേരി ഇലകള്‍ രണ്ടു കപ്പ് വെള്ളത്തില്‍ തിളപ്പിയ്ക്കുക. വെള്ളം പകുതിയാകുന്നതുവരെ തിളയ്ക്കണം. പിന്നീട് ഇത് വാങ്ങി ഇതില്‍ പകുതി കപ്പ് ബ്രാണ്ടി ഒഴിച്ചിളക്കുക. ഇത് ഊററിയെടുത്ത് മുഖത്തു പുരട്ടുന്നത് ചുളിവുകള്‍ അകറ്റാന്‍ സഹായിക്കും.

ഉലുവ

ഉലുവയരയ്ക്കുക. ഇതില്‍ ഒരു ടീസ്പൂണ്‍ തേന്‍ കലര്‍ത്തി പുരട്ടാം. ഇത് ചുളിവുകളില്‍ നിന്നും മോചനം നല്‍കുന്ന ഒരു വഴിയാണ്.

പപ്പായ

നല്ലപോലെ പഴുത്ത പപ്പായയും പഴവും ഉടച്ചിളക്കി ഇത് മുഖത്തു പുരട്ടാം. അര മണിക്കൂര്‍ കഴിയുമ്പോള്‍ കഴുകിക്കളയാം. ഇത് മുഖത്തെ ചുളിവുകള്‍ അകറ്റാന്‍ നല്ലതാണ്.

ബദാം പാലില്‍

ബദാം പാലില്‍ കുതിര്‍ത്ത് അരച്ചു പുരട്ടി മുഖത്തു തേയ്ക്കുന്നതും ഏറെ നല്ലതാണ്.