പുരുഷനായാലും ഇതൊക്കെ ശ്രദ്ധിക്കണം

മൃദുലവും ഈര്‍പ്പവും നല്‍കുന്നു

പുരുഷന്റെ ചര്‍മ്മത്തിന് സ്ത്രീകളുടേതിനേക്കാള്‍ അല്‍പം കട്ടി കൂടുതലായിരിക്കും. മോയ്‌സ്ചുറൈസര്‍ ഉപയോഗിക്കുമ്പോള്‍ അത് ചര്‍മ്മത്തെ കൂടുതല്‍ മൃദുലവും ഈര്‍പ്പമുള്ളതുമാക്കുന്നു. ഇത് കൂടാതെ ചര്‍മ്മത്തെ പുറത്തെ പൊടിപലങ്ങളില്‍ നിന്നും സംരക്ഷിക്കുന്നു.

ചര്‍മ്മത്തിന്റെ സ്വഭാവം

ചര്‍മ്മത്തിന്റെ സ്വഭാവമറിഞ്ഞു വേണം മോയ്‌സ്ചുറൈസര്‍ ഉപയോഗിക്കേണ്ടത്. അല്ലാത്ത പക്ഷം അത് നമുക്ക് പ്രതികൂല ഫലമായിരിക്കും നല്‍കുക.

മോയ്‌സ്ചുറൈസര്‍ ക്രീം

എപ്പോഴും എപ്പോഴും മോയ്‌സ്ചുറൈസര്‍ ഉപയോഗിക്കരുത്. കാരണം ഉപയോഗിച്ച ശേഷം ഉടനേ തന്നെ വീണ്ടും വീണ്ടും ഉപയോഗിക്കരുത്.

സണ്‍സ്‌ക്രീന്‍

മിക്ക മോയ്‌സ്ചുറൈസിംഗ് ക്രീമുകളിലും സണ്‍സ്‌ക്രീന്‍ അടങ്ങിയിട്ടുണ്ടാവും. ഇത് നമ്മുടെ ചര്‍മ്മത്തെ അള്‍ട്രാവയലറ്റ് രശ്മികളില്‍ നിന്ന് സംരക്ഷിക്കുന്നു. ചുരുങ്ങിയത് 30 ശതമാനമെങ്കിലും സണ്‍ പ്രൊട്ടക്ഷന്‍ അടങ്ങിയ ക്രീം വേണം തിരഞ്ഞെടുക്കാന്‍.

മോയ്‌സ്ചുറൈസര്‍ രാത്രിയില്‍

മോയ്‌സ്ചുറൈസര്‍ ഉപയോഗിക്കുന്നത് രാത്രിയിലാവുന്നതാണ് ഏറ്റവും നല്ലത്. കാരണം രാത്രിയാണ് നമ്മുടെ ശരീരം ഏറ്റവും കൂടുതല്‍ വെള്ളത്തെ പുറന്തള്ളുന്നത്. അതുകൊണ്ടു തന്നെ മോയ്‌സ്ചുറൈസറിന്റെ പ്രവര്‍ത്തനം രാത്രിയില്‍ ശരിയായ രീതിയില്‍ നടക്കും.

ഷേവ് ചെയ്തതിനു ശേഷം

ഷേവ് ചെയ്തതിനു ശേഷം നമ്മള്‍ മോയ്‌സ്ചുറൈസര്‍ ഉപയോഗിക്കുകയാണെങ്കില്‍ അത് ചര്‍മ്മ സുഷിരങ്ങളിലൂടെ അകത്ത് ചെന്ന് പ്രവര്‍ത്തിക്കും. ഇത് മുഖം കൂടുതല്‍ തിളക്കമുള്ളതാവാന്‍ സഹായിക്കും.

ശ്രദ്ധിക്കേണ്ടത്

എണ്ണമയമുള്ള ചര്‍മ്മക്കാര്‍ മോയ്‌സ്ചുറൈസര്‍ ഉപയോഗിക്കേണ്ട ആവശ്യമില്ല. എന്തുകൊണ്ടെന്നാല്‍ അവരുടെ മുഖം എപ്പോഴും എണ്ണമയം നിറഞ്ഞതായിരിക്കും എന്നാല്‍ വരണ്ട ചര്‍മ്മക്കാര്‍ തീര്‍ച്ചയായും മോയ്‌സ്ചുറൈസര്‍ ഉപയോഗിക്കണം. ഇത് ഇത്തരക്കാരുടെചര്‍മ്മത്തെ കൂടുതല്‍ തിളക്കമുള്ളതാക്കും.